სტატია
დადიანების მუზეუმის მიმდებარედ მიწის ნაკვეთი 413 000 ლარად გაიყიდა
ზუგდიდში, დადიანების ისტორიულ-არქიტექტურული მუზეუმის მიმდებარედ, მიწის ნაკვეთი, რომელიც სასახლის ეზოს ნაწილად მოიაზრება, 2007 წლის შემდეგ, მესამედ გაიყიდა. ქალაქის ცენტრში არსებული 995 კვ.მ. მიწის ნაკვეთი ამჯერად შპს „ლაზეთი გრუპის“ საკუთრება გახდა. ნასყიდობის ხელშეკრულება 22 მარტს გაფორმდა. რადიო "ათინათის" ინფორმაციით, აღნიშნული ტერიტორია 413 ათას ლარად გაიყიდა.

„ლაზეთი გრუპი“ 2017 წელს მამუკა კვირკვიამ დააფუძნა. საჯარო რეესტრის მონაცემებით, შპს-ის დირექტორი და 50% წილის მფლობელი რუსეთის მოქალაქე ლალიტა შერვაშიძეა. დანარჩენ 50 %-ს კი მამუკა კვირკვია ფლობს. გარდა ამისა, კვირკვია და მის მიერ დაფუძნებული „ლაზეთი გრუპი“ წილებს ფლობენ შემდეგ შპს-ებში: "ლაზეთი 2017", "ენგური 2017" და "ცაიშის კურორტი".

ინტერნეტ გამოცემა "პრაიმტაიმი" წერს, რომ აღნიშნულ ტერიტორიაზე „ლაზეთი გრუპი“ ღვინის მუზეუმის მოწყობას გეგმავს.

მანამდე, აღნიშნულ მიწის ნაკვეთს  მოქალაქე გია უბირია ფლობდა, რომელმაც ტერიტორია აუქციონზე შეიძინა. რეესტრზე ატვირთული დოკუმენტაციის მიხედვით, უძრავი ქონება აუქციონზე აღსრულების ეროვნულმა ბიურომ გაიტანა. მისი საწყისი ფასი 482 250 ლარი იყო.

სულ პირველად, აღნიშნული ტერიტორიის გასხვისების შესახებ ცნობილი 2013 წელს გახდა, თუმცა, როგორც მაშინ გაირკვა მიწის ნაკვეთი ენმ-ს წევრზე 2007 წელს გაფორმდა. ეკონომიკის სამინისტრომ უძრავი ქონება 135 ათას დოლარად გაასხვისა. ლევან ქარდავა მაშინ ამბობდა, რომ ტერიტორიის შეძენა და ინვესტიციის ჩადება მაშინდელი ხელისუფლების წარმომადგენლებმა სთხოვეს, თუმცა თანახმა იყო ტერიტორია გადახდილი თანხის უკან დაბრუნების სანაცვლოდ კვლავ სახელმწიფოსთვის დაებრუნებინა.

ამ ინფორმაციის გავრცელების შემდეგ ზუგდიდში არაერთი აქცია გაიმართა. ეს ამბავი დღევანდელი ადგილობრივი ხელისუფლების წარმომადგენლებმაც გააპროტესტეს. ასევე, ამ ტერიტორიაზე სასტუმროს აშენების წინააღმდეგი იყო ისტორიკოსი აბესალომ ტუღუში. 

მუზეუმის დირექტორი ლილი ბერაია კი ამტკიცებდა, რომ აღნიშნული ტერიტორია, სადაც ყოფილი დეპუტატის გოჩა ფიფიას მიერ ღია ტიპის გასართობი ადგილი ("თეატრონი") იყო მოწყობილი, მუზეუმის საკუთრება იყო. ის მიწის ნაკვეთის დაბრუნებას ცდილობდა, თუმცა შედეგს ვერ მიაღწია.

აღსანიშნავია ის ფაქტი, რომ მამუკა კვირკვია ბიზნესმენ ზურაბ კვირკვიას ძმაა, რომელიც ზუგდიდის მერისა და მისი მოადგილის საქმეში ფიგურირებს. ბოლოს ზურაბ კვირკვიას სახელმა პანდემიის დროს გაიჟღერა. მან შეჭირვებული ოჯახების დასახმარებლად 50 ათასი ლარი გაიღო.




Print Email
FaceBook Twitter
რ ე კ ლ ა მ ა
სოფელ მუხურში, ლეთოლორდეს უბანში, 3 კილომეტრის მანძილზე ასფალტო-ბეტონის საფარით საავტომობილო გზის რეაბილიტაცია მიმდინარეობს.
საქველმოქმედო ჰუმანიტარული ცენტრი "აფხაზეთის" წარმომადგენლებმა ჯანაშიას ქუჩაზე, ყოფილი სკოლის შენობაში მცხოვრებ იძულებით გადაადგილებულ ოჯახებს
ზუგდიდის მუნიციპალიტეტის მერმა გიორგი შენგელიამ, მის პირველ მოადგილესთან გიგა ფარულავასთან ერთად, ზვიად გამსახურდიას ქუჩაზე მიმდინარე გზის სარეაბილიტაციო სამუშაოები დაათვალიერა.
კორონავირუსი
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 354 პირის ბიოლოგიური ნიმუში გამოიკვლიეს.
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 225 პირის ბიოლოგიური ნიმუში გამოიკვლიეს.
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 404 პირის ბიოლოგიური ნიმუში გამოიკვლიეს.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
მთავარი საინფორმაციო გამოშვება
არქივი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 31 °C
img
სოხუმი 30 °C
img
ფოთი 29 °C
img
მესტია 21 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.