სტატია
ცირკულირებს თუ არა ზუგდიდში კორონავირუსის ბრიტანული და ინდური შტამები
კორონავირუსის ბრიტანული შტამის შემდეგ, მსოფლიო "დელტა" ანუ "ინდურ შტამს" (B.1.617.2) ებრძვის. ახალი ვარიანტები ბევრად სწრაფად ვრცელდება და ორივე მათგანი უკვე ცირკულირებს საქართველოში. როგორც ჯანდაცვის წარმომადგენლები ირწმუნებიან, აქამდე გამოვლენილი  "ინდური შტამის" 20-ვე  შემთხვევა იმპორტირებულია.

დაავადებათა კონტროლის ცენტრის ხელმძღვანელი ამირან გამყრელიძე ვარაუდობს, რომ ქვეყანაში "დელტა შტამის" ცირკულაცია 10-დან 20 პროცენტამდე მერყეობს.

დაფიქსირდა თუ არა სამეგრელოში ინდური შტამი, ამ კითხვით დაავადებათა კონტროლის ეროვნული ცენტრის სამეგრელო-ზემო სვანეთის განყოფილების წარმომადგენლის ნანა ოდიშარიას მივმართეთ. მისი განმარტებით, ადგილობრივ დონეზე ვირუსის შტამების სეკვენირება არ ხდება და მისი დადგენა მხოლოდ ლუგარის ცენტრში ან მსგავს ლაბორატორიებში ხდება. მისივე თქმით, რეგიონში არ გამოვლენილა საეჭვო შემთხვევა და ვირუსის გენეტიკური ანალიზის ჩატარების საჭიროება დღის წესრიგში არ დამდგარა.

"არ გვყოლია ინდოეთიდან ჩამოსული და არც საქართველოში გამოვლენილ შემთხვევასთან ჰქონია კონტაქტი რეგიონში მცხოვრებს. ჩვენ ხშირად ვატარებთ კვლევებს და საეჭვო შემთხვევა არ გვქონია, კვლევებისთვის არ გაგვიგზავნია ანალიზები", - აღნიშნა ოდიშარიამ.

რაც შეეხება "ბრიტანულ შტამს", ის სამეგრელო-ზემო სვანეთში უკვე დომინირებს, ისევე როგორც ქვეყნის მასშტაბით. დაავადებათა კონტროლის ეროვნული ცენტრის ინფორმაციით, საქართველოში გამოვლენილი ახალი შემთხვევიდან 80-90%  "ბრიტანული შტამია".

"ზოგადად, რეგიონის მასშტაბით, ბოლო კვირაში კლების ტენდენცია გვაქვს. საგრძნობლად იკლო ახალმა შემთხვევებმა. როგორც იცით, ბოლოს ლოკალური ეპიდაფეთქება გვქონდა ზუგდიდის სოფელ დარჩელში, თუმცა ახლა სტაბილური მდგომარეობაა. რამდენჯერმე ჩატარებულმა მასობრივმა ტესტირებამ, გამოვლენილმა შემთხვევებმა და თვითიზოლაციამ თავისი დადებითი შედეგი გამოიღო", - მიიჩნევს ნანა ოდიშარია.

ბოლო მონაცემებით, COVID-19-ის ინდური ვარიანტი მსოფლიოს 85-ზე მეტ ქვეყანაშია გავრცელებული. ის ინდოეთის შტატ მაჰარაშტრაში 2020 წლის შემოდგომაზე დააფიქსირეს.

ჯანდაცვის მსოფლიო ორგანიზაციამ მიმდინარე წლის 11 მაისს დელტა შტამს "შემაშფოთებელი ვარიანტი" უწოდა.

"მსოფლიოში ინდური  ვარიანტი შეიძლება დომინანტური გახდეს", – ეს უკვე რამდენიმე დღის წინ ჯანდაცვის მსოფლიო ორგანიზაციის მთავარმა მეცნიერმა, სუმია სვიმინატანმა twitter- ის გვერდზე დაწერა.

სპეციალისტები თვლიან, რომ დელტა ვარიანტით დაინფიცირებულმა ერთმა პაციენტმა შესაძლოა საშუალოდ 5-8 ადამიანი დაავადოს. იმ შემთხვევაში თუ ოჯახში ერთ პირს "დელტა" ვარიანტი დაუფიქსირდება, რთული იქნება ოჯახის სხვა წევრებმა მისგან თავის დაცვა შეძლონ.

ისრაელში ინდური შტამის გამო, რომელსაც ასევე "ორმაგ მუტანტსაც" უწოდებენ, დახურულ სივრცეში ნიღბის გამოყენება ისევ სავალდებულო გახდა. ადგილობრივი მედიის ინფორმაციით, ინფიცირებულთა ნახევარი ბავშვებზე მოდის, მესამედი კი Pfizer-ის ორივე დოზით აცრილია.

საქართველოში "ინდური შტამის" გავრცელების რეალური საფრთხის მიუხედავად,  მთავრობამ ღია სივრცეში პირბადის ტარების ვალდებულება მოხსნა. შეზღუდვების შემსუბუქების ფონზე ხშირად ვხდებით შემთხვევებს, როდესაც მოქალაქეები დახურულ სივრცეებშიც არ იკეთებენ პირბადეებს. ამასთან, რეგულაციებზე უარყოფითი გავლენა იქონია ინიციატივამ, რომლის თანახმად კოვიდრეგულაციების დარღვევის გამო დაჯარიმებული ადამიანები ჯარიმებისგან გათავისუფლდებიან.

"საქართველოში დელტა შტამის ცირკულაცია თანდათან იზრდება. ევროპის რიგ ქვეყნებში ის ანაცვლებს ბრიტანულ შტამს, მოსალოდნელია, რომ გარკვეული პერიოდის განმავლობაში, თანდათან ეს მოხდეს აქაც", – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ 25 ივნისს განაცხადა. აქედან გამომდინარე ქვეყნის მთავარი ეპიდემიოლოგი მიიჩნევს, რომ დასაცავია შესაბამისი პრევენციული ღონისძიებები.


Print Email
FaceBook Twitter
რ ე კ ლ ა მ ა
გიგა ოთხოზორიას დღეს 36 წელის შეუსრულდებოდა. სოფელ ხურჩაში ე.წ. აფხაზი მესაზღვრის მიერ მოკლული ოთხოზორიას საფლავი დღეს
ზუგდიდის მუნიციპალიტეტის მერის მოვალეობის შემსრულებელმა, კონსტანტინე კაკავამ მხარის გუბერნატორის პირველ მოადგილესთან, ნინო ვიბლიანთან ერთად 2021-2022 წლის მერის სტიპენდიანტებს სერთიფიკატები გადასცა.
მომხმარებლებს ტერაბანკში უკვე სუბსიდირებული იპოთეკური სესხის აღება შეუძლიათ. სააგენტოს „აწარმოე საქართველოში“ პროგრამაში, რომელიც იპოთეკური სესხების თანადაფინანსებას გულისხმობს, ბანკი აქტიურად ჩაერთო.
კორონავირუსი

ბოლო მონაცემებით სამეგრელოს კოვიდმიმღებ კლინიკებში 476 ადამიანი გადის მკურნალობის კურსს.

საქართველოში ბოლო 24 საათში გამოვლინდა ვირუსით ინფიცირების 5 076 ახალი დადასტურებული შემთხვევა, მათგან სამეგრელო - ზემო სვანეთში 19 435.
ოპერატიული შტაბის ინფორმაციით, გასული დღე-ღამის განმავლობაში აფხაზეთში კორონავირუსზე ტესტირება 637 ადამიანს ჩაუტარდა და გამოვლინდა ინფიცირების 160 ახალი შემთხვევა.
საზოგადოება
გარემოს დაცვისა და სოფლის მეურნეობის სამინისტრომ ადრეულად გარდაცვლილი მეტყევის "სანდრო ურუშაძის პრემია 2021" ხობელ ბუნების დამცველს, სანდრო ნარსიას გადასცა.
საკოორდინაციო საბჭოს გადაწყვეტილებით, საბავშვო ბაღებსა და როგორც საჯარო, ისე კერძო სკოლებში, 4 ოქტომბერს სასწავლო პროცესი საკლასო ოთახებსა და აუდიტორიებში განახლდება,
ქართველმა მოჭადრაკემ, ნონა გაფრინდაშვილმა Netflix-ის უჩივლა, – ამის შესახებ ინფორმაციას „ნიუ იორკ თაიმსი“ ავრცელებს.
ამავე კატეგორიაში
დღის სიახლეები
17 / ოქტომბერი 2021
30 ოქტომბერს 15 მუნიციპალიტეტში, მათ შორის, ზუგდიდში, ხობში, სენაკში, მარტვილსა და ჩხოროწყუში თვითმმართველობის არჩევნების მეორე ტური გაიმართება.
17 / ოქტომბერი 2021
სინოპტიკოსები საქართველოში ამინდის გაუარესებას პროგნოზირებენ. გარემოს ეროვნული სააგენტოს ინფორმაციით,
17 / ოქტომბერი 2021
Stopcov.ge-ზე გამოქვეყნებული ინფორმაციის თანახმად, ბოლო დღე-ღამეში გამოვლინდა ინფიცირების 4 581 ახალი შემთხვევა,
გემრიელი ისტორიები
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 15 °C
img
სოხუმი 16 °C
img
ფოთი 17 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.