ზუგდიდის ინფექციურში დღეს მოთავსებულ ოთხ პირს, რომელიც ერთი ოჯახის წევრები არიან, კორონავირუსისთვის დამახასიათებელი სიმპტომები არ აღენიშნებათ. საავადმყოფოს ინფორმაციით, მათ ანალიზებს ლუგარის ცენტრში, სავარაუდოდ, არ გააგზავნიან. ამავე ცნობით, აღნიშნული პაციენტების გაწერა ხვალ იგეგმება.

"ეს არის გაციება და არ აქვთ კორონავირუსისთვის დამახასიათებელი სიმპტომები , თუმცა ოჯახის წევრებზე დაკვირვება დილამდე იწარმოებს", - გვითხრეს სამედიცინო დაწესებულებაში.

დღეს, საღამოს საათებში საბერიოდან ორი ბავშვი ცხელების სიმტომებით გადმოიყვანეს. დაზუსტებული ინფორმაციით, მათთან ერთად იმყოფება ორივე მშობელი. ისინი ბოქსირულ გნყოფილებაში არიან მოთავსებულები.