სტატია
სარაქონში მდინარის მიმდებარედ მეწყრული პროცესები ვითარდება - 7 ოჯახი დახმარებას ითხოვს (ფოტო)
ჩხოროწყუს მუნიციპალიტეტის სოფელ სარაქონში, საფარულუოს უბანში მცხოვრები შვიდი ოჯახი ყოველი წვიმის დროს შიშობს, რომ მათ საკარმიდამო ნაკვეთებსა და ეზოებს წყალი წაიღებს. ადგილობრივები ამბობენ, რომ მცირე ნალექის დროსაც კი მათ გარშემო მიწა იშლება და მეწყრული პროცესები ვითარდება. მათი სახლების მიმდებარედ მდინარე ჭანისწყალი ჩამოდის, რომელიც ადიდების შემდეგ კალაპოტიდან გადმოდის და ისედაც საფრთხის შემცველ ზონას კიდევ უფრო საშიშს ხდის.

წლებია, პრობლემას უყურებს ანზორ ფარულავა.

„აქ თუ ძლიერ იწვიმა და მდინარე კალაპოტიდანც გადმოვიდა, მეწყერი ჩამოწვება და მთელს სოფელს, პირველ რიგში კი, ჩვენს სახლებს მნიშვნელოვნად დააზიანებს. ჩვენი ეზოები სულ იტბორება და ნელ-ნელა ბოსტნები, ნარგავები, ეზოს ნაწილი წყალს მიაქვს. მალე, ალბათ, სახლებამდე მოაღწევს. მიწის მოწყვეტის შემთხვევაში კი კალაპოტი მდინარეს ვერ შეაჩერებს და მოსახლეობა ძალიან დიდი საფრთხის წინაშე დადგება. უკვე ძალიან საშიში ხდება აქ ცხოვრება. ჯერჯერობით, არ არის ადამიანური ზარალი, თუმცა, შიშში ვცხოვრობთ“, - უთხრა რადიო „ათინათს“ ფარულავამ.

მის მეზობლად ამავე მდგომარეობაში მყოფი კიდევ 6 ოჯახი ცხოვრობს, მათგან ორ სახლში მცირეწლოვნებიც არიან. ჩვენმა რესპონდენტმა გვითხრა, რომ დახმარების თხოვნით ჩხოროწყუს მერიას მიმართეს, თუმცა რეაგირება ამ დრომდე არ ყოფილა. ისინი კონკრეტული ნაბიჯების გადადგმას, პირველ რიგში კი, დამბის მოწყობას ითხოვენ. 

რადიო „ათინათი“
ადგილობრივების პრობლემასთან დაკავშირებით ჩხოროწყუს მერიის ინფრასტრუქტურის სამსახურის უფროსს თეიმურაზ მალანიას ესაუბრა. მან დაადასტურა, რომ ერთ-ერთმა მცხოვრებმა მერიას განცხადებით საავტომობილო გზების დეპარტამენტთან შუამდგომლობა სთხოვა, თუმცა, მალანია დასძენს, რომ აღნიშნულ უწყებას საკითხი არ ეხება. ის ადგილობრივებს ხელახალი განცხადების დაწერისკენ მოუწოდებს.

„როდესაც მეწყერია და არსებობს საშიშროება, უნდა მიმართონ განცხადებით და ფოტოებით სოფლის რწმუნებულს, ითხოვონ გეოლოგების მოწვევა, ამის შემდეგ რწმუნებული შემოვა ჩვენთნ განცხადებით ,რომ საჭიროებს გეოლოგების ჩამოსვლას და დასკვნის დადებას. გეოლოგები შეისწავლიან, არის თუ არა მეწყრული ტერიტორია და შემდეგ რა დასკვნასაც დადებენ, იმის მიხედვით ვიმოქმედებთ კანონის ფარგლებში. ამ დროისთვის ამ კონკრტულ უბანში საფრთხის დონე დაბალია“, - თქვა მალანიამ.

მანამ, სანამ ბიუროკრატიული პროცედურები მოგვარდება, სარაქონის ე.წ. საფარულუოს უბანში მაცხოვრებლები მომდევნო წვიმის მოლოდინში საფრთხის შემცველ სახლებში რჩებიან.


Print Email
FaceBook Twitter
რ ე კ ლ ა მ ა
ზუგდიდის მერია ერთადერთი მუნიციპალიტეტია ქვეყნის მასშტაბით, რომელიც ქვეყნის ფარგლებს გარეთ სასწავლებელში ჩარიცხული სტუდენტების ფინანსურ მხარდაჭერას ახორციელებს.
საქართველოს მთავრობა სამეგრელო-ზემო სვანეთის რეგიონში მიმდინარე და განხორციელებული ინფრასტრუქტურული პროექტების შესახებ ვიდეორგოლს ავრცელებს.
საქართველოს მთავრობა სამეგრელო-ზემო სვანეთის რეგიონში მიმდინარე და განხორციელებული ინფრასტრუქტურული პროექტების შესახებ ვიდეორგოლს ავრცელებს.
საზოგადოება
საქართველოს სტატისტიკის ეროვნული სამსახურის მიერ გამოქვეყნებული წინასწარი შედეგების თანახმად, 2023 წლის იანვარ-ივლისში საქართველოდან განხორციელებული საქონლის ექსპორტის მოცულობამ (არადეკლარირებული
სტატისტიკის ეროვნულმა სამსახურმა 2023 წლის მეორე კვარტალში სამუშაო ძალის მაჩვენებლები გამოაქვეყნა.
საქართველოს კონკურენციის ეროვნულმა სააგენტომ გასული წლის მარტ-აგვისტოში საავტომობილო საწვავის საცალო ბაზარზე მაღალი ფასების შენარჩუნების მიზეზით ხუთი უმსხვილესი ეკონომიკური აგენტი დააჯარიმა. ამის შესახებ
ამავე კატეგორიაში
დღის სიახლეები
04 / დეკემბერი 2023
ოჩამჩირის რაიონის სოფელ გუფში, ორსართულიან საცხოვრებელ სახლს ცეცხლი გაუჩნდა, შედეგად 22 წლის მამაკაცი დაიღუპა.
04 / დეკემბერი 2023
ოკუპირებული აფხაზეთის გალის რაიონის ე.წ ადმინისტრაციის ხელმძღვანელმა კონსტანტინე ფილიამ განაცხადა, რომ ისინი ინციდენტების პრევენციისა და მათზე რეაგირების მექანიზმის (IPRM) ფორმატში შეხვედრების ზონას ამზადებენ.
04 / დეკემბერი 2023
2024 წლის სახელმწიფო ბიუჯეტის პროექტში ანაკლიის პორტის ინფრასტრუქტურისთვის გამოყოფილია 50 მლნ ლარი. ამის შესახებ შესაბამისი დოკუმენტი გამოქვეყნებულია პარლამენტის ოფიციალურ გვერდზე.
ოდაბადეშ კინოხონი
30 / ნოემბერი 2023
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« დეკემბერი 2023 »»
27282930 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 20 °C
img
სოხუმი 20 °C
img
ფოთი 13 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.