ТОЧКИ СОПРИКОСНОВЕНИЯ
გაუარესებული ეპიდვითარება და ახალი შეზღუდვები აფხაზეთში
კორონავირუსის შემთხვევების მკვეთრ ზრდასთან დაკავშირებით, სოხუმში 15 ოქტომბრიდან 24 ნოემბრის ჩათვლით, დამატებითი შეზღუდვები ამოქმედდება. იკრძალება მასობრივი, სპორტული, გასართობი, საგამოფენო ღონისძიებების ჩატარება. გარდა ამისა, არ იმუშავებენ თეატრები, ბიბლიოთეკები, კულტურული ცენტრები, საკონცერტო და საგამოფენო დარბაზები. ასევე აკრძალულია მასაჟის და სპა სალონების ფუნქციონირება. ამ პერიოდში დაიხურება სკოლამდელი სააღმზრდელო და საგანმანათლებლო დაწესებულებები: საბავშვო წრეები, სპორტული, ქორეოგრაფიული, სარეპეტიციო დარბაზები. 

სოხუმის ღია ინსტიტუტში სწავლა აუდიტორიებში, კორონავირუსისგან დაცვის ყველა ზომის გათვალისწინებით გაგრძელდება. სასწავლო დაწესებულება კარანტინზე გადასვლას არ გეგმავს. აფხაზეთის სახელმწიფო უნივერსიტეტში კი ჯერ არ გადაუწყვეტიათ, რა რეჟიმში გაგრძელდება სწავლა.

შეზღუდვების თანახმად, საბიუჯეტო ორგანიზაციების ხელმძღვანელებმა დროებით უნდა გაათავისუფლონ სამსახურებრივი მოვალეობის შესრულებისგან 60 წელს ზემოთ ასაკის, ასევე ის თანამშრომლები, რომელთაც სკოლამდელი და უმცროსი სასკოლო ასაკის შვილები ჰყავთ, ხელფასის სრული ოდენობის შენარჩუნებით. ეს წესები ვრცელდება კომერციულ ორგანიზაციებზეც.

არსებული ეპიდივითარებიდან გამომდინარე, აფხაზეთის პარლამენტი გამოდის წინდადებებით, რომ ამ პერიოდში გადავადდეს გადასახადების, ორგანიზაციების ფინანსური ანგარიშგების წარდგენა. ასევე მოიხსნას აკრძალვა პლასტიკური ბარათების გამოყენებაზე. (აგვისტოდან რუსული და აფხაზური პენსიების მიმღებთათვის გაუქმდა საბარათე სისტემა და მათზე თანხა მხოლოდ ბანკის სალაროდან გაიცემა). დეპუტატი ალხაზ ჯინჯოლია თვლის, რომ აუცილებელია მოსახლეობამ ისევ საპენსიო ბარათებით ისარგებლოს, რაც პანდემიის პირობებში, უფრო მიზანშეწონილი იქნება.

აღნიშნული წინადადებები დეპუტატებმა გუდაუთის საავადმყოფოს კოვიდმიმღები ცენტრის დათვალიერების შემდეგ შეიმუშავეს, სადაც ისინი ადგილზე გაეცნენ სიტუაციას.

"ჩვენ ადგილზე გავეცანით სიტუაციას. გასაგებია, რომ პალატებში არ შევსულვართ, თუმცა, გაიმართა შეხვედრა ჰოსპიტალის ხელმძღვანელობასთან, ექიმებთან... მათგან მოვისმინეთ ინფორმაცია პრობლემების შესახებ. სამედიცინო ნაწილზე უშუალოდ სპეციალისტებმა ისაუბრეს, რომლებიც ახლა ბრძოლის წინა ხაზზე არიან", - თქვა ჯინჯოლიამ. რეგულაციები დაწესდა საზოგადობრივი ტრანსპორტისთვისაც: ავტობუსების და მიკროავტობუსების სალონებში ადგილების მხოლოდ 50% უნდა შეივსოს. მგზავრებსა და მძღოლებს უნდა ეკეთოთ ნიღბები და გამოიყენონ საინტაიზერები. თუმცა, ეს, მხოლოდ რეკომენდაციებია და მათი შეუსრულებლობა სანქციებს არ ითვალისწინებს.

სოხუმის "გაის" (სახელმწიფო ავტოინსპექციის) უფროსის ბატალ აგრბას თქმით, არსებობს რეგლამენტი, მაგრამ, მძღოლები ხშირ შემთხვევაში, არღვევენ მას, ხოლო მგზავრები კი უგულისყუროდ ეკიდებიან ამ რეკომენდაციებს. "ჩვენი მიზანია, მოსახლეობამდე მივიტანოთ და ავუხსნათ ყველას , რომ მოქალაქეებმა უნდა ატარონ პირბადეები, ასევე ხელთათმანები ან იქონიონ სანიტაიზერები, განსაკუთრებით, ავტობუსის, ტროლეიბუსის და სამარშრუტო ტაქსის მძღოლებმა", - აღნიშნა მან.

ყველაზე რთული სიტუაცია გაგრის რაიონშია, სადაც საკურორტო სეზონი გრძელდება, მთავარი სანიტარული ექიმის გენადი ზვანბაიას თქმით, აქ ყველაზე ხშირი კონტაქტი აქვს მოსახლეობას დამსვენებლებთან, შესაბამისად, ინფიცირების რისკიც უფრო მაღალია. ამასთან ერთად, ადგილობრივები, ხშირ შემთხვევაში მალავენ შეუძლოდ ყოფნის ფაქტებს და მხოლოდ უკიდურეს შემთხვევაში მიმართავენ სამედიცინო დაწესებულებას, ხოლო ჯანდაცვის სამინისტროს ცხელ ხაზზე თითქმის არ რეკავენ. "რაც შეიძლება მეტი ადამიანი უნდა გაიტესტოს, შემთხვევების გამოსავლენად. არ არის აუცილებელი, რომ სიცხემ აიწიოს 37.5-მდე, დაავადება უსიმპტომოდაც მიმდინარეობს. ადამიანს თუ უნდა, გადაიხდის და გაიტესტება. მეტწილად მალავენ, როდესაც უკვე სუნთქვის უკმარისობა ჩნდება და ადამიანის მდგომარეობა უარესდება, აი, მაშინ მოგვმართავენ. ძალიან ბევრი მალავს, თვითმკურნალობას მიმართავს, ისინი შედიან ინტერნეტში, იქ აღწერილია, რა მედიკამენტები რა ანტიბიოტიკები უნდა მიიღონ და ცდილობენ ინდივიდუალური მკურნალობა ჩაიტარონ", - ამბობს სპეციალისტი.

ბოლო მონაცემებით აფხაზეთში კორონავირუსის 2 500 - ზე მეტი შემთხვევაა დაფიქსირებული. 1100 ადამიანი გამოჯანმრთელდა, 23 პაციენტი გარდაიცვალა. გუდაუთის კოვიდ- ჰოსპიტალში, ამ ეტაპზე, 168 ადამიანი გადის მკურნალობის კურსს, მათგან 147- ს ვირუსი დაუდასტურდა, 18 მძიმე მდგომარეობაშია.


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.
Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 225 ადამიანი მკურნალობს, მათგან 8 პაციენტის ჯანმრთელობის მდგომარეობა მძიმეა.
უწყებათაშორისი საკოორდინაციო საბჭოს ინფორმაციით, გასულ 24 საათში ჩატარებული 4964 ტესტირებიდან გამოვლენილია კორონავირუსის 110 ახალი შემთხვევა, აქედან სამეგრელო - ზემო სვანეთში მხოლოდ 4 დაფიქსირდა.
სოხუმმა კორონავირუსით ინფიცირების 108 ახალი შემთხვევა დაადასტურა.
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
დღის სიახლეები
18 / იანვარი 2021
"ჩვენ უკვე მივმართეთ ხელისუფლებას თხოვნით, გარდა ამისა, იგეგმება სპეციალური ანგარიშის გახსნა დაზარალებულთა დასახმარებლად", - ამის შესახებ გალის რაიონის ე.წ. ადმინისტრაციის ხელმძღვანელმა კონსტანტინე ფილიამ განაცხადა.
18 / იანვარი 2021
ეპიდვითარების გაუარესების გამო, აფხაზეთის სახელმწიფო უნივერსიტეტში საგამოცდო სესიები 25 იანვრამდე გადაიდო. ამის შესახებ
18 / იანვარი 2021
ზუგდიდის მუნიციპალიტეტის მასშტაბით ქალაქის ყველა და სოფლების სკოლების ნაწილში სასწავლო პროცესი დისტანციურ რეჟიმში განახლდა. ამის შესახებ რადიო "ათინათს" საგანმანათლებლო რესურსცენტრის ხელმძღვანელის მოვალეობის შემსრულებელმა მამუკა ბულიამ უთხრა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 4 °C
img
სოხუმი 4 °C
img
ფოთი 5 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.