სამოქალაქო მოძრაობა „სამეგრელოს ხმის“ ლიდერმა თენგიზ ჯგუშიამ ადგილობრივი თვითმმართველობის წარმომადგენლებს უმოქმებობაში დასდო ბრალი. თენგიზ ჯგუშიამ აღნიშნა, რომ იგი პრემიერ-მინისტრის პოლიტიკური კურსის მიმდევრია და ოქტომბრის მოვლენებს ქართველი ხალხის მონაპოვარს უწოდებს, თუმცა ამავე დროს იგი მუნიციპალურ დონეზე სიტუაციის უმართაობაზე საუბრობს. მან ზუგდიდის მუნიციპალიტეტის გამგებლის მოვალეობის შემსრულებელი ედიშერ თოლორაია და მისი მოადგილის მოვალეობის შემსრულებლები ნაციონალურ მოძრაობასთან საეჭვო კოჰაბიტაციაში დაადანაშაულა და აღნიშნა, რომ მუნიციპალიტეტის საკრებულოს თავმჯომარესთან ლევან კონჯარიასთან გარიგებაში მყოფი გამგებელი და მოადგილეები მათზე დაკისრებულ მოვალეობას არ ასრულებენ.ჯგუშიამ ასევე დასძინა, რომ მათ თანამდებობები უკანონოდ აქვთ მიტაცებული. ჯგუშიას განცხადებას გამგებლის მოადგილის მოვალეობის შემსრულებელმა გურგენ სართანიამ უპასუხა და აღნიშნა, რომ ჯგუშია არის დაქირავებული პიროვნება, რომელიც დაკვეთას ასრულებს, მას თავისი ქალაქისთვის არასდროს არაფერი გაუკეთებია ხოლო მის მიერ წამოყენებული ბრალდებები კი სიმართლეს არ შეესაბამება. „ეს არის პირველი და უკანასკნელი შემთხვევა როცა გამგეობა ჯგუშიას ნათქვამზე აკეთებს კომენტარს,“- აღნიშნა სართანიამ. ჯგუშიას მხრიდან ბრალდებები გაისმა "ქართული ოცნების" ზუგდიდის ორგანიზაციის ხელმძღვანელის ლაშა გოგიას მიმართაც, „სამეგრელოს ხმის“ ლიდერმა აღნიშნა, რომ „სოდის“ ყოფილი თანამშრომელი და ყოფილი „ნაციონალი“ ლაშა გოგია უწყლოდ დარჩენილ რიყის მოსახლეობას დაემუქრა, რომ არ გაემართათ საპროტესტო აქცია. ჯგუშია ბრალდებას "ქართული ოცნების" ზუგდიდის ორგანიზაციის ხელმძღვანელმა ლაშა გოგიამ აბსურდული უწოდა.