ზუგდიდის ინფექციური საავადმყოფოს ლაბორატორიაში რეგიონის მაშტაბით 640 პირის ბიოლოგიური ნიმუში გაიტესტა და მათგან 57 პირს ახალი კორონავირუსი დაუდასტურდა. 26 ახალი შემთხვევა ზუგდიდში გამოვლინდა. ამის შესახებ ინფორმაციას სამეგრელო-ზემო სვანეთის სამხარეო ადმინისტრაცია ავრცელებს. ამავე ცნობით Covid-19​-ით ინფიცირების 14 ახალი შემთხვევა დაფიქსირდა ფოთში, 2 წალენჯიხაში, 5 სენაკში, 4 ხობში, 1-1 კი მარტვილსა და აბაშაში. გარდა ამისა, ვირუსი აფხაზეთიდან გადმოყვანილ 4 პირს დაუდგინდა.

"გამოვლენილი შემთხვევებიდან უმეტესობა არის უკვე დადასტურებული შემთხვევების კონტაქტები. მიმდინარეობს ახალი შემთხვევების კონტაქტების გამოკვლევა და ღრმა ეპიდემიოლოგიური კვლევა", - ნათქვამია გავრცელებულ ინფორმაციაში.

ბოლო მონაცემებით რუხის კლინიკაში მკურნალობის კურსს გადის 84 კოვიდპაციენტი, აქედან 16-ის მდგომარეობა საყურადღებოა. ფოთის ჰოსპიტალში 39 პირი მკურნალობს.

რეგიონის საკარანტინო სივრცეებში 181 ადამიანი იმყოფება.

ფოტო:Shermazana