ახალი ამბები
ზუგდიდში ასფალტიდან ანასხლეტი ქვა ქალს თავში მოხვდა - რატომ ჭიანურდება რუსთაველის ქუჩაზე გზის რეაბილიტაცია
ზუგდიდში, რუსთაველის ქუჩაზე ავეჯის მაღაზიის გამყიდველს თავში გზიდან ანასხლეტი ქვა მოხვდა. თვითმხილველები ამბობენ, რომ ქვა მცირე ზომის იყო და მოქალაქემ უმნიშვნელო დაზიანება მიიღო. ადგილობრივები საავტომობილო გზის საფარის მოწესრიგებას ითხოვენ, წინააღმდეგ შემთხვევაში საპროტესტო აქციებით იმუქრებიან.

„გზა სავსეა ქვებით და ძალიან საშიშია გავლა. გაუმართლა იმ ქალს, რომ ქვა პატარა იყო, თორემ შეიძლებოდა მოეკლა. ეს არ არის პირველი შემთხვევა, ხან მაღაზიის მინას გვიმსხვრევს, ხან ხალხს ხვდება. ასევე, არის გაუსაძლისი მტვერი, ვიხრჩობით“, - ამბობენ რუსთაველის ქუჩის მცხოვრებლები.

ზედამხედველობის სამსახურის თანამშრომლებმა მოსახლეობას განუმარტეს, რომ საავტომობილო გზების დეპარტამენტს აღნიშნული ქუჩის რეაბილიტაციის ტენდერი გამოცხადებული აქვს და სამუშაოები უმოკლეს ვადებში დაიწყება. მანამდე, მოსახლეობამ და აქ არსებული სავაჭრო ობიექტების თანამშრომლებმა პირობა მიიღეს, რომ მერია გზას ქვა-ღორღისგან გაწმენდს.

ქალაქის მერიაში დაგვიდასტურეს, რომ გზის ამ მონაკვეთის შეკეთებაზე ტენდერი გამოცხადებულია და მალე სამუშაოებიც დაიწყება.

რაც შეეხება ტენდერს, რომელზეც მერიამ მიგვითითა და რომლის შესახებაც ზედამხედველობის სამსახურის თანამშრომლებმა მოსახლეობასთან ისაუბრეს, ის სავარაუდოდ, უნდა შეიცვალოს. საუბარია 2019 წლის აპრილში საავტომობილო გზების დეპარტამენტის შესყიდვაზე, რომელიც სამეგრელო-ზემო სვანეთის რეგიონში საავტომობილო გზების პერიოდული შეკეთების სამუშაოების შესრულებას გულისხმობდა.

სატენდერო დოკუმენტაციის მიხედვით, გამარჯვებულ ინდივიდუალურ მეწარმესთან - „დავით სიჭინავასთან“ ხელშეკრულება 20 მილიონ ლარზე გაფორმდა. ამავე ინფორმაცით, ამ დროისთვის შესრულებულმა სამუშაოებმა, დაახლოებით, 10 მილიონი ლარი შეადგინეს და გზების რეაბილიტაცია სხვადასხვა მუნიციპალიტეტში, მათ შორის, წალენჯიხაში, აბაშასა და მარტვილში შესრულდა.
საკითხში გასარკვევად ტენდერში გამარჯვებულ ინდივიდუალურ მეწარმეს დავუკავშირდით. დავით სიჭინავას განმარტებით, რუსთაველის ქუჩაზე, სასტუმრო "ოდიშიდან" საკონსერვო ქარხნის ყოფილი შენობის ტერიტორიამდე (გადასახვევი) გზის აღდგენითი სამუშაოები მანამდეც უნდა განხორციელებულიყო, თუმცა წყლის და საკანალიზაციო სისტემის მშენებლობის გამო ვერ შესრულდა. მისივე თქმით, აღნიშნული სამუშაოების გამო ეს მონაკვეთი რადიკალურად შეიცვალა და ახალი პროექტის შედგენაა საჭირო. მას მერიის შეთავაზებაზე გადაწყვეტილება ჯერ არ მიუღია და არ იცის დათანხმდება თუ არა რუსთაველის ქუჩის ნაწილის რეაბილიტაციას.


„ძალიან ბევრი ნიუანსია გასათვალისწინებელი და არ ვიცი, დავთანხმდები თუ არა შემოთავაზებას. ერთ კვირაში დამიკავშირდით და გეტყვით ჩემს გადაწყვეტილებას. მიმდინარე პროექტის ფარგლებში დაგეგმილი იყო გზაზე ახალი ასფალტის ფენის დაგება. ახლა ამ კანალიზაციის გამო გადაითხარა ქუჩა და შეკეთება კი არა, რეაბილიტაციაა საჭირო“, - გვითხრა დავით სიჭინავამ.

იმ შემთხვევაში, თუ რუსთაველის ქუჩის რეაბილიტაცია 2 კვირაში არ დაიწყება მოსახლეობა საპროტესტო აქციებით იმუქრება. მოესწრება თუ არა უახლოეს დღეებში ახალი პროექტის შემუშავება ან უკვე არსებულის კორექტირება, ჯერ უცნობია.

Print Email
FaceBook Twitter
რ ე კ ლ ა მ ა
ჩხოროწყუს მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი სოფელ თაიაში წყალმომარგების მოწყობის სამუშაოებს გაეცნენ.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
კორონავირუსი
ბოლო 24 საათის განმავლობაში საქართველოში კორონავირუსის 3 958 ახალი შემთხვევა გამოვლინდა, მათ შორის, 159 სამეგრელო-ზემო სვანეთში დადასტურდა.
ზუგდიდში მცხოვრები 75 წლის კოვიდინფიცირებული მამაკაცი გარდაიცვალა.
ახალი კორონავირუსით სენაკის მუნიციპალიტეტის მკვიდრი გარდაიცვალა. სამეგრელო-ზემო სვანეთის სამხარეო ადმინისტრაციის ცნობით, 65 წლამდე მამაკაცს თანმხლები დაავადებები
საზოგადოება
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
14-16 ნოემბერს, საქართველოს განათლების, მეცნიერების, კულტურისა და სპორტის სამინისტროს მხარდაჭერით, აქცია „ღამე მუზეუმში“ ტარდება. ამის შესახებ ინფორმაციას განათლების სამინისტრო ავრცელებს.
დღეიდან, 9 ნოემბრიდან შევა ძალაში საკოორდინაციო საბჭოს გადაწყვეტილება, რომლის მიხედვით, ზუგდიდში, ფოთში, ქუთაისში, ბათუმში, რუსთავში, გორსა და თბილისში
ამავე კატეგორიაში
დღის სიახლეები
23 / ნოემბერი 2020
ზუგდიდის მუნიციპალიტეტში მცხოვრები კოვიდინფიცირებული მამაკაცი ქუთაისის საავადმყოფოში გარდაიცვალა. ახლობლების ინფორმაციით, ის თავდაპირველად ფოთის ერთ-ერთ კოვიდმიმღებ
23 / ნოემბერი 2020
კომპანია "ჩერნომორენერგოს" ინფორმაციით, 21 იანვრიდან აფხაზეთში მოსახლეობას ელექტროენერგიის მიწოდება 6 საათის ნაცვლად, 4
23 / ნოემბერი 2020
სამეგრელოს მასშტაბით, რუხისა და ფოთის კოვიდმიმღებ კლინიკებში 327 კოვიდინფიცირებული პირი გადის მკურნალობას.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 4 °C
img
სოხუმი 5 °C
img
ფოთი 6 °C
img
მესტია -7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.