ახალი ამბები
CHCA: რუხში მოხუცთა და ბავშვთა ზრუნვის ცენტრი 100-მდე ბენეფიციარს მოემსახურება (ფოტო/ვიდეო)
საქველმოქმედო ჰუმანიტარული ცენტრი "აფხაზეთი" რუხში მოხუცთა და ბავშვთა ზრუნვის ცენტრს "ჩემი მორდუ" დაახლოებით 6 თვეში ააშენებს.
ურთიერთთანამშრომლობის მემორანდუმს, ზუგდიდის მუნიციპალიტეტის მერმა გიორგი შენგელიამ და საქველმოქმედო-ჰუმანიტარული ცენტრი “აფხაზეთის“ აღმასრულებელმა დირექტორმა ნუკრი მილორავამ უკვე მოაწერეს.

ნუკრი მილორავას ინფორმაციით, ეს იქნება სივრცე, სადაც მზრუნველობის გარეშე დარჩენილი მოხუცები და ბავშვები, ჯამში 100 ბენეფიციარი, სხვადასხვა სახის მომსახურებას მიიღებს.  

„პროექტის ფარგლებში შესაძლებელი იქნება 3 სოციალური ინსტიტუციის შექმნა - 24-საათიანი მზრუნველობის გაწევა მიუსაფარი ხანდაზმულებისთვის, ოჯახურ გარემოსთან მიახლოებული პირობების შექმნა მზრუნველობა მოკლებული ბავშვებისათვის, ასევე შშმ პირთა დღის ცენტრის დაფუძნება.  მულტიფუნქციური სერვისცენტრის პროექტის განხორციელებით ჩვენ მივიღებთ რეაბილიტირებულ და თანამედროვე სტანდარტებით აღჭურვილ შენობას, რომელიც პროექტის დასრულების შემდეგ გადაეცემა ზუგდიდის მუნიციპალიტეტს“, - აღნიშნა ნუკრი მილორავამ.

მისივე თქმით, მულტიფუნქციური სერვისცენტრი ფუნქციონირებას საერთაშორისოდ აღიარებული ჰუმანიტარული პრინციპებისა და ადამიანის უფლებათა საერთაშორისო კონვენციის სრული დაცვით დაიწყებს. მის განხორციელებაში კი ჩართულები იქნებიან ადგილობრივი და საერთაშორისო ექსპერტები და ორგანიზაციები.

“რუხში არსებული შენობა, საინვესტიციო ვალდებულებით, აღნაგობის უფლებით, საქველმოქმედო ჰუმანიტარულ ცენტრ ,,აფხაზეთს“ გადაეცა, სადაც ისინი ნახევარ მილიონ ლარზე მეტ ინვესტიციას განახორციელებენ. აქ დაახლოებით 6 თვეში მოეწყობა პირველი სართული, ხოლო მას შემდეგ რაც რუხის ცენტრში​ ამბულატორიისთვის ახალი შენობა აშენდება, მოხდება შენობის სრული აღჭურვა“, - თქვა  ზუგდიდის მუნიციპალიტეტის მერმა გიორგი შენგელიამ.

პროექტის მესვეურების განცხადებით ცენტრის არსებობა მნიშვნელოვანია იმითაც, რომ ის საოკუპაციო ხაზთან მდებარე სოფელში განხორციელდება და სერვისებით სარგებლობას აფხაზეთიდან გადმოსული მოქალაქეებიც შეძლებენ.

ადგილზე დაახლოებით 25 ადამიანი დასაქმდება, რომლებსაც კონკურსის საფუძველზე ცენტრი „აფხაზეთი“ შეარჩევს. ისინი შესაბამის სტაჟირებას გაივლიან. ასევე, სამუშაო პროცესს და სერვისების სტანდარტებს გაეცნობიან აფხაზეთის ტერიტორიაზე მცხოვრები სპეციალისტებიც. პროექტის ავტორების განმარტებით, აფხაზეთის კონფლიქტის ტრანსფორმაციის ფაზაში შესაძლებელი იქნება პროექტის რე-აპლიკაცია გალსა და ოჩამჩირეში, რაც, თავის მხრივ, ხელს შეუწყობს ნდობის აღდგენისა და მშვიდობის მშენებლობის პროცესს.
Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერიის ინფორმაციით საერთაშორისო მნიშვნელობის საავტომობილო გზის თბილისი - სენაკი - ლესელიძის სოხუმის ქუჩის მონაკვეთზე მოძრაობა 4 დღით გზის სარეაბილიტაციო სამუშოების გამო შეიზღუდება.
ზუგდიდის მუნიციპალიტეტის მერია, ზაზა გოგოხიას ოთხსულიან ოჯახს საცხოვრებელ სახლს აუშენებს.
დღეს, 4 ივლისს ამერიკელი ხალხი დამოუკიდებლობის დეკლარაციაზე ხელმოწერის 244 წლისთავს აღნიშნავს.
კორონავირუსი
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 26 პირის ბიოლოგიური ნიმუში გამოიკვლიეს.
ზუგდიდის საზოგადოებრივი ჯანდაცვის ცენტრის ცნობით, გასული 24 საათის განმავლობაში ინფექციური საავადმყოფოს ლაბორატორიაში კორონავირუსზე 178 პირი გამოიკვლიეს.
ზუგდიდის საზოგადოებრივი ჯანდაცვის ცენტრის ცნობით, ინფექციური საავადმყოფოს ლაბორატორიაში კორონავირუსზე 337 პირი გამოიკვლიეს. ყველა ტესტის პასუხი უარყოფითია.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
ამავე კატეგორიაში
დღის სიახლეები
16 / ივლისი 2020
ზუგდიდის მერიამ ახალი კორონავირუსის პანდემიის დროს ქუჩების მოსარეცხად 19 430 ლარი დახარჯა. შესაბამისი ინფორმაცია „მმართველობის მონიტორინგის ცენტრმა“ გამოითხოვა.
16 / ივლისი 2020
გოეთეს ინსტიტუტის ორგანიზებით კახათის პირველი საჯარო სკოლის მოსწავლეებს გერმანულენოვანი სემინარები ჩაუტარდათ.
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 28 °C
img
სოხუმი 29 °C
img
ფოთი 26 °C
img
მესტია 26 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.