ТОЧКИ СОПРИКОСНОВЕНИЯ
მოლაპარაკებები რუსეთთან აფხაზეთში ენერგოკრიზისის თავიდან ასაცილებლად
კომპანია "ჩერნომორენერგოს" დირექტორის ასლან ბასარიას განაცხადებით სოხუმი მოსკოვთან აწარმოებს მოლაპარაკებებს ზამთრის პერიოდში ელექტროენერგიით მომარაგების თაობაზე. 

"მიმდინარეობს მოლაპარაკება, ამოქმედებულია ჩვენი სამსახურები, ძალოვანი სტრუქტურებიც ჩართულია, გამომდინარე იქიდან, რომ ჩვენ საზღვრისპირა ტერიტორიაზე ვიმუშავებთ, და ბუნებრივია, ამ ტერიტორიაზე საჭიროა გარკვეული ნებართვები", - აღნიშნა მან.

რუსეთთან მოლაპარაკებები რამდენიმე კვირას გაგრძელდა. მათი დაწყების შესახებ, ბასარიამ 2019 წლის ბოლოს გამართულ პრესკონფერენციაზეც განაცხადა, როდესაც აფხაზეთში ელექტროენერგიის დეფიციტი შეიქმნა.

"უახლოეს დღეებში გადაწყდება საკითხი. ჩვენი თანამშრომლები ჩაატარებენ ამ სამუშაოს და მარტივი ენით რომ ვთქვათ გადმოქაჩავენ ელექტროსადენებს საზღვარზე და მიუერთდებიან კრასნოდარის 100 კვტ - იან ელექტროგადამცემ ხაზს", - თქვა ბასარიამ.   

ენერგოდეფიციტი ჯვარის წყალსაცავში წყლის დონის კრიტიკულ დონემდე კლებამ გამოიწვია. გარდა ამისა, ენერგეტიკოსების განმარტებით, აფხაზეთში წლიდან წლამდე იზრდება ელექტროენერგიის მოხმარება და ზამთრის თვეებში, მუდმივად ერთი და იგივე პრობლემის წინაშე დგანან.

"აფხაზეთში ენერგომოხმარება  9 მილიონ კვტ საათს აღწევს დღე - ღამეში, ეს კი 4-5% - ით მეტია გასულ წელს თუ შევადარებთ. საქმე იმაშია, რომ აფხაზეთში ელექტროენერგიის მოხმარების ზრდას დაემატა მცირენალექიანი წელი. დაახლოებით 35-40% - ით ნაკლებია წელს", - ამბობს ენგურჰესის დირექტორი ლევან მებონია.

მისივე მონაცემებით, ენგურჰესის წყალსაცავში წყლის მინიმალური დონე 420 მეტრია, ეს ნიშნული კი ჰესის მუშაობის შეზღუდვას გულისხმობს. ამჟამად ენგურჰესის წყალსაცავში წყლის დონე 445 მეტრს შეადგენს, თუმცა, სპეციალისტების თქმით, წყალი სწრაფი ტემპით, დღეში დაახლოებით 1 მეტრით იკლებს. შესაბამისად, დარჩენილი რესურსისა გათვალისწინებით, ენგურჰესი აფხაზეთის მოხმარების სრულ დაფარვას ვერ შეძლებს.

ასლან ბასარიას განმარტებით, მოსახლეობის დიდი ნაწილი თვლის, რომ წყალსაცავში წყალი მხოლოდ წვიმის შედეგად ივსება, თუმცა სინამდვილეში, ეს პროცესი თოვლის დნობას უკავშირდება, რა თქმა უნდა მთიან რეგიონზეა საუბარი, რომელიც ზღვის დონიდან 800 – 1000 მეტრის სიმაღლეზე მდებარეობს.

"მეორე საკითხია ის, რომ დიდი რაოდენობით მოსული ნალექი, მხოლოდ მცირე დროით აისახება წყლის მოდინებაზე. საქმე ეხება მდინარის ადიდებას, რომელიც თავის მხრივ, წყალსაცავს ავსებს. თუმცა, ასეთი კრიტიკული სიტუაცია და ნალექის სიმცირე 1978 წლიდან არ ყოფილა"- ამბობს აფხაზური ენერგოკომპანიის დირექტორი.  

მისი თქმით, დასრულდა მოსამზადებელი სამუშაოები და რუსეთი  აფხაზეთს ელექტროენერგიით უახლოეს პერიოდში მოამარაგებს, მანამ, სანამ ჯვარის წყალსაცავი არ შეივსება მისღებ დონემდე.

როგორია შეთანხმების დეტალები და იმპორტირებული ელექტროენერგიის ფასი ჯერჯერობით უცნობია.  

მარაოსებრი სისტემით ელექტროენერგიის გათიშვები დღეში 4 საათით აფხაზეთში 27 თებერვალს დაიწყო.

მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.
Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
დღის სიახლეები
13 / აპრილი 2024
სურსთის ეროვნული საგენტოს ცნობით,  აზიურ ფაროსანასთან ბრძოლის მართვის ცენტრმა დასავლეთ საქართველოში ფერომონიანი დამჭერების განთავსება დაიწყო.
13 / აპრილი 2024
მზად ვართ ვისაუბროთ დეტალურად, გახსნილად, გვაქვს მზაობა კონსულტაციებისთვის, იმისათვის, რომ ყველას დავანახოთ, კანონი, რომელიც არის ინიცირებული, ეს არის გამჭვირვალობის კანონი, გამჭვირვალობის ყველა იმ სუბიექტისა, რომელიც მონაწილეობს საზოგადოებრივი აზრის ფორმირებაში, - ამის შესახებ ვიცე-პრემიერმა, საქართველოს თავდაცვის მინისტრმა ირაკლი ჩიქოვანმა ჟურნალისტებთან საუბრისას განაცხადა.
13 / აპრილი 2024
ორშაბათს, 15 აპრილს, ზუგდიდის სკეიტ პარკში "არა რუსულ კანონს!" - ამ სახელწოდებით აქცია გაიმართება.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 16 °C
img
სოხუმი 14 °C
img
ფოთი 14 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.