ახალი ამბები
ანა წითლიძემ ჯანდაცვის მინისტრს ზუგდიდში მეთადონის პროგრამით მოსარგებლეთა ცენტრის სხვაგან გადატანა სთხოვა
პარლამენტის წევრმა ერთიანი ნაციონალური მოძრაობიდან ანა წითლიძემ ჯანდაცვის მინისტრს ზურაბ აზარაშვილს ზუგდიდში, გამარჯვების ქუჩაზე მდებარე ცენტრის გადატანასთან დაკავშირებით შუამდგომლობით მიმართა. დეპუტატის თქმით, აღნიშნული ცენტრით მეთადონის პროგრამაში ჩართული პირები სარგებლობენ, რაც იქ მცხოვრები მოქალაქეების უკმაყოფილებას იწვევს. წითლიძემ საკითხით დაინტერესება ზუგდიდის მაჟირირატ დეპუტატს, ირაკლი ჩიქოვანსაც სთხოვა.

"ეს არის საკითხი, რომელიც ზუგდიდში ერთნაირად აწუხებს ნებისმიერი პოლიტიკური მრწამსის ადამიანს, "ნაციონალსაც" და "ქართული ოცნების" მხარდამჭერსაც და მე მაქვს მათი განცხადებები თან. ეს არის ქალაქის ცენტრი, სადაც ცხოვრობს მოსახლეობა, ბავშვები, ახალგაზრდები და აქ ხდება ხალხო უბედურება. მოსახლეობამ ადგილობრივი ხელისუფლებისგან და ჯანდაცვის სამინისტროსგან არაერთხელ ითხოვა წერილობით ამ ცენტრის გადატანა ქალაქიდან სხვაგან, გარეუბანში, რომ არ იყოს შეწუხებული და არ უყუროს იმას, რაც იქ ხდება. მე მესმის, რომ პრობლემა არის კომპლექსური და მეთადონის პროგრამაში ჩართულ ამ ადამიანებსაც სჭირდებათ ხელშეწყობა და არ შეიძლება ისინი იყვნენ გარიყულები, მაგრამ, ის რაც ხდება ქალაქის ცენტრში, ე.წ ინსულინის შპრიცები, ბაიანები და ა.შ. ეს არის უბრალოდ წარმოუდგენელი ამბავი. მაშინ როდესაც 15-მდე განცხადება არის ამასთან დაკავშირებით დაწერილი და ითხოვეს არაერთხელ ჯანდაცვის სამინისტროსგან, პირადად თქვენ გთხოვეს, ბატონო ირაკლი და ახლა მე გთხოვთ ზუგდიდელების სახელით, რომ იქნებ უზრუნველყოთ, დაგვეხმაროთ, რომ ეს პრობლემა ზუგდიდელებს მოუგვარდეთ, რომ ეს ცენტრი გარეუბანში გადაიტანოთ ისე, რომ მეთადონის პროგრამაში ჩართულ ადამიანებს არ ჰქონდეთ პრობლემა", - აღნიშნა წითლიძემ.

მან პარლამენტში რადიო "ათინათის" მასალაში გამოყენებული ფოტოები მიიტანა და მინისტრს მათი დათვალიერება შესთავაზა. მოგვიანებით, მას ირაკლი ჩიქოვანმა უპასუხა და განმარტა, რომ საკითზე ადგილობრივი ხელისუფლება აქტიურად მუშაობს.

"დიახ, ეს საკითხი არსებობს, მუნიციპალიტეტი და სამხარეო ადმინისტრაცია მუშაობს ახალი შენობის მოძიებაზე, რომელიც ადეკვატური იქნება, რომელსაც არ ექნება გარკვეული შემხებლობა, მაგრამ ამავდროულად არ იქნება რაღაცა იზოლირება და ის, რომ ხელს ვკრავთ ადამიანებს, რომლებიც ამ პროგრამით სარგებლობენ", - თქვა ჩიქოვანმა.

ზუგდიდში იმ ფსიქიკური ჯანმრთელობისა და ნარკომანიის ცენტრის განყოფილების გადატანას ითხოვენ, რომლითაც მეთადონის პროგრამის ბენეფიციარები სარგებლობენ. ამის მიზეზად მოსახლეობა აღნიშნულ ცენტრში მეთადონის ჩანაცვლებითი თერაპიით მოსარგებლეთა ქცევას და უსაფრთხოების ზომების დარღვევას ასახელებს. ქუჩის მცხოვრებლები პრობლემაზე, წლებია, საუბრობენ, თუმცა, როგორც თვითონვე ამბობენ, უშედეგოდ. მოქალაქეებმა რამდენიმე დღის წინ შესაბამისი წერილით ადგილობრივ ხელისუფლებასაც მიმართეს.
Print Email
FaceBook Twitter
რ ე კ ლ ა მ ა
ანაკლიაში, სასტუმრო "პალმ ბიჩში", კავკასიის მეოთხე საერთაშორისო ლიტერატურულ-ფოლკლორული ფესტივალი "ანაკლია 2022" გაიმართება.
ა(ა)იპ ,,ხელოვნებისა და კულტურის განვითარების ცენტრის“ ინიციატივითა და ზუგდიდის მუნიციპალიტეტის მერიის მხარდაჭერით, დადიანების სასახლეთა ისტორიულ-არქიტექტურული მუზეუმის ეზოში, ზუგდიდის პირველი კლასიკური მუსიკის ფესტივალი და საპატიო ზუგდიდელის დაჯილდოების ცერემონია გაიმართა.
ზუგდიდის მუნიციპალიტეტის მერიის ინიციატივით, საქართველოს კულტურისა და სპორტის სამინისტროსა და კულტურის პალატის გადაწყვეტილებით, სკეიტ პარკის მიმდებარე ტერიტორიაზე,
კორონავირუსი
14 აგვისტოდან 21 აგვისტოს ჩათვლით საქართველოში კორონავირუსი 12 595 ადამიანს დაუდასტურდა, მათგან სამეგრელო-ზემო სვანეთში 1158-ს. Covid 19-ით გარდაიცვალა კიდევ 6 პაციენტი.
ბოლო სტატისტიკის თანახმად, 7 აგვისტოდან 14 აგვისტოს ჩათვლით საქართველოში კორონავირუსი 12 338 ადამიანს დაუდასტურდა, მათგან 1 094 სამეგრელო-ზემო სვანეთში მცხოვრებია. გარდაიცვალა ვირუსით ინფიცირებული 6 პაციენტი.
დე ფაქტო აფხაზეთის ჯანდაცვის სამინისტროს პრესსამსახურის ინფორმაციით, ბოლო ორი დღის განმავლობაში კორონავირუსით ორი ადამიანი 87 და 37 წლის მამაკაცი გარდაიცვალა.
საზოგადოება
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
შინაგან საქმეთა სამინისტრომ საგზაო მოძრაობის უსაფრთხოების ხარისხის გაუმჯობესების მიზნით კანონპროექტები შეიმუშავა, რომლის თანახმადაც, მძღოლებისთვის გზაზე მოძრაობის წესები მკაცრდება.
დღის სიახლეები
30 / სექტემბერი 2022
ზუგდიდის ააიპ მუნიციპალური ტრანსპორტის ადმინისტრაციის ინფორმაციით, 3 ოქტომბრიდან, ორშაბათიდან საზოგადოებრივ ტრანსპორტში უქმდება სალარო აპარატებით (ხურდა ფულით) მგზავრობის საფასურის გადახდა.
30 / სექტემბერი 2022
ხვალ, 2022 წლის პირველ ოქტომბერს სენაკის მუნიციპალიტეტის საკრებულოს შუალედური არჩევნები გაიმართება ელექტრონული ტექნოლოგიების გამოყენებით, სამ საარჩევნო უბანზე ჩატარდება.
30 / სექტემბერი 2022
დე ფაქტო რესპუბლიკის პრეზიდენტმა ასლან ბჟანიამ ოკუპირებული აფხაზეთის მოსახლეობას "გამარჯვების და დამოუკიდებლობის დღე" მიულოცა. მის მილოცვაში საუბარია "აფხაზეთის კეთილდღეობისთვის გაერთიანების"
დილის ჩართვა
მთავარი საინფორმაციო გამოშვება
არქივი
«« ოქტომბერი 2022 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 17 °C
img
სოხუმი 19 °C
img
ფოთი 20 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.