მულტიმედია
მეგრული შებოლილი სულუგუნის გემოს საიდუმლო (ფოტო/ვიდეო)
მეგრული სუფრა და კულინარიის მრავლსაუკუნოვანი ტრადიცია რამდენიმე ავთენტური გემოს გარეშე წარმოუდგენელია.
სამეგრელოში სუფრა ღომის გარეშე არ იშლება. ღომის საუკეთესო მეგობარი კი შებოლილი სულუგუნია. ყველის ეს მეგრული სახეობა ჩვენი ქვეყნის საზღვრებსაც გასცდა და გასულ კვირას მსოფლიოს საუკეთესო ყველის რეიტინგში მოხვდა.
შებოლილი სულუგუნის საუკეთესო გემოს ძიებაში ჩხოროწყუში სოფელ ნაფიჩხოუში ნატო დარსალიას ოჯახს ვესტუმრეთ. ჩვენი მასპინძელი უკვე წლებია ოჯახურ ბიზნესს უძღვება და უმაღლესი ხარისხის შებოლილ ყველს ამზადებს. პროცესი რთული და შრომატევადია. სულუგუნი რამდენიმე დღის განმავლობაში სპეციალური მარილწყლის ხსნარით მუშავდება, შებოლვის პროცესი კი 2-3 კვირას გრძელდება.
"ტრადიციულია, განსაკუთრებულია, გემრიელია, თან ჩვენს ღომს როგორ უხდება. არ დაკარგოთ ის ტრადიცია, რაც მეგრული სულუგუნის სახით არსებობს. ნათქვამია, თუ გლეხ კაცს ჰქონდა ღომი და სულუგუნის ლამაზ ქალსაც გაატანდნენ ოჯახში", - გვითხრა ნატო დარსალიამ.
"სამი ან მინიმუმ ორი კვირა უნდა გაგრძელდეს ყველის შებოლვა. მეგრული შებოლილი სულუგუნის დამზადება უფრო შრომატევადი და ხანგრძლივია ვიდრე ევროპული სახეობების", - უთხრა რადიო "ათინათს" მასპინძელმა.
შებოლილი სულუგუნის დამზადების სპეციფიკიდან გამომდინარე მაღალია იმის რისკი, რომ პროდუქტში ორგანიზმისთვის საშიში ნივთიერებები მოხვდეს. ჩვენი მასპინძელი ამბობს, რომ თუ ყველის შებოლვის პროცესი ნებისმიერ ეტაპზე ყველა წესის დაცვით მიმდინარეობს, საფრთხე არ არსებობს. რაც ყველაზე მთავარია, წინასწარ უნდა იყოს შემოწმებული რძის ხარისხი, ყველის შესაბოლად საუკეთესო მასალა კი თხმელას შეშაა.
"ისეთი პროდუქტის მომზადება, რომელიც მავნე ნივთიერებებისგან სრულად დაცლილია რთული და აუცილებელია. რძის შემოწმებით უნდა გამოირიცხოს რისკი, რომ ადამიანის ორგანიზმში არ მოხვდება ის დაავადებები, რომლებიც რძის პროდუქტებით გადადის", - აღნიშნავს ჩვენი რესპონდენტი.
სოფელ ნაფიჩხოუში ნატო დარსალია ყველს ოჯახური ტრადიციის მიხედვით ამზადებს. რძეს საოჯახო ფერმიდან იღებს. მასპინძელი შვილებთან ერთად 160 სულ მსხვილფეხა პირუტყვს უვლის. "არტიზანული ყველის" განსაკუთრებული გემოს გარანტი კი არაერთხელ შემოწმებული რძე და შებოლვის უნიკალური ტექნოლოგიაა.
შებოლილი ყველის დამზადება ტრადიცია ევროპის არაერთ ქვეყანაში არსებობს. ტექნიკას ფლობენ შვეიცარიაში, ნიდერლანდებში, იტალიასა და ავსტრიაშიც.
შებოლილი სულუგუნის საუკეთესო გემოს ძიებაში ჩხოროწყუში სოფელ ნაფიჩხოუში ნატო დარსალიას ოჯახს ვესტუმრეთ. ჩვენი მასპინძელი უკვე წლებია ოჯახურ ბიზნესს უძღვება და უმაღლესი ხარისხის შებოლილ ყველს ამზადებს. პროცესი რთული და შრომატევადია. სულუგუნი რამდენიმე დღის განმავლობაში სპეციალური მარილწყლის ხსნარით მუშავდება, შებოლვის პროცესი კი 2-3 კვირას გრძელდება.
"სამი ან მინიმუმ ორი კვირა უნდა გაგრძელდეს ყველის შებოლვა. მეგრული შებოლილი სულუგუნის დამზადება უფრო შრომატევადი და ხანგრძლივია ვიდრე ევროპული სახეობების", - უთხრა რადიო "ათინათს" მასპინძელმა.
შებოლილი სულუგუნის დამზადების სპეციფიკიდან გამომდინარე მაღალია იმის რისკი, რომ პროდუქტში ორგანიზმისთვის საშიში ნივთიერებები მოხვდეს. ჩვენი მასპინძელი ამბობს, რომ თუ ყველის შებოლვის პროცესი ნებისმიერ ეტაპზე ყველა წესის დაცვით მიმდინარეობს, საფრთხე არ არსებობს. რაც ყველაზე მთავარია, წინასწარ უნდა იყოს შემოწმებული რძის ხარისხი, ყველის შესაბოლად საუკეთესო მასალა კი თხმელას შეშაა.
"ისეთი პროდუქტის მომზადება, რომელიც მავნე ნივთიერებებისგან სრულად დაცლილია რთული და აუცილებელია. რძის შემოწმებით უნდა გამოირიცხოს რისკი, რომ ადამიანის ორგანიზმში არ მოხვდება ის დაავადებები, რომლებიც რძის პროდუქტებით გადადის", - აღნიშნავს ჩვენი რესპონდენტი.
სოფელ ნაფიჩხოუში ნატო დარსალია ყველს ოჯახური ტრადიციის მიხედვით ამზადებს. რძეს საოჯახო ფერმიდან იღებს. მასპინძელი შვილებთან ერთად 160 სულ მსხვილფეხა პირუტყვს უვლის. "არტიზანული ყველის" განსაკუთრებული გემოს გარანტი კი არაერთხელ შემოწმებული რძე და შებოლვის უნიკალური ტექნოლოგიაა.
რ ე კ ლ ა მ ა
ზუგდიდი მოლში ტანსაცმლის მულტიბრენდული მაღაზია დრესარიუმი გაიხსნა, სადაც წარმოდგენილია ისეთი პრემიუმ ბრენდები, როგორებიცაა: Hackett; Lion of Porches და Pepe Jeans.
ევროკავშირის სადამკვირვებლო მისია ატარებს ბაზრის კვლევას ზუგდიდის რეგიონალური ოფისისთვის ფართის ქირაობის მიზნით.
თიბისი, როგორც ბიზნესის მუდმივი მხარდამჭერი, ამჯერად ბიზნეს სექტორით, მათ შორის აგრობიზნესით დაინტერესებული ადამიანებისთვის თუ არსებული მეურნეობებისა და საწარმოებისთვის ახალ საინფორმაციო კამპანიას იწყებს.
სტატია
საზოგადოება
საქართველოს პატრიარქის 2023 წლის საშობაო ეპისტოლე გამოქვეყნდა, რომელსაც სრულად გთავაზობთ:
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
ამავე კატეგორიაში
დღის სიახლეები
26 / მარტი 2023
ხვალ, 16:30 საათზე, ზუგდიდის დემოკრატიული ჩართულობის ცენტრში (რუსთაველის N54) კვლევის
26 / მარტი 2023
ერთიანი ნაციონალური მოძრაობის წევრმა და ზუგდიდის საკრებულოს დეპუტატმა პაატა ადამიამ შალვა
25 / მარტი 2023
თბილისში გამართულ სამოქალაქო განათლების პედაგოგთა წლიური კონფერენცია - გამოფენაზე დღეს წლის საუკეთესო სამოქალაქო განათლების მასწავლებლები, წარმატებული პედაგოგები და სასკოლო სამოქალაქო კლუბების საუკეთესო
გადაცემები
რუბრიკები
მულტიმედია
დილის ჩართვა
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
11
°C
სოხუმი
11
°C
ფოთი
11
°C
მესტია
8
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები