ზუგდიდის მუნიციპალიტეტის გამგეობის საინფორმაციო დარბაზში ქალთა საინფორმაციო ცენტრის გაეროს ქალთა ორგანიზაციასთან ერთად პროექტის „ ქალები თანასწორობის, მშვიდობისა და განვითარებისთის“ ფარგლებში „ერთი ფანჯრის“ პრონციპით საკონსულტაციო შეხვედრა გაიმართა. შეხვედრას დაესწრნენ გაეროს ქალთა ორგანიზაციის, ქალთა საინფორმაციო ცენტრის, ადგილობრივი თვითმმართველობის, სოციალური მომსახურების სააგენტოს, აფხაზეთის მთავრობის და დევნილთა და განსახლების სამინისტრო წარმომადგენლები. ზემოაღნიშნული შეხვედრა მიზნად ისახავდა ზუგდიდის რაიონში მცხოვრები დევნილი და კონფლიქტის შედეგად დაზარალებული მოსახელეობის პრობლემების განხილვასა და ადგილზე გადაწყვეტას. დღევანდელ შეხვედრაზე წარმოდენილი იყო კონფლიქტის შედეგად დაზარალებული დევნილების 10 შემთხვევა, რომლებიც თავად ბენეფიციარებმა წარმოადგინეს. აფხაზეტიდან დევნილი მზია ყალიჩავამ შეხვედრაზე თქვა, რომ ის შვილთან და მცირე წლოვან შვილიშვილთან ერთად 15 კვადრატულ მეტრ ფართში გაუსაძლის პირობებში ცხოვრობს. „ვცხოვრობთ სხვის ბოსელში, ბოსელიში, რომელიც ცელოფანით არის გადახურული. ვის არ მივმარტეთ, მაგრამ პასუხი არვისგან მიმიღია. ვითხოვთ საცხოვრებელ ფართს“, - ამბობს მზია ყალიჩავა. მზია ყალიჩავას განსახლებისა და დევნილთა სამინისტროს წარმომადგენლებმა განუმარტეს, რომ ისინი მისი საცხოვრებელ პირობების შესწავლიან და შესაბამისი დასკვნის შემდეგ მოხდება მისი ბინით უზრუნველყოფა. დღევანდელ შეხვედრაზე ბენეფიციარებმა გარდა, მძიმე საცხოვრებელი პირობებისა, ისაუბრეს ასევე განათლებისა და ჯანსდაცვის პრობლემაზე. გაეროს ქალთა ორგანიზაციის პროგრამის მენეჯერის თამარ თავართქილაძის თქმით, როგორც ადგილობრივი ასევე, დევნილი მოსახლებიისთვის ყველაზე რთულად მოსაგვარებელ საკითხად დღემდე განსახლების პრობლემა რჩება.