დღეს, 10 ოქტომბერს ზუგდიდში სოჭის ოლიმპიადაში მონაწილეობის გასაპროტესტებელ პეტიციას მოეწერა ხელი. ორგანიზატორებმა „ახალგაზრდები ევროპული მომავლისათვის,“ ლოზუნგებით „არა  პუტინის ოლიმპიადას“, „არ დაგვავიწყდეს რუსეთის აგრესია"  ხელმოწერების შეგროვება ზუგდიდის ცენტრალური ბაზრის მიმდებარე ტერიტორიაზე დაიწყეს. მათ ამ ფორმით საქართველოს პრემიერ მინისტრს ბიძინა ივანიშვილს, ეროვნული ოლიმპიური კომიტეტის პრეზიდენტს ლერი ხაბელოვსა და სპორტისა და ახალგაზრდობის მინისტრ ლევან ყიფიანს მიმართეს და რეაგირებისკენ მოუწოდეს. „იმ ფოზე, როდესაც რუსეთის ხელისუფლება სისტემატიურად არღვევს საქართველოს ტერიტოტიულ მთლიანობას და 2008 წლის 12 აგვიტოს შეთანხმებას, როდესაც საქართველოს ტერიტორიების 20 პროცენტი ოკუპირებულია, როდესაც ოლიმპიადის მეჩირაღდნე ის ადამინია, ვინც 2008 წელს საქართველოს ბომბავდა, სოჭის ოლიმპიადაში მონაწილეობა შეურაცხმყოფელია თითოეული იმ ბიჭების ხსოვნის წინაშე, რომლებმაც საქართველოს ტერიტორიულ მთლიანობას შესწირეს თავი“,- ნათქვამია მიმართვაში. პეტიციას ხელი რამდენიმე ათეულმა ადამიანმა მოაწერა. ხელმომწერები მედიასთან საუბარში განმარტავენ, რომ ამ ფორმით ოლიმპიადაზე ქართველების მონაწილეობას უარს ეუბნებიან.