ახალი ამბები
ბიჭვინთის აგარაკის გასხვისების საწინააღდეგოდ აფხაზეთში ფლეშმობი წამოიწყეს
აფხაზეთში წამოიწყეს ფლეშმობი "დავიცვათ, ის რაც შევინარჩუნეთ ". მისი მიზანია ბიჭვინთის სახელმწიფო აგარაკების გადაცემის საკითხისთვის საზოგადოების ყურადღების მიპყრობა.

აქცია, რომელიც გუშინ მწერალმა დიმიტრი გაბელიამ სოციალურ ქსელ ფეისბუქის საკუთარ გვერდზე დააანონსა, "რესპუბლიკის სუვერენიტეტის დასაცავად" ორგანიზებული საზოგადოებრივი კამპანიის ფარგლებში იმართება. მისი მონაწილეები სოციალურ ქსელებში აქვეყნებენ ბანერს აფხაზეთის კონტურული გამოსახულებით და გულით იმ ადგილას, სადაც ბიჭვინთა მდებარეობს.

"ეხო კავკაზას" თანახამდ, გაბელიამ აფხაზური ტელევიზიის ეთერში და სხვა პლატფორმებზე არაერთხელ გამოთქვა თავისი დამოკიდებულება ბიჭვინთაში მდებარე სახელმწიფო აგარაკის რუსეთისთვის გადაცემასთან დაკავშირებით. ახლა კი მან და მისმა თანამოაზრეებმა გადაწყვიტეს, თავიანთი პოზიცია საზოგადოებას ამ ფორმით მიაწოდონ. გარდა ბიჭვინთის საკითხისა, ისინი აქციის საშუალებით ცდილობენ წამოწიონ სხვა თემებიც, მათ შორის, საკალმახე მეურენობა სოფელ უათჰარაში, ასევე მამზიშხის მთა. 

გამოცემის ცნობით, სოციალური ქსელის მომხმარებლები მაშინვე გამოეხმაურნენ ამ აქტივობას და დაიწყეს ბანერების განთავსება თავიანთ ავატარებსა და სთორებზე. გაბელიას თქმით, ისინი უამრავ ზარს იღებენ აფხაზეთის რეგიონებიდან და ქალაქებიდან, ხალხი მზადყოფნას გამოხატავს აქციაში მონაწილეობის მისაღებად.

აქციის ერთ- ერთმა მონაწილემ ასიდა ქორთუამ "ეხო კავკაზას" უთხრა, რომ ის ეწინააღმდეგება ბიჭვინთაში მდებარე სახელმწიფო აგარაკის რუსეთისთვის გადაცემას იმ პირობებით, "რაც გათვალისწინებულია აფხაზეთისა და რუსეთის მთავრობებს შორის დადებული შეთანხმებით". მისთვის ასევე მიუღებელია "უცხო ქვეყნის მოქალაქეებისთვის მიწის და უძრავი ქონების მიყიდვა".

აქცია არა მხოლოდ სოციალურ ქსელებში იმართება, მისი მოაწილეები მოქალაქეებს ბანერების ავტომობილებზე განთავსებას სთავაზობენ. მათივე ცობით, ამ დრომდე ათასამდე სტიკერია დამზადებული, თუმცა, მოთხოვნიდან გამომდინარე, მათი რაოდენობის გაზრდას გეგმავენ.

ბიჭვინთის ცნობილი სახელმწიფო აგარაკი და მის გარშემო არსებული 186 ჰექტარი მიწის ნაკვეთი რუსეთის ფედერაციის მფლობელობაში გადადის. აფხაზეთის დე ფაქტო პარლამენტს შეთანხმების ტექსტი ხელმოსაწერად უკვე გადაეგზავნა. მიუხედავად აფხაზური საზოგადოების ნეგატიური რეაქციისა ე.წ. პარლამენტის საპარლამენტთაშორისო კავშირების კომიტეტმა ხელშეკრულების ახალ ტექსტს უკვე დაუჭირა მხარი.

დე ფაქტო ხელისუფლება ცდილობს დაარწმუნოს მოსახლეობა შესაბამისი "კანონპროექტის" რატიფიცირების აუცილებლობაში და რუსეთთან ურთიერთობების გაუარესებით აშინებს მას.

აფხაზეთის ტერიტორიაზე არსებული ობიექტის რუსეთის ფედერაციის საკუთრებაში გადაცემისა და მისი გამოყენების წესის შესახებ ე.წ. შეთანხმებას 2022 წლის 19 იანვარს მოეწერა ხელი.

ამავე თემაზე:

სოხუმში ბიჭვინთის გასხვისების საწინააღმდეგოდ ახალი კამპანია წამოიწყეს

რუსეთი აგარაკის გარეშე გაძლებს, ჩვენ თუ გავძლებთ მათი მხარდაჭერის გარეშე - ასლან ბჟანია ბიჭვინთის აგარაკის გასხვისებაზე



Print Email
FaceBook Twitter
რ ე კ ლ ა მ ა
ზუგდიდი მოლში ტანსაცმლის მულტიბრენდული მაღაზია დრესარიუმი გაიხსნა, სადაც წარმოდგენილია ისეთი პრემიუმ ბრენდები, როგორებიცაა: Hackett; Lion of Porches და Pepe Jeans.
ევროკავშირის სადამკვირვებლო მისია ატარებს ბაზრის კვლევას ზუგდიდის რეგიონალური ოფისისთვის ფართის ქირაობის მიზნით.
თიბისი, როგორც ბიზნესის მუდმივი მხარდამჭერი, ამჯერად ბიზნეს სექტორით, მათ შორის აგრობიზნესით დაინტერესებული ადამიანებისთვის თუ არსებული მეურნეობებისა და საწარმოებისთვის ახალ საინფორმაციო კამპანიას იწყებს.
საზოგადოება
საქართველოს პატრიარქის 2023 წლის საშობაო ეპისტოლე გამოქვეყნდა, რომელსაც სრულად გთავაზობთ:
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
დღის სიახლეები
26 / მარტი 2023
ხვალ, 16:30 საათზე, ზუგდიდის დემოკრატიული ჩართულობის ცენტრში (რუსთაველის N54) კვლევის
26 / მარტი 2023
ერთიანი ნაციონალური მოძრაობის წევრმა და ზუგდიდის საკრებულოს დეპუტატმა პაატა ადამიამ შალვა
25 / მარტი 2023
თბილისში გამართულ სამოქალაქო განათლების პედაგოგთა წლიური კონფერენცია - გამოფენაზე დღეს წლის საუკეთესო სამოქალაქო განათლების მასწავლებლები, წარმატებული პედაგოგები და სასკოლო სამოქალაქო კლუბების საუკეთესო
დილის ჩართვა
მთავარი საინფორმაციო გამოშვება
არქივი
ამინდი
ზუგდიდი 15 °C
img
სოხუმი 13 °C
img
ფოთი 11 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.