როგორ ვისწავლოთ სამაგიდო თამაშით ჟესტური ენა - პრეზენტაცია ზუგდიდში (ვიდეო)
18:33 / 16.03.2019
{{PHOTOGALLERY}}ზუგდიდში სოციალურ კაფე "MegoBar-ში" სამაგიდო თამაშის „ჩუ“ პრეზენტაცია გაიმართა, რომელიც ჟესტურ ენას ასწავლის. თამაშის ავტორის სალომე წიქვაძე თქმით, პრინციპი მარტივია.
მან დღეს 32 ჟესტი წარადგინა, რომელიც ბარათზეა გამოსახული. „ჩვენ შევქმენით სამაგიდო თამაში სახელწოდებით „ჩუ“, რომელიც მიზნად ისახავს ჟესტური ენის პოპულარიზაციას და სმენის არმქონე ადამინების საზოგადოებაში ინტეგრაციას. თამაშის პროცესში ძალიან მარტივად და სახალისო მეთოდით სწავლობენ ჟესტურ ენას. ასევე ძალიან მნიშვნელოვანია თამაშის პროცესში კომუნიკაციის დამყარება სმენის არმქონე ადამიანთან, რათა ისწავლო მისი ენა და გაიმარტივო კომუნიკაცია“, - ამბობს სალომე წიქვაძე.
თამაშის შემქმნელს იდეის განხორციელებაში ძმა დაეხმარა. გურამ წიქვაძე განმარტავს, რომ ამ მეთოდით ჟესტური ენის სწავლა დაფუძნებულია თამაშზე „სიტყვობანა“, რომელიც მეხსიერებაზეა დამოკიდებული.
„თამაშს იწყებს ყველაზე პატარა, ატრიალებს პირველ ჟესტს, რომელიც არის გამოსახული კარტის დასტაზე და იმეორებს მას. ჟესტები, რომლებიც ბარათზეა გამოსახული, ისრების მეშვეობით მიგვითითებს თითოეულ მოძრაობას“, - თქვა მან. პრეზენტაციას და თამაშით ჟესტების ენის ათვისებას სხვა დაინტერესებულ პირებთან ერთად საქართველოს ყრუთა კავშირის თარჯიმანი ნონა კვარაცხელია ესწრებოდა. მისი თქმით, აღნიშნული ღონისძიება საინტერესო და განსაკუთრებით მნიშვნელოვანია დამწყებთათვის. „მინდა მადლობა გადავუხადო ამ ღონისძიების ორგანიზატორებს. ძალიან მომწონს ეს მეთოდი და მსგავსი აქტივობები, რომელიც ჟესტური ენის სწავლას და მის პოპულარიზაციას ემსახურება. ძალიან კარგია დამწყებთათვის, რადგან თამაშ-თამაშით შეისწავლიან ჟესტურ ენას“, - აღნიშნა კვარაცხელიამ.
“ჩუ“ჟესტური ენის პოპულარიზაციის მიზნით შექმნილი სოციალური საწარმოა, რომელიც სამაგიდო თამაშების მეშვეობით ცდილობს საზოგადოებაში თანაბარი შესაძლებლობების ხელშეწყობას. თამაშის პრეზენტაცია, ზუგდიდის გარდა, სხვა ქალაქებშიც იგეგმება.
ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
ტრადიციულ ქართულ ჩაცმულობაში თავსაბურავს ყოველთვის დიდი მნიშვნელობა ეძლეოდა, ბუნებრივია ასე იყო სამეგრელოშიც. რაც უნდა ღარიბი ყოფილიყო ქალი და იმისი საგარეო ჩაცმულობა, ერთი კარგი თავშალი აუცილებლად ექნებოდა.რაც შეეხება ფეხსაცმელებს,არსებობდა სხვადასხვა ტიპის .დღევანდელ გადაცემაში საუბარია თავსაბურავების და ფეხსაცმელების ნაირსახეობაზე, რომლის მასობრივი გამოყენება ხდებოდა სამეგრელოში.
ტანსაცმელის დამზადებას და მის მოვლა-პატრონობას სამეგრელოში დიდი ყურადღება ეთმობოდა. ტანსაცმელს ზანდუკ-კიდობნებში ინახავდნენ.ავი თვალის დასაცავად ტანსაცმლის მარცხენა მხარეს, შიგნით "ანგაროზის"(ავგაროზი) დაკერებაც იცოდნენ მას ნათოლეშ წამალს" უწოდებდნენ. ავგაროზი მზადდებოდა ბავშვებისთვის და თვალდაკრული ადამიანებისთვისაც.დღევანდელ გადაცემაში საუბარია როგორ მზადდებოდა ავგაროზი და როგორი იყო მასთან დაკავშირებული რიტუალები.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები