ТОЧКИ СОПРИКОСНОВЕНИЯ
სოხუმი კორონავირუსის მეორე ტალღის პირობებში და ისევ ვაქცინაციის მოლოდინში
სოხუმში კორონავირუსის მეორე ტალღაზე და ინფიცირებულთა რიცხვის ზრდაზე საუბრობენ. მედიკოსების თქმით, პაციენტების მომართვიანობამ ბოლო ორი კვირის განმავლობაში საგრძნობლად იმატა. ამასთან ერთად, როგორც ისინი აღნიშნავენ, დაავადებაც, ხშირ შემთხვევაში, უფრო მძიმედ მიმდინარეობს. "ოდნავ უფრო მძიმეა ამ ეტაპზე მიმდინარეობა, ე.წ. ციტოკინური შტორმი უფრო სწრაფად დგება, მათ შორის ახალგაზრდებშიც, 23-დან 25 წლამდე ასაკის პაციენტებში, ასევე 30-დან 45 წლამდე, თუმცა ძირითადად, ისინი მაინც 50 წლამდე პაციენტები არიან, რასაც თანმდევი დაავადებები ახლავს, შაქრიანი დიაბეტი და გულსისხლძარღვთა დაავადებები", - ამბობს სოხუმის ინფექციური საავადმყოფოს მთავარი ექიმი ასტამურ გუნია.

ის ჯერჯერობით ვერ ადასტურებს აფხაზეთში კორონავირუსის ახალი შტამის გავრცელებას, რადგან, როგორც ამბობს, ამისთვის შესაბამისი ლაბორატორიული კვლევებია საჭირო. თუმცა, მედიკოსი ვარაუდობს, რომ ზოგ შემთხვევაში, დაავადების კლინიკური მიმდინარეობა სწორედ ახალ შტამზე მიუთითებს. "ლაბორატორია და სანეპიდსადგური დაგვპირდნენ დახმარებას, ჩვენ უკვე შევადგინეთ სია და გადავეცით მათ ახალ შტამზე საეჭვო პაციენტების ბიომასალა. უნდა გააკეთონ ამის ორგანიზება. სამწუხაროდ, აფხაზეთში არ გვაქვს რეაქტივები, მათ არ შეუძლიათ გამოიკვლიონ, არის თუ არა ეს შტამი, მხოლოდ საზღვრებს გარეთაა შესაძლებელი. აი, პირობა მოგვცეს და ვნახოთ", - ამბობს აფხაზი ექიმი. 

აფხაზეთის მთავარი სანიტარული ექიმი ლუდმილა სკორიკი ვარაუდობს, რომ ინფიცირების შემთხვევების ზრდა, ძირითადად, მასობრივ ღონისძიებებს, მათ შორის ქორწილებს უკავშირდება, რომლებიც აკრძალვების მიუხედავად მაინც იმართება.

მისივე მონაცემებით, ამ დროისათვის აფხაზეთში კორონავირუსი 13 ათასზე მეტმა ადამიანმა გადაიტანა,  თუმცა, ეს არ არის საკმარისი კოლექტიური იმუნიტეტის ჩამოსაყალიბებლად, ამისთვის მოსახლეობის 70 პროცენტში უნდა გამოვლინდეს დაავადების ან ვაქცინაციის შედეგად გამომუშავებული ანტისხეულები. ამიტომ, მისი თქმით, გამოსავალს მხოლოდ ვაქცინაცია წარმოადგენს. თუმცა, აფხაზეთში ვაქცინის შემოტანის თარიღი ჯერაც უცნობია. "უკვე შეთანხმებულია ყველა დეტალი და ცნობილია, რომ რუსეთის ფედერაცია გამოგვიყოფს ამ ვაქცინას, ამ ეტაპზე მიმდინარეობს ტრანსპორტირების საკითხების მოგვარება, ტრანსპორტირება გართულებულია, რადგან, ამ ვაქცინას შესაბამისი ტემპერატურული რეჟიმი სჭირდება, სხვა შემთხვევაში, 6 საათის შემდეგ, ჩვენ უბრალოდ მისი განადგურება მოგვიწევს. ტრანსპორტირება კი მინუს 18-20 გრადუსს გულისხმობს. ეს სპეციალიზირებული ტრანსპორტია და სავარაუდოდ, მოსკოვმა უნდა გამოგვიყოს", - განმარტავს ლუდმილა სკორიკი.

ის კიდევ ერთხელ მოუწოდებს მოსახლეობას, დაიცვას პირბადეების ტარების რეჟიმი და თავის შეიკავოს მასობრივი ღონისძიებების ჩატარებისგან.

ბოლო 24 საათის მონაცემებით, სოხუმის ინფექციურ საავადმყოფოში 29 კოვიდინფიცირებული პაციენტი მკურნალობს, გუდაუთის კოვიდკლინიკაში -  47, მათგან 13 მძიმე მდგომარეობაშია, გაგრაში - 8 კოვიდდადებითი პირი გადის მკურნალობის კურსს, ოჩამჩირეში – 11, ხოლო ტყვარჩელში 2.  სოხუმის საავადმყოფოში, დღეში საშუალოდ, 4 ადამიანს ათავსებენ სტაციონარში, ამდენივე გაეწერება ბინაზე. 8 პაციენტი რეანიმაციულ განყოფილებაშია მოთავსებული.

12 აპრილს მოსახლეობის კორონავირუსისგან დაცვის მიზნით შექმნილმა ოპერატიულმა შტაბმა შეზღუდვები კიდევ 1 თვით გაახანგრძლივა. თუმცა, კორონავირუსის შემთხვევების მკვეთრი მატების შემთხვევაში, ისინი კონტროლის და რეგულაციების გამკაცრებას არ გამორიცხავენ.  


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.


Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერიამ, პედაგოგებს პროფესიული დღე მიულოცა და ფულადი ჯილდო გადასცა.
ზუგდიდის მუნიციპალიტეტის მერიის განათლების, ძეგლთა დაცვის, კულტურის, სპორტისა და ახალგაზრდულ საქმეთა სამსახურის, ახალგაზრდული პროექტების დაფინანსება/თანადაფინანსების მიზნით შექმნილმა კომისიამ ახალგაზრდული პროექტი “ახალგაზრდები დემოკრატიისთვის“ დააფინანსა.
ანაკლიაში, სასტუმრო "პალმ ბიჩში", კავკასიის მეოთხე საერთაშორისო ლიტერატურულ-ფოლკლორული ფესტივალი "ანაკლია 2022" გაიმართება.
კორონავირუსი
14 აგვისტოდან 21 აგვისტოს ჩათვლით საქართველოში კორონავირუსი 12 595 ადამიანს დაუდასტურდა, მათგან სამეგრელო-ზემო სვანეთში 1158-ს. Covid 19-ით გარდაიცვალა კიდევ 6 პაციენტი.
ბოლო სტატისტიკის თანახმად, 7 აგვისტოდან 14 აგვისტოს ჩათვლით საქართველოში კორონავირუსი 12 338 ადამიანს დაუდასტურდა, მათგან 1 094 სამეგრელო-ზემო სვანეთში მცხოვრებია. გარდაიცვალა ვირუსით ინფიცირებული 6 პაციენტი.
1-ელიდან 8 აგვისტოს ჩათვლით აფხაზეთის დე პარტო რესპუბლიკაში კორონავირუსით ინფიცირების 312 შემთხვევა დადასტურდა.
საზოგადოება
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
შინაგან საქმეთა სამინისტრომ საგზაო მოძრაობის უსაფრთხოების ხარისხის გაუმჯობესების მიზნით კანონპროექტები შეიმუშავა, რომლის თანახმადაც, მძღოლებისთვის გზაზე მოძრაობის წესები მკაცრდება.
დღის სიახლეები
06 / ოქტომბერი 2022
ენგურის ხიდთან, გალის რაიონის სოფელ ჭუბურხინჯში Duty Free  (უბაჟო) მაღაზიის გახსნის ნებართვა მიიღო კომპანიამ "Куазан МБТ". შესაბამისი განკარგულება აფხაზეთის დე ფაქტო რესპუბლიკის მთავრობამ გამოსცა. მას ე.წ. პრემიერ-
06 / ოქტომბერი 2022
სამეგრელო-ზემო სვანეთის პოლიციის დეპარტამენტის თანამშრომლებმა განსაკუთრებით დიდი ოდენობით ნარკოტიკული საშუალების უკანონოდ შეძენა-შენახვის ბრალდებით 1983 წელს დაბადებული მ.ქ. დააკავეს.
06 / ოქტომბერი 2022
საქართველოს საგარეო უწყების ცნობით, ჟენევაში გაიმართა საერთაშორისო მოლაპარაკებების 56-ე რაუნდი. საქართველოს დელეგაციას საგარეო საქმეთა მინისტრის პირველი მოადგილე ლაშა დარსალია ხელმძღვანელობდა. უწყების
დილის ჩართვა
მთავარი საინფორმაციო გამოშვება
არქივი
«« ოქტომბერი 2022 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 14 °C
img
სოხუმი 16 °C
img
ფოთი 18 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.