ТОЧКИ СОПРИКОСНОВЕНИЯ
გასტროტურიზმის განვითარების პოტენციალი აფხაზეთში (ფოტო)
გამოკითხვების და სოციალურ ქსელში გამოქვეყნებული გამოხმაურებების თანახმად, აფხაზეთში ჩასულ ტურისტებს, ბუნებისა და ისტორიული ღირშესანიშნაობების გარდა, აფხაზური სამზარეულო მოსწონთ.

განსაკუთრებული პოპულარობით აქ ე.წ. ფაცხები ანუ ეთნო სტილში მოწყობილი ინტერიერის მქონე რესტორნები სარგებლობენ. აქ ნახავთ ტრადიციული აფხაზური ფაცხისთვის დამახასიათებელ ყველა ატრიბუტს: შუაცეცხლს, რომელზეც ღომსა და ლობიოს ამზადებენ. იქვე ჭერქვეშ დაკიდულ შებოლილ ხორცსა და ყველს.

სოხუმის ერთ - ერთი ფაცხის მზარეულის ელენა ტარბას თქმით, გასტროტურიზმი ის ნიშაა, რომელიც უფრო აქტიური და მრავალფეროვანი უნდა გახდეს.
"ჩვენი სამზარეულოს სტუმრებს განსაკუთრებით მოსწონთ ლობიო, ღომი და ყველი, ასევე შებოლილი ხორცი, რომელიც ნატურალური პროდუქტისგან მზადდება, ნიგვზიანი მწვანე ლობიო. ამ კერძების დაგემოვნების შემდეგ ისინი ხშირად გამოხატავენ აღფრთოვანებას", - ამბობს ის. 

ყველაზე ცნობილი ფაცხა, რომელიც ჯერ კიდევ საბჭოთა პერიოდიდან ახსოვთ, "ნარტაა", რესტორნის საფირმო კერძი კი - აჭარული ხაჭაპურია. მიუხედავად იმისა, რომ ამ ხაჭაპურებს სხვა ფაცხებშიც აცხობენ, ადგილობრივი მცხოვრებლები და ქალაქის სტუმრები უპირატესობას სწორედ ამ რესტორანს ანიჭებენ. საკურორტო სეზონზე დღეში აქ 500 - მდე ასეთ "ნავს" აცხობენ, ზამთრის პერიოდში კი დაახლოებით, 150 - ს.

"ყველაფერი გემრიელია და ფასიც ნორმალურია, ატმოსფეროც შესაფერისი, სანაპირო ძალიან ლამაზია".  

"ხედი მომწონს ძალიან და ადგილობრივი კოლორიტი".

"აქ ძალიან მომწონს, კერძებიც გემრიელია. ჯერ კიდევ საბჭოთა პერიოდიდან მახსოვს ეს ადგილი, სოჭიდან ჩამოვდიოდით აქ. ასეთი გემრიელი ხაჭაპური არსად იყო", - ასეთი  შთაბეჭდილებებით ტოვებენ ხოლმე სტუმრები კვების ცნობილ ობიექტს.

"ნარტას" მზარეულის ვაგრამის თქმით, მათი  წარმატების საიდუმლო, სავარაუდოდ, გამოცდილი პერსონალის ოსტატობაა და არა შეშის ღუმელი ან ნატურალური პროდუქტები, როგორც ბევრს ჰგონია.

დღეს რესტორანი ელექტროღუმელებითაა აღჭურვილი, ხოლო პროდუქციას რაც შეეხება, ადგილობრივი წარმოების მხოლოდ მწვანილსა და ბოსტნეულს იყენებენ.

"ფქვილი ფრანგულია, ხორცი - ბრაზილიური, ყველი კი ადიღეური. ადგილობრივი პროდუქცია საკმაოდ ძვირია და ჩვენ არ გვადგება. ვცადეთ ადგილობრივი ყველიც, ადიღეურიც, მაგრამ, ჩვენს ხაჭაპურს არ მოუხდა", - ამბობს "ნარტას" თანამშრომელი.

იმპორტული პროდუქტების გამოყენების მიზეზად ვაგრამი სწორედ მომსვლელთა დიდ ნაკადს ასახელებს, რადგან, მისი თქმით, ადგილობრივი პროდუქტის მოცულობა შეზღუდულია. გარდა ამისა, მისი თქმით იმპორტული პროდუქციის ხანგრძლივი დროით შენახვაა შესაძლებელი.

ადგილობრივ პროდუქციას უფრო ხშირად პატარა ფაცხებში შეხვდებით. სოხუმის ერთ - ერთი ფაცხის მზარეულის ვიოლას თქმით, მათთან სწორედ ნატურალური პროდუქტისგან დამზადებული კერძებისთვის მოდიან.
"ჩვენთან ყველაფერი შეშაზე მზადდება, თვითონაც ხედავთ, აი ღომი, ლობიოც აქვე მზადდება, ყველაფერი ნატურალურია, დანამატების გარეშე, ზამთარ - ზაფხულ ასეა... შებოლილი ხორციც ადგილობრივია, ყველა ფაცხაში არაა ასე. ყველიც ოჯახში დამზადებულია, ფერმერებისგან ვყიდულობთ", - ამბობს ის.

დღესდღეობით, არც ხალხმრავალი "ნარტა" და არც პატარა ფაცხები უჩივიან სტუმრის ნაკლებობას, რადგან, მათ აქ გემრიელ კერძებთან ერთად კოლორიტულ გარემოსაც სთავაზობენ.


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.





















Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის სოფელ რუხში საფეხბურთო აკადემიის მშენებლობა აქტიურად მიმდინარეობს.
"სოფლის მხარდაჭერის პროგრამა" წარმოადგენს სოფლად ინფრასტრუქტურის მოწესრიგების ერთ-ერთ მთავარ წყაროს.
ზუგდიდის მუნიციპალიტეტის მერია იწყებს ახალ რუბრიკას, სადაც სახელწმიფოს და მოქალაქის პარტნიორობის წარმატებულ მაგალითებს გაგაცნობთ.
კორონავირუსი
გასული 24 საათის განმავლობაში რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 407 ნიმუშიდან 63-ზე დადებითი პასუხია.
ჩხოროწყუს მკვიდრი 83 წლის ქალი კორონავირუსით გარდაიცვალა. სამხარეო ადმინისტრაციის ინფორმაციით, პაციენტი თერჯოლის კოვიდმიმღებ ცენტრში მკურნალობდა და მას თანმხლები დაავადებები ჰქონდა.
წალენჯიხის მერს ახალი კორონავირუსი დაუდასტურდა. ამის შესახებ მან სოციალურ ქსელში დაწერა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
27 / ოქტომბერი 2020
ზუგდიდში, წმინდა ნინოს ქუჩაზე პოლიციის თანამშრომლის მიერ მოქალაქის ცემის ფაქტზე გამოძიება ძალადობის მუხლით დაიწყო.
27 / ოქტომბერი 2020
ხობის სოფელ პირველი მაისის საჯარო სკოლის პედაგოგებმა, ადმინისტრაციამ და ტექნიკურმა პერსონალმა განათლების მინისტრს ყოფილი დირექტორის თანამდებობაზე აღდგენის შესახებ წერილობით მიმართეს.
27 / ოქტომბერი 2020
საქართველოს პრემიერ-მინისტრი გიორგი გახარიამ, რომელიც სამეგრელო-ზემო სვანეთის სამხარეო ადმინისტრაციაში იმყოფებოდა, ტერიტორია კომენტარის გარეშე დატოვა. მას ჟურნალისტები რამდენიმე
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 21 °C
img
ფოთი 20 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.