მულტიმედია
მოხალისეობის ინსტიტუტი კოლხურ ტრადიციაში (ვიდეო)
ქართულ ტრადიციებში ნადი შრომის ორგანიზაციის ერთ-ერთი უძველესი ფორმა, რომელსაც სამეგრელოს სოფლებში დღესაც იყენებენ. ის ურთიერთდახმარების ან მოხალისეობის პრინციპზეა აგებული. ნადს ანუ მეზობლების ჯგუფს მიწის სამუშაოების (ხვნა, ბარვა, თოხნა და სხვა), სახლის მშენებლობის, თხილის შეგროვების და ან სხვა შრომატევადი სამუშაოების დროს იწვევენ. ზუგდიდის სოფლებში მცხოვრებლები გვიყვებიან, რომ ეს ტრადიცია დღესაც გრძელდება, თუმცა არა იმ მასშტაბებით, როგორც ეს ადრე იყო.

სოფელ დარჩელის მკვიდრი 95 წლის ღუბურ ქორთუა იხსენებს, რომ მისი ქორწილი ექვსას კაცზე იყო გაშლილი და ის მხოლოდ მეზობლების დახმარებით გადაიხადა.

„თხილნარებშიც კი სუფრა იყო გაშლილი. მაშინ ქორწილიც და ქელეხიც მეზობლების და რა თქმა უნდა ახლო ნათესავების დახმარების გარეშე წარმოუდგენელი იყო. ყველა ისე ვეხმარებოდით ერთმანეთს, როგორც შეგვეძლო... ვიღაცას გოჭი მოჰყავდა, ვიღაცას ქათამი და ვიღაცას სიმინდი მოჰქონდა.... მეზობლებს ყანა თუ ჰქონდა მოსათოხნი იქაც ნადი ეხმარებოდა, არაფერი არ კეთდებოდა მეზობლის დახმარების გარეშე. 4 კილომეტრზე მეტს გავდიოდით ერთმანეთს, რომ მივხმარებოდით. ახლაც არის ერთმანეთის თანადგომა, მაგრამ ისეთი მასშტაბური არა როგორც მაშინ. დღეს სოფელში იშვიათად აკეთებენ ქორწილებს“, - ამბობს ღუბურ ქორთუა.

სოფელ ერგეტაში მცხოვრებ 105 წლის საშა ჯიქიას ბავშვობის პერიოდის გახსენება უჭირს, თუმცა კარგად ახსოვს, რომ 9 ობოლი და-ძმა მეზობლების დახმარებით გაზარდა.

„ცხრა დედმამისშვილი ვიყავით, ობლად დავრჩით... მე ყველაზე უფროსი ვიყავი და მათი გაზრდა მომიწია. როგორ შეიძლება, არ ვთქვა მეზობლების დიდი წვლილი ობოლი და-ძმის გაზრდაში. 105 წლის ვარ და დეტალურად ვერ მოგგიყვებით, ვერც გავიხსენებ, კონკრეტულად როგორ ვეხმარებოდით ერთმანეთს, მაგრამ მეზობელის გარეშე წარმოუდგენელი იყო რამის გაკეთება. სოფლებში დღესაც შემორჩენილია ეს ტრადიცია და მიხარია, რომ ახალგაზრდები ერთმანეთს გვერდში უდგანან“, - თქვა საშა ჯიქიამ.

რადიო „ათინათის“
გადამღები ჯგუფი ზუგდიდის რამდენიმე სოფელში იმყოფებიოდა, სადაც სახლის მშენებლობა, თაფლის დაწურვა, სიმინდის დათესვა და ყანის მოთოხნვა მეზობლების დახმარებით მიმდინარეობდა.

ამავე თემაზე:
ნადი - ნოდი

მასალა მომზადებულია მოხალისეობის ფორუმისთვის, რომელიც ზუგდიდში 2018 წლის 7 ივნისს  ჩატარდა. ფორუმი ორგანიზებული იყო სამეგრელო-ზემო სვანეთის რეგიონული ჰაბის მიერ, განათლების განვითარების და დასაქმების ცენტრის მხარდაჭერით, პროექტის ,,სამოქალაქო საზოგადოების განვითარების ინიციატივის" (2017 -2020) ფარგლებში, რომელიც დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ.


Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ამავე კატეგორიაში
დღის სიახლეები
01 / მაისი 2025
კოლხები თუთაშხა დღეს განსაკუთრებულად საკრალურად თვლიდნენ.უძველესი დროიდან ითვლებოდა ორშაბათი ბედნიერ დღედ და ამ დღეს ჰქონდა ცალკე სამლოცველო დღესასწაულიც,რომელსაც ერქვა ,,ოთუთაშხე“,იგივე ,,თუთაშხა ბედინერი“.ბედნიერი მთვარის დღე.ასევე დღემდეა სოფელ ხეთაში ,მიქამგარიოს ეკლესიაში დაცული დღესასწაული, რომელსაც ,,თუთაშხა გითოხვამას“ ან კიდევ ,,მიქამგარიოშ გითოხვამას“უწოდებენ. დღევანდელ გადაცემაში დეტალურადაა საუბარი ამ ორ ლოცვაზე და მის მნიშვნელობაზე.
01 / მაისი 2025
ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის დასრულების შემდეგ ჟურნალისტებს განუცხადა, რომ ჩინური კონსორციუმისგან (CCCC) განახლებული წინადადება მიიღეს, რომელიც უნდა შეფასდეს.
01 / მაისი 2025
აფხაზეთის დე ფაქტო რესპუბლიკის ე.წ. პრეზიდენტი ბადრა გუნბა 9 მაისს, მოსკოვში დაგეგმილ გამარჯვების აღლუმს დაესწრება. ამის შესახებ „რუსეთში ფხაზეთის ელჩმა“ ალხას კვიცინიამ "რია ნოვოსტის" განუცხადა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« მაისი 2025 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.