საქართველოს რეგიონული განვითარებისა და ინფრასტურქტურის მინისტრი დავით ნარმანია ზუგდიდს სტუმრობს. მინისტრმა ზუგდიდში, დევნილების საცხოვრებელი კორპუსების, ყინულის მოედნის და ასევე შამგონის, ინგირისა და ანაკლიის გზების მშენებლობა დაათვალიერა. ზუგდიდის მუნიციპალიტეტის გამგეობაში მინისტრს ასევე, ქალაქის რეკონსტრუქციის გეგმა გააცნეს. „რაც შეეხება სხვა პროექტებს, ეს ეხება სოფლის მხარდამჭერ პროგრამებს და რეგიონებში განსახორციელებელი პროექტების ფონდის პროგრამებს, აქ ყველგან დასრულებულია მოსამზადებელი ეტაპები და დღედღეზე დაიწყება სამშენებლო სამუშაოები“ , - განაცხადა რადიო „ათინათთან“ საუბარში დავით ნარმანიამ. მისივე განმარტებით, ზუგდიდის მუნიციპალიტეტში, მიმდინარე წელს, სულ 200-მდე სამშენებლო პროექტის განხორციელება იგეგმება. დაგეგმილი სამუშაოების განსახორციელებლად, მუნიციპალიტეტის ბიუჯეტში წლის განმავლობაში რვა მილიონი ლარი ჩაირიცხება. ზუგდიდის მუნიციპალიტეტის გამგებლის მოვალეობის დროებით შემსრულებელი ედიშერ თოლორაია აცხადებს, რომ ზუგდიდიში დაგეგმილ მშენებლობებში ძირიდადად ადგილობრივი მოსახლეობაა დასაქმებული. მისვე განმარტებით, დაგეგმილი სამუშეოები მიმდინარე წლის სქტემბრის თვეში უნდა დასრულდეს. ცნობისთვის, საქართველოს რეგიონული განვითარებისა და ინფრასტრუქტურის მინისტრი დავით ნარმანია ხვალ, 16 ივლისს მოსახლეობას შეხვდება და დაგეგმილ სამშენებლო სამუშაოებს გააცნობს.