ახალი ამბები
„კანონი“ გალელებისთვის „აფხაზეთის მოქალაქეობის“ მასობრივად მინიჭებას გამოიწვევს, - ნადარაია
ვეტერანთა საზოგადოებრივი ორგანიზაცია „არუაას“ ერთ-ერთი ლიდერი და გალის რაიონის ე.წ. ადმინისტრაციის ყოფილი ხელმძღვანელი თემურ ნადარაია აფხაზეთის თვითგამოცხადებული რესპუბლიკის ე.წ. პარლამენტის მიერ მიღებულ „სამოქალაქო სტატუსების შესახებ“ კანონში ცვლილებებს აკრიტიკებს. ის „დეპუტატებს“ მოუწოდებს გამოითხოვონ ცვლილებები და „დამატებითი დაცვის მექანიზმები“ შეიმუშაონ.

მისი თქმით, მიღებული „კანონი“, გვარებისა და ეროვნების მექანიკური შეცვლა, საშუალებას მისცემს გალის რაიონში მცხოვრებ საქართველოს მოქალაქეებს, მასობრივად მიიღონ „აფხაზეთის მოქალაქეობა“.

ნადარაია თვლის, რომ ამ ცვლილებებით ე.წ. პარლამენტმა „ფაქტობრივად დააკანონა „აფხაზეთის მოქალაქეობის“ მასობრივად მინიჭება გალის რაიონში მცხოვრები საქართველოს მოქალაქეებისთვის.

მან გაიხსენა, რომ 2022 წლის მარტში აფხაზმა „დეპუტატებმა“ მიიღეს „კანონი“, რომელიც ითვალისწინებს „აფხაზი ეროვნების აღდგენის“ შესაძლებლობას, შემდეგ კი ნაჩქარევად გააუქმეს. მისი ვარაუდით, „სახალხო კრება“ ამ საკითხს მოახლოებული „საპრეზიდენტო არჩევნების“ გამო დაუბრუნდა, რომელიც 16 თვეში გაიმართება.

„შესაძლოა, ამ ცვლილებების ინიციატორებმა გადაწყვიტეს, რომ ეს იყო უმარტივესი გზა ახალი ელექტორატის მოსაზიდად, რომელიც მათი აზრით, ხმას მისცემს მათ, როგორც კეთილისმყოფლებს“, - დასძინა მან.

ის ამბობს, რომ გალელების უმრავლესობა საქართველოსკენ იყურება და მის პოლიტიკას ატარებს აფხაზეთში, რასაც ხელს უწყობს საქართველოს მთავრობის მიერ განხორციელებული პროექტები, განსაკუთრებით, უფასო სამედიცინო სერვისებით სარგებლობის შესაძლებლობა.

„ასობით ჩვენი თანამოქალაქე ამ პროგრამით სამკურნალოდ საქართველოში მიდის“, - წერს ის.

ნადარაია მიიჩნევს, რომ გალის რაიონის მაცხოვრებლებმა უნდა ისწავლონ „მშობლიური მეგრული“ და „სახელმწიფო“ აფხაზური ენები და არა „ბერიასა და სტალინის დროიდან თავსმოხვეული“ ქართული ენა.

„არუაას“ წევრი ამბობს, რომ გალის მოსახლეობა ახლა „საქართველოს საინფორმაციო სივრცეში ცხოვრობს“ და მათი უმრავლესობის სახლებშიც კი „საათი არა სოხუმის, არამედ თბილისის დროს უჩვენებს“.

აფხაზეთის დე ფაქტო რესპუბლიკის ე.წ. პარლამენტის დეპუტატებმა „სამოქალაქო სტატუსის აქტების შესახებ“ კანონში ცვლილებები შეიტანეს, რომელიც „აფხაზური ეროვნების აღდგენის“ უფლებას ითვალისწინებს.

ამავე ცნობით, მიღებული ცვლილებების ინიციატორი აფხაზი ოპოზიციონერი კან კვარჩია იყო. კანონის მიღებას მხარი დაუჭირა სხდომაზე დამსწრე ყველა „დეპუტატმა“.





Print Email
FaceBook Twitter
დაფინანსებული
ელექტრონული კომერცია საქართველოში სწრაფი ტემპებით ვითარდება.
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
დღის სიახლეები
23 / აპრილი 2024
24-25 აპრილს, ღამის საათებში თბილისი–სენაკი–ლესელიძის საავტომობილო გზის 143-ე კმ-ზე მდებარე რიკოთის საავტომობილო გვირაბში შეზღუდვები დაწესდება.
23 / აპრილი 2024
"საქართველოს რკინიგზის" ინფორმაციით, 2-დან 6 მაისის ჩათვლით, თბილისი - ფოთის მიმართულებით დამატებითი რეისები შესრულდება.
23 / აპრილი 2024
"ზუგდიდში UEFA-ს სტანდარტების შესაბამისი ცენტრალური სტადიონის მშენებლობა 2015 წელს დაიწყეს და 2017-ში უნდა დასრულებულიყო, თუმცა დღემდე არ გახსნილა", - ამის შესახებ ინფორმაცია ორგანიზაცია "ფლანგვის დეტექტორმა"
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 11 °C
img
სოხუმი 15 °C
img
ფოთი 15 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.