სტატია
იღებენ თუ არა ნებართვებს ენგურს გაღმა მცხოვრები ქართველები პროდუქტებისა და ნივთების აფხაზეთში წასაღებად - გალელების კომენტარები
ენგურს მიღმა მცხოვრები მოქალაქეებისთვის, ხშირ შემთხვევაში, საქართველოს კონტროლირებად ტერიტორიაზე შემოსვლა ერთადერთი საშუალებაა იმისთვის, რომ საყოფაცხოვრებო ნივთები თუ ოჯახისთვის აუცილებელი სხვა პროდუქტები შეიძინონ. აფხაზეთში ე.წ მესაზღვრეები ამოწმებენ ყველაფერს, რაც საქართველოს კონტროლირებადი ტერიტორიიდან გადადის.

რამდენიმე დღის წინ კი სოციალურ ქსელში შერიგების სამინისტროს წარმომადგენელ თორნიკე ხონელიძისა (მითითებული ნომერი სწორედ ამ პირს ეკუთვნის) და საქართველოს მოქალაქის მიმოწერის ე.წ. სქრინები გაასაჯაროვა ზუგდიდელმა აქტივისტმა მარიამ სიჭინავამ. "სქრინებში" ვკითხულობთ, როგორ ითხოვს ნებართვას აფხაზეთში მცხოვრები ადამიანი 20 კგ ყველის საახალწლოდ სახლში წასაღებად, თუმცა უფლებას მხოლოდ 5 კილოგრამის გადატანაზე ეძლევა.



რადიო "ათინათი"
იმ ადამიანებს ესაუბრა, რომლებსაც სამეგრელო - აფხაზეთის ადმინისტრაციული საზღვრის გადაკვეთა ხშირად უწევთ. მათი ნაწილი ადასტურებს, რომ ქართული მხარის წარმომადგენელთან უწევთ შეთანხმება, თუ რა პროდუქტი გადააქვთ. ზოგჯერ პასუხს მალევე იღებენ, ზოგჯერ კი საათობით უწევთ ლოდინი. რესპონდენტების ვინაობას მათივე უსაფრთხოების მიზნით არ ვასაჯაროებთ.

"მე მქონდა ერთი შემთხვევა - ტელეფონით ველაპარაკეთ და მერე მოგვცეს ნებართვა ტელევიზორის გადასატანად. ხშირად გვიწევს კონტაქტი, თუ შეხვედრაზეა ან არ სცალია, დიდი ხანი გვიწევს ველოდოთ პასუხს. გვეუბნებიან, რომ ეს ყველაფერი ჩვენივე უსაფრთხოების გამო ხდება, სხვას არაფერს", - ამბობს გალელი რესპონდენტი.

"პირად ნომერს, სახელს და გვარს ჩაუგდებ, შემდეგ უნდა ელოდო. ზოგჯერ 10 წუთში გწერს პასუხს, ზოგჯერ ერთ საათში. როცა დიდი რაოდენობით ალკოჰოლი გადაგაქვს, გიწევს შეთანხმება, უნდა იცოდნენ, როცა რაღაც ბევრი მიგაქვს. ხშირად არის ხოლმე, რომ უარს გვეუბნებიან. ჩემს ახლობელს დაკრძალვისთვის გადაჰქონდა პროდუქტები - ხილი, ბოსტნეული და წვენები და არ გადაატანინეს. შემდეგ ნაცნობების საშუალებით გადაიტანეს. რა ნიშნით იღებენ გადაწყვეტილებას არ ვიცით", - გვიყვება სხვა ოკუპირებულ აფხაზეთში მცხოვრები.

ერთ-ერთი რესპონდენტი, რომელიც გალის რაიონში ცხოვრებს, ამბობს, რომ მსგავსი შემთხვევა, რომ საკვები პროდუქტების რაოდენობა შეეთანხმებინა უწყების წარმომადგენლისთვის, არ ყოფილა. თუმცა, როცა ტექნიკა, მანქანის ნაწილები ან საბურავები გადააქვთ, უკავშირდებიან მისთვის უცნობ პიროვნებას, რომელთანაც მხოლოდ სატელეფონო კომუნიკაცია აქვთ და აწვდიან ინფორმაციას ტექნიკის მოცულობის შესახებ.

"ვინმეს ეთქვას, შეუთანხმდით , თორემ არ გადაგატანინებთ, მე პირადად არ მქონია მსგავსი შემთხვევა. მაგრამ, როცა დიდი რაოდენობით გადააქვთ ტექნიკა, საბურავები ან მანქანის ნაწილები, უწევთ შეთანხმება. რამდენიმე დღით ადრე რეკავენ და აწვდიან ინფორმაციას, თუ რა დანიშნულებით გადააქვთ ესა თუ ის ნივთი", - ამბობს გალის რაიონის მცხოვრები.

ადამიანების ნაწილს, რომელიც რეგულარულად კვეთს ანგურზე ე.წ საზღვარს, არასდროს ჰქონია კომუნიკაცია ქართული მხარის წარმომადგენელთან მსგავს ნებართვასთან დაკავშირებით.

"არასდროს შემითანხმებია პროდუქტის გადატანა, არც მე, არც ჩემს მეზობლებს. რამდენიმე დღის წინაც იყო რაღაცა სუფრა, ჩვეულებრივად გადმოვიტანეთ ყველიც, ღვინოც, სხვა რაღაცებიც. აფხაზებმა შეიძლება გადაგამოწმონ ამ მხრივ, თორემ ჩვენს მხარეს დარეკვა არასდროს დაგვჭირვებია,"- გვიყვება კიდევ ერთი რესპონდენტი.

"ხშირად დავდივარ იქით, რადგან მშობლები და ძმები გალში ცხოვრობენ, ბოლოს ახალ წელს ვიყავი. აქედან ბევრი რამ მიმაქვს და არასდროს პრობლემა არ მქონია, ბიძა მყავს გარდაცვლილი ახლა და გადავიდა ჩემი ბიძაშვილი. ტელეფონით ველაპარაკე და მასაც არანაირი პრობლემა არ შექმნია. ჩვეულებრივად, არც არაფერი უკითხავთ, ისე გადაიტანა უამრავი ხელჩანთა,"- გვიყვება საქართველოს მოქალაქე, რომელიც გალში ხშირად გადადის.

რა როლი აქვს მსგავს შემთხვევაში შერიგებისა და სამოქალაქო თანასწორობის საკითხებში სახელმწიფო მინისტრის აპარატს - ამ კითხვით მინისტრის აპარატს და უშუალოდ თორნიკე ხონელიძეს არაერთხელ მივმართეთ, თუმცა მათ კონკრეტული პასუხის ნაცვლად გვითხრეს, რომ კომენტარის შემთხვევაში დაგვიკავშირდებიან.


Print Email
FaceBook Twitter
დაფინანსებული
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
სტატია
ამავე კატეგორიაში
დღის სიახლეები
11 / ივლისი 2025
ტრადიციულ ქართულ ჩაცმულობაში თავსაბურავს ყოველთვის დიდი მნიშვნელობა ეძლეოდა, ბუნებრივია ასე იყო სამეგრელოშიც. რაც უნდა ღარიბი ყოფილიყო ქალი და იმისი საგარეო ჩაცმულობა, ერთი კარგი თავშალი აუცილებლად ექნებოდა.რაც შეეხება ფეხსაცმელებს,არსებობდა სხვადასხვა ტიპის .დღევანდელ გადაცემაში საუბარია თავსაბურავების და ფეხსაცმელების ნაირსახეობაზე, რომლის მასობრივი გამოყენება ხდებოდა სამეგრელოში.
08 / ივლისი 2025
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
03 / ივლისი 2025
ტანსაცმელის დამზადებას და მის მოვლა-პატრონობას სამეგრელოში დიდი ყურადღება ეთმობოდა. ტანსაცმელს ზანდუკ-კიდობნებში ინახავდნენ.ავი თვალის დასაცავად ტანსაცმლის მარცხენა მხარეს, შიგნით "ანგაროზის"(ავგაროზი) დაკერებაც იცოდნენ მას ნათოლეშ წამალს" უწოდებდნენ. ავგაროზი მზადდებოდა ბავშვებისთვის და თვალდაკრული ადამიანებისთვისაც.დღევანდელ გადაცემაში საუბარია როგორ მზადდებოდა ავგაროზი და როგორი იყო მასთან დაკავშირებული რიტუალები.
ოდაბადეშ კინოხონი
დადიანების სასახლეთა საგანძური
ჩვენი თვითმმართველობა
არქივი
«« ივლისი 2025 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.