ახალი ამბები
სოხუმის აეროპორტს რუსი ინვესტორი ეყოლება - ე.წ. პარლამენტმა შეთანხმების რატიფიცირება მოახდინა
აფხაზეთის დე ფაქტო რესპუბლიკის პარლამენტის დეპუტატებმა საბოლოო მოსმენით, რუსეთის იურიდიულ პირთან სოხუმის აეროპორტის რეკონსტრუქციის შესახებ შეთანხმების რატიფიცირებას დაუჭირეს მხარი, წერს „აფსნიპრესი“.
ამავე ინფორმაციით, ხელშეკრულება „არეგულირებს რუსული იურიდიული პირის მიერ საინვესტიციო პროექტის განხორციელებას და განსაზღვრავს მხარეთა უფლებებსა და მოვალეობებს“.

„ეხო კავკაზას“ თანახმად, „ხელშეკრულება ითვალისწინებს სახელმწიფო-კერძო პარტნიორობის შექმნას, ამასთან, ინვესტორი თავისუფლდება ყველა გადასახადისგან 25 წლით, გარდა საშემოსავლო გადასახადისა და იმპორტის დღგ-ისა. აფხაზური მხარის ვალდებულება იქნება 1,5 მეგავატი სიმძლავრის ორი ქვესადგურის რეკონსტრუქცია - აგუძერასა და გულრიფშში, ასევე მისასვლელი გზის მშენებლობა“

ამავე ცნობით, სავარაუდოდ, სოხუმის აეროპორტი, წელიწადში 1 მილიონამდე მგზავრს მოემსახურება.

ხელშეკრულების პირობების მიმართ სკეპტიკურად განწყობილი აფხაზი დეპუტატი კან კვარჩია დაინტერესდა, თუ "რა მოგებას მიიღებს აფხაზეთი ამ პროექტით? როგორ მოხდება ქონების გამიჯვნა საჯარო-კერძო პარტნიორობაში?"

„ინვესტორი საკუთარ ფულს არ დებს, ის სესხს იღებს. ამ ხელშეკრულებაში მე ვერ დავინახე ისეთი ნორმა, რომელიც უკრძალავს ინვესტორს სესხის აღებას აფხაზეთის მიმართ არამეგობრული ქვეყნების ბანკებში. ამიტომ, ვუშვებ, რომ ინვესტორს შეუძლია მიიღოს სესხები, მაგალითად, საქართველოს ბანკიდან (Bank of Georgia). აქ კრედიტი ჩადებას მას არავინ უკრძალავს და იმასაც, რომ მიმართოს გაკოტრების პროცედურას და ამ შემთხვევაში, ჩვენი აეროპორტი საქართველოს ბანკის საკუთრება იქნება, არა?“, - იკითხა სხდომაზე კვარჩიამ.

დე ფაქტო რესპუბლიკის ეკონომიკის მინისტრმა, ქრისტინა ოზგანმა სცადა, დაერწმუნებინა კვარჩია იმაში, რომ სოხუმს პრობლემები არ ექნება და „მთავრობა“ სიტუაციას გააკონტროლებს.

„აეროდრომი და მთელი მისი ინფრასტრუქტურა სახელმწიფო საკუთრების სტატუსს შეინარჩუნებს. ამ ინფრასტრუქტურის აღდგენას ინვესტორი საკუთარი ხარჯებით დააფინანსებს, თუმცა ის სახელმწიფო საკუთრებაში დარჩება. სახელმწიფო საკუთრებაში დარჩება აეროპორტის კომპლექსი, ისტორიული და კულტურული მემკვიდრეობის ობიექტიც. სარგებლობაში გადაეცემა მიწის სარგებლობის უფლებასთან ერთად. მოგვიანებით აშენებული საჰაერო ტერმინალის კომპლექსი და მთელი ინფრასტრუქტურა კერძო საკუთრებაში გადადის“, - განაცხადა ოზგანმა.

"საბოლოოდ, კენჭისყრის შედეგად, შეთანხმების პროექტი თითქმის ერთხმად იქნა რატიფიცირებული, მას ოცდაათმა დეპუტატმა დაუჭირა მხარი, ორი წინააღმდეგი იყო, ერთმა კი თავი შეიკავა", ვკითხულობთ ინფორმაციაში.

სოხუმმა და მოსკოვმა, აეროპორტის აღდგენის შესახებ შეთანხმებას მიმდინარე წლის ივნისში სანკტ - პეტერბურგში მოაწერეს ხელი. უფრო ადრე, აფხაზური მედია წერდა, რომ ინვესტორად გამოდის რუსული ინდუსტრიული ჯგუფი Basic Element , რომელთა კომპანიები აკონტროლებენ ან შედიან რუსი ოლიგარქის ოლეგ დერიპასკას ბიზნეს ინტერესების სფეროში. 

ამავე თემაზე: სოხუმში აეროპორტის აღდგენის შესახებ შეთანხმება განიხილეს


Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
23 / ივნისი 2024
ზუგდიდის მერია 2024 წლის საპარლამენტო არჩევნებში ხმის მიცემის პროცესის უზრუნველსაყოფად, მუნიციპალიტეტის მასშტაბით,
22 / ივნისი 2024
სოხუმი არ განიხილავს ტურისტული საქმიანობის შესახებ მოქმედ "კანონმდებლობაში" ცვლილების შეტანის საკითხს, - ამის შესახებ აფხაზეთის თვითგამოცხადებული რესპუბლიკის ე.წ პრემიერ-მინისტრმა ალექსანდრე ანქვაბმა "გიდების პროფესიული საზოგადოების" წარმომადგენლებთან შეხვედრაზე განაცხადა.
21 / ივნისი 2024
ძლიერი წვიმის შედეგად  წალენჯიხის რამდენიმე უბანში დაიტბორა საკარმიდამო მიწის ნაკვეთები და ჩამოირეცხა შიდა საუბნო გზები.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 23 °C
img
ფოთი 24 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.