ახალი ამბები
მედიაორგანიზაციები „მაუწყებლობის შესახებ“ კანონთან დაკავშირებით დეპუტატებს მიმართავენ
საქართველოში მოქმედი 51 მედიაორგანიზაცია საპარლამენტო უმრავლესობას მიმართავს, რომ “მაუწყებლობის შესახებ“ კანონზე პრეზიდენტის ვეტო არ დაძლიოს. მედიაორგანიზაციები მოუწოდებენ პარლამენტის წევრებს, რომ აღნიშნულ კანონთან დაკავაშირებით განხორციელებულ ცვლილებებზე პრეზიდენტის, პარლამენტის დარგობრივი ეკონომიკის კომიტეტის, სამოქალაქო სექტორის, მედიაორგანიზაციების აბსოლუტური უმრავლესობის შენიშვნები გაიზიარონ.

გარდა ამისა, პარლამენტის მიერ მიღებულ კანონპროექტთან დაკავშირებით მედიაორგანიზაციები პარლამენტის თავმჯდომარესა და უმრავლესობასთან შეხვედრასაც ითხოვენ.

შესაბამის სპეციალურ განცხადებას 51 მედიაორგანიზაცია აწერს ხელს, მათ შორისაა რადიო „ათინათი“. ერთობლივ განცხადებას უცვლელად გთავაზობთ:

“მივესალმებით საქართველოს პრეზიდენტის გადაწყვეტილებას, რომელმაც ვეტო დაადო “მაუწყებლობის შესახებ“ კანონში შესატან ცვლილებებს. მოგიწოდებთ, პრეზიდენტის ვეტო გამოიყენოთ, როგორც შანსი, კიდევ ერთხელ დაუბრუნდეთ ამ საკითხს და უფრო გულდასმით შეისწავლოთ ის საფრთხეები, რასაც მედიაგარემოს “მაუწყებლობის შესახებ“ კანონის სადავო რედაქცია უქმნის. გთხოვთ, გაიზიაროთ პრეზიდენტის, პარლამენტის დარგობრივი ეკონომიკის კომიტეტის, სამოქალაქო სექტორის, მედიაორგანიზაციების აბსოლუტური უმრავლესობის შენიშვნები და არ დაძლიოთ ვეტო. ქვეყანაში, სადაც კომერციული რეკლამის ბაზარი ყოველწლიურად იკლებს, ხოლო საზოგადოებრივი მაუწყებლის საბიუჯეტო გარანტირებული დაფინანსება ყოველწლიურად არაერთი მილიონით იმატებს, სადაც საზოგადოებრივი მაუწყებლის გარანტირებული შემოსავალი მუდმივად აჭარბებს სარეკლამო ბაზრის ნახევარს, საზოგადოებრივი მაუწყებლისთვის სარეკლამო და სასპონსორო შესაძლებლობების მნიშვნელოვნად გაზრდა საფრთხეს უქმნის დამოუკიდებელი მედიის ფინანსურ მდგრადობას. მეორეს მხრივ კი, ეჭვქვეშ აყენებს თავად საზოგადოებრივი მაუწყებლის იდეას, რაც სხვა კომპონენტებთან ერთად კომერციული გავლენისგან თავისუფლებას გულისხმობს. ჩვენი საზოგადოება იმსახურებს ძლიერ, გავლენებისგან თავისუფალ საზოგადოებრივ მაუწყებელს. ამავე დროს იმსახურებს ძლიერ, დამოუკიდებელ კერძო მედიას, რაც ფინანსური მდგრადობის გარეშე გამორიცხულია. ვფიქრობთ, კანონმდებლებმა უნდა უზრუნველყონ ორივე სიკეთის დაცვა. მოგიწოდებთ, გადაწყვეტილების მიღებამდე პარლამენტის თავმჯდომარემ და უმრავლესობის ფართო შემადგენლობამ, გამართოთ შეხვედრა დამოუკიდებელი მედიის წარმომადგენლებთან და მოისმინოთ ჩვენი არგუმენტები“, - ნათქვამია მიმართვაში.

მიმართვა ღიაა ხელმოწერის მსურველი მედიაორგანიზაციებისთვის.

მას ხელს აწერენ:

1. ტელეკომპანია იმედი
2. ტელეკომპანია რუსთავი 2
3. ტვ პალიტრანიუსი
4. რადიო პალიტრა
5. ტვ პირველი
6. BMG ბიზნესმედია ჯორჯია
7. ტელეკომპანია კავკასია
8. ტელეკომპანია იბერია
9. ტელეკომპანია ობიექტივი
10. ტელეკომპანია სტარვიზია
11. რადიო თბილისი
12. რადიო ჰერეთი
13. რადიო კომერსანტი
14. რადიო მაესტრო
15. რადიო ვინილი
16. რადიო ქართული ვინილი
17. ტვ ვინილი
18. რადიო NRJ
19. მედიაჰოლდინგი აფხაზეთის ხმა
20. რადიო მწვანე ტალღა
21. რადიო დარდიმანდი
22. ტვ 25
23. TV ოდიში
24. გურია TV
25. მეცხრე ტალღა
26. TV რიონი
27. რადიო რიონი
28. ტელეკომპანია თრიალეთი
29. ტელეკომპანია გურჯაანი
30. TOK TV
31. რადიო ჰარმონია
32. რადიო ათინათი
33. რადიო ოდიში
34. AB -მაუწყებელთა ალიანსი
35. გაზეთი რეზონანსი
36. ახალი ამბების სააგენტო ექსპრესნიუსი
37. საინფორმაციო პორტალი პირველი ნიუსი–საქართველო
38. ინტერნეტ გაზეთი “მეტრონომი“
39. საინფორმაციო სააგენტო allmedia.ge
40. ახალი გაზეთი
41. სამხრეთის კარიბჭე
42. ,,ჩემი იმერეთი”
43. მთავარი სამეგრელო
44. ოკრიბანიუსი
45. გურიანიუსი
46. კახეთის ხმა
47. ქვემო ქართლის საინფორმაციო პორტალი
48. svanetiinfo.ge
49. გაზეთი პოსტსკრიპტუმი
50. თრიალეთის ექსპრესი
51. კახეთის ინტერნეტ-გამოცემა სპექტრი

Print Email
FaceBook Twitter
დაფინანსებული
ზუგდიდი მოლი სამეგრელო-ზემო სვანეთის რეგიონში პირველი თანამედროვე საერთაშორისო სტანდარტების შესაბამისი სავაჭრო ცენტრია. მოლში წარმოდგენილია სხვადასხვა ადგილობრივი და საერთაშორისო ბრენდები.
თიბისის მხარდაჭერით, 20 ივლისს, 12:00 საათზე, აზროვნების აკადემიის სერიის - „შემეცნებითი ტურნე რეგიონებში“ შეხვედრა გაიმართება
19 ივლისს, თიბისის მხარდაჭერით, აზროვნების აკადემიის "შემეცნებითი ტურნე რეგიონების" ფარგლებში შემდეგი შეხვედრა გაიმართება
ამავე კატეგორიაში
დღის სიახლეები
23 / ივლისი 2024
შეფასებისა და გამოცდების ეროვნული ცენტრის (Naec) მონაცემებით, ზუგდიდში, მე-4 სკოლის საგამოცდო ცენტრში დარეგისტრირებული 278
23 / ივლისი 2024
სტატისტიკის ეროვნული სამსახურის მონაცემებით, 2022-2023 წლებში 14 911-მა მოსწავლემ სწავლა შეწყვიტა. მათგან 8 502 ბიჭი, ხოლო 6 409
23 / ივლისი 2024
ზუგდიდში, ზვიად გამსახურდიას გამზირზე განთავსებული შადრევნის რეაბილიტაციისთვის გამოცხადებული 14 000 ლარის ღირებულების
დილის ჩართვა
ოდაბადეშ კინოხონი
18 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 22 °C
img
ფოთი 26 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.