ახალი ამბები
სოხუმმა ელექტროენერგიის ტარიფების ზრდაზე ერთწლიანი მორატორიუმი დააწესა
აფხაზეთის დე ფაქტო რესპუბლიკის პარლამენტმა მიიღო "კანონპროექტი" 2023 წლის 31 დეკემბრამდე "ელექტროენერგიის ტარიფის გაზრდის მორატორიუმის შესახებ".

გამოცემა "აბხაზია ინფორმის" თანახმად, განმარტებით ბარათში ნათქვამია, რომ "კანონის" მიღება რამდენიმე ფაქტორით იყო განპირობებული, მათ შორის:

2022 წლის ივლისში ენერგოტარიფების ზრდის პირველ ეტაპს, პროცენტული კუთხით, გადახდების აკრეფის ზრდა არ მოჰყოლია;

მორატორიუმის ინიციატორებს მიაჩნიათ, რომ ელექტროენერგიის ტარიფის ზრდა ისევ იგივე ელექტროენერგიის მომხმარებლებზე მოდის, რომლებიც აღჭურვილია ელექტრონული აღრიცხვის მოწყობილობებით;

გარდა ამისა, ელექტროენერგიის ტარიფის ზრდას მომხმარებლებისთვის გაწეული მომსახურების ხარისხის გაუმჯობესება არ გამოუწვევია.

ბარათში ასევე ნათქვამია, რომ ელექტროენერგიის ტარიფის გაზრდა სოციალურად არაადეკვატური ზომაა, რადგან რესპუბლიკაში "მინისტრთა კაბინეტის" მიერ დადგენილი მინიმალური ხელფასი 10 000 რუბლს შეადგენს, ხოლო ფიზიკური პირებისთვის ელექტროენერგიაზე ყოველთვიური საშუალო გადასახადი 1000 რუბლია, სხვა კომუნალური გადასახადების გათვალისწინების გარეშე.

"ეს გადახდა მძიმე ტვირთად აწვება მოსახლეობის სოციალურად დაუცველ ფენებს, მრავალშვილიან ოჯახებს, პენსიონერებს. დღეს აფხაზეთში, დაახლოებით, 12 ათასი პენსიონერი რუსულ პენსიას ვერ იღებს და მათი შემოსავალი სამი ათასს რუბლს შეადგენს. ხოლო მოხმარებული ელექტროენერგიისთვის პენსიის 50%-ის გადახდა – შეუძლებელია", – განმარტებულია დოკუმენტში.

კანონპროექტის მიღების ინიციატორის დეპუტატის ერიკ რშტუნის განცხადებით, "გამრიცხველიანებამდე ტარიფების გაზრდას აზრი არ აქვს".

აღსანიშნავია, რომ ელექტროენერგიის ტარიფები აფხაზეთში 2012 წლის შემდეგ პირველად 1 ივლისიდან გაზარდა. ფიზიკური პირებისთვის, რომლებსაც მრიცხველი არ აქვთ, ტარიფი 90 კაპიკი კვტ/სთ-ზე, გამრიცხველიანებული აბონენტებისთვის - 70 კაპიკი, ხოლო იურიდიული პირებისა და ინდივიდუალური მეწარმეებისთვის 1 რუბლს 40 კაპიკი კვტ/სთ-ში გახდა.

7 დეკემბრიდან აფხაზეთის დე ფაქტო რესპუბლიკაში ელექტროენერგიაზე ისევ შეზღუდვები დაწესდა და "მარაოსებრი" გრაფიკი ამოქმედდა, რაც აჩიგვარას ელექტროგადამცემ ხაზზე მიმდინარე სარემონტო სამუშაოებს და ენგურჰესის წყალსაცავში წყლის დონის ვარდნას უკავშირდება.

უკვე წლებია, სოხუმი ზამთრის პერიოდში ენერგოდეფიციტის აღმოფხვრას ვერ ახერხებს. ადგილობრივი ენერგოკომპანია "ჩერნომორენერგო" ამის მიზეზად ელექტროქსელებზე გაზრდილ დატვირთვას და ინფრასტრუქტურის ცვეთას, გამრიცხველიანების არარსებობას, ელექტროენერგიაზე დაბალ ტარიფებს, მოსახლეობის ნაწილის მიერ ელექტროენერგიის საფასურის გადაუხდელობას და კრიპტოვალუტის მზარდ, უკანონო მაინინგს ასახელებს.



Print Email
FaceBook Twitter
დაფინანსებული
პირველად საქართველოში, კავკასიისა და შავი ზღვის რეგიონში, შეიქმნა პროსტატის დაავადებათა მკურნალობისა და აღდგენითი თერაპიის ცენტრები, რომლებიც ფუნქციონირებს ზუგდიდში, თბილისში, ბათუმში, ქუთაისსა და თელავში.
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
დღის სიახლეები
05 / მარტი 2024
დედამიწის შემსწავლელ მეცნიერებათა ინსტიტუტის და სეისმური მონიტორინგის ეროვნული ცენტრის ინფორმაციით გუდაუთასთან ახლოს მიწისძვრა დაფიქსირდა.
05 / მარტი 2024
სოხუმში სამოქალაქო საზოგადოების წარმომადგენლები „უცხოელი აგენტების შესახებ“ კანონპროექტის წინააღმდეგ გამოდიან.
05 / მარტი 2024
7 მარტიდან 8 მარტის დილამდე , საქართველოში მოსალოდნელია წვიმა, ზოგან ძლიერი, მაღალმთაში თოვლი, ქარბუქი და ზვავსაშიშროება.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 17 °C
img
სოხუმი 12 °C
img
ფოთი 12 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.