ახალი ამბები
ასლან ბჟანია - აფხაზეთში, შესაძლოა, ავიაკომპანია შეიქმნას
აფხაზეთის დე ფაქტო რესპუბლიკის პრეზიდენტმა ასლან ბჟანიამ ადგილობრივი ტელევიზიისთვის მიცემულ ინტრევიუში განაცხადა, რომ აფხაზეთში, შესაძლოა ავიაკომპანია შეიქმნას, წერს "ეხო კავკაზა".

მოსკოვში სამუშაო ვიზიტის შედეგების შეჯამებისას აფხაზეთის ლიდერმა განაცხადა, რომ "სოხუმის აეროპორტის რეკონსტრუქცია და საჰაერო მიმოსვლის აღდგენა - მასშტაბური ამოცანაა".

"აქამდე აფხაზეთის ხელმძღვანელობას არასოდეს გადაუწყვეტია ამ მასშტაბის ამოცანების გადაჭრა - არც საბჭოთა დროს და არც ომის შემდგომ პერიოდში. დიდი ალბათობით, ჩვენ იძულებულები ვიქნებით შევქმნათ ჩვენი ავიაკომპანია. რას ნიშნავს საკუთარი ავიაკომპანიის შექმნა? საკუთარი ავიაკომპანიის ფუნქციონირებისთვის საჭიროა გადამზადებული ეკიპაჟი და ამას წელიწადნახევარი დასჭირდება, მათი კვალიფიკაციის ასამაღლებლად... ასეთი პრობლემა ჩვენ არასდროს გადაგვიჭრია. ერთ წელიწადში ეს ვერ მოგვარდება. ჩვენ ეტაპობრივად შევუდგებით ამ ურთულეს ამოცანის შესრულებას", - განაცხადა ბჟანიამ.

მანამდე აფხაზეთის პრეზიდენტმა განაცხადა, რომ სოხუმის აეროპორტის რეკონსტრუქციის პროექტირებაზე თანხა უკვე გამოიყო და იმდეი გამოთქვა, რომ აეროპორტი ფრენების მიღებას 2024 წლის იანვრისთვის დაიწყებს.

სოხუმი უკვე არაერთი წელია ცდილობს რუსეთის მონაწილეობით სოხუმის აეროპორტის აღდგენას.

2019 წელს სოხუმის აეროპორტის დირექტორმა ვიაჩესლავ ეშბა ამტკიცებდა, რომ აეროპორტის კაპიტალური რემონტის და რეკონსტრუქციის პროექტი მზადაა და დამტკიცებულია დამპროექტებლების მიერ. მისივე ცნობით, პროექტი საჰაერო ტრანსპორტის სამეცნიერო - კვლევითმა ინსტიტუტმა "ლენაეპროექტმა" შეიმუშავა. ამავე წელს აფხაზური მედია წერდა, რომ სოხუმის აეროპორტის აღდგენის საინვესტიციო პროექტს რუსული კომპანია შპს "აეროინვესტი" ახორციელებს და მის მომზადებას, დაახლოებით, 2 წელი დასჭირდება.

2019 წლის აგვისტოში აფხაზეთის დე ფაქტო რესპუბლიკის პრეზიდენტმა, რაულ ხაჯიმბამ ხელი მოაწერა დადგენილებას, რომლის თანახმად, "არძინბას სახელობის საერთაშორისო აეროპორტის აეროდრომს" ერთობლივი ბაზირების სტატუსი რაც ითვალისწინებს აეროდრომზე სამოქალაქო და სახელმწიფო თვითმფრინავების განთავსებას. გარდა ამისა, სოხუმის აეროპორტს "საერთაშორისო ოთხასოიანი კოდი UღAშ მიენიჭა, ამ დასახელების პირველი ასო პოსტსაბჭოთა სივრცის აეროპორტების კოდებში გამოიყენება, მეორე ასო აღნიშნავს რუსეთის ქალაქს, დონის როსტოვს, მესამე - აფხაზეთს და მეოთხე - სოხუმს.
სოხუმის გადაწყვეტილების გამო, საქართველოს მთავრობამ საერთაშორისო სამოქალაქო ავიაციის ორგანიზაციას (IჩAO) მიმართა, რომ სათანადოდ შეეფასებინა აფხაზეთში რუსეთის საოკუპაციო რეჟიმის განზრახვა, სოხუმის აეროპორტი გახსნას საერთაშორისო ავიამიმოსვლისთვის. თავის მხრივ, IჩAO-მ კიდევ ერთხელ დაადასტურა, რომ ორგანიზაცია სოხუმის აეროპორტს საქართველოს საჰაერო სივრცის ნაწილად განიხილავს.

სოხუმის აეროპორტი ავიარეისებს 90-იანი წლების დასაწყისამდე იღებდა საბჭოთა კავშირის სხვადასხვა ქალაქიდან. აეროპორტი 1993 წელს, აფხაზეთის ომის შემდეგ დაიხურა.


Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
დღის სიახლეები
16 / აპრილი 2024
საქართველოს შსს-ს საინფორმაციო-ანალიტიკური დეპარტამენტის სტატისტიკით, 2019-2023 წლებში სამეგრელო-ზემო სვანეთში ოჯახური ძალადობის მაჩვენებელი 24.3%-ით შემცირებულია.
16 / აპრილი 2024
ზუგდიდის შალვა დადიანის სახელობის თეატრი, რამდენიმე თვეა, სამხატვრო ხელმძღვანელისა და დირექტორის გარეშეა დარჩენილი.
16 / აპრილი 2024
ზუგდიდის მერია განათლების, ძეგლთა დაცვის, კულტურის, სპორტისა და ახალგაზრდულ საქმეთა სამსახურის მიერ დაგეგმილი ღონისძიებების ე.წ ფურშეტისთვის 11 350 ლარს გამოყოფს.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 24 °C
img
სოხუმი 19 °C
img
ფოთი 21 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.