მულტიმედია
„ისე გვიყვება, ყველაფერს ვიგებთ“-დასამახსოვრებელი გაკვეთილები 24 წლის ზუგდიდელი მასწავლებლისგან (ვიდეო)
- ვის წინააღმდეგ მოქმედებდნენ ბოლშევიკები?

- საქართველოს დამოუკიდებელი რესპუბლიკის წინააღმდეგ.

- და აბა მითხარით ახლა, ვინ იყო პირველი რესპუბლიკის მთავარი მოკავშირე ევროპაში...

დაფაზე 1920 წლის 7 მაისის ხელშეკრულების შედეგები და საფრთხეებია ჩამოწერილი, სია მოსწავლეების პასუხების მიხედვით ივსება.

- რატომ ცდილობდა საბჭოთა რუსეთი საქართველოს შიგნით მტრულად განწყობილი ჯგუფების წაქეზებას? შევადაროთ მაშინდელი ვითარება თანამედროვე პერიოდს.

ეს უკვე კლასში მოსამზადებელი ჯგუფური დავალების თემაა. სოფელ დიდინეძის სკოლის ყველაზე ახალგაზრდა მასწავლებელი, 24 წლის ლევან შედანია, მეცხრე კლასელებს ასე საქართველოს დამოუკიდებლობის ისტორიას უხსნის.

„წინასწარ რეპეტიცია არ გამივლია, მაგრამ პირველი გაკვეთილზე რომ შემოვედი, ისე ვინერვიულე, ისიც კი არ მახსოვს, რომელ კლასელებთან შევედი. მახსოვს, შეკითხვებით დავიწყე და გამიკვირდა, რომ კარგად იცოდნენ ისტორია. ისე, ბავშვებმა კარგად იციან ისტორია, ნერვიულობისას ზოგჯერ თარიღი შემშლია და გაუსწორებიათ. არ გაპატიებენ ასეთ რამეს“.

ლევანი დიდინეძში ზუგდიდიდან დადის. სკოლაში მუშაობა წელს იანვრიდან დაიწყო და მეშვიდეს ზემოთ ყველა კლასს ასწავლის. საკუთარ თავს მკაცრს არ უწოდებს, თუმცა ფიქრობს, რომ მომთხოვნია. ყველაზე მეტად ის ახარებს, როდესაც ხედავს, რომ მისი ახსნილი გაკვეთილი ყველამ კარგად გაიგო. ამისთვის კი სხვადასხვა გზას პოულობს - ლევანის ისტორიის გაკვეთილებზე ხან დისკუსიაა, ხან დებატები, ხანაც კი ფილმების ჩვენება.

„ბავშვებს მოსწონთ დისკუსიები, დებატები. დაბალ კლასებს ჯგუფურ სამუშაოს ვაძლევ ხოლმე, რომ ერთმანეთთან ამ ფორმით იურთიერთონ. ხშირად ერთად ვუყურებთ ისტორიულ ფილმებს, რომ იქედან ინფორმაციის ამოღება, პარალელების გავლება შეძლონ ისტორიულ სინამდვილესა ან ფილმში აღწერილ ამბავს, პერსონაჟებს შორის“.

„ისე გვიხსნის, ყველაფერს ვიგებთ“, „ისე გვიყვება, გეგონება იმ დროში ხარ და ყველაფერს ხედავ“, „საგანიც შეგვაყვარა, თვითონაც ძალიან უყვარს და იმიტომ“, „ვმეგობრობთ და პატივს ვცემთ“, - გვეუბნებიან მეცხრეკლასელები, რომლებმაც დღეს საქართველოს პირველი რესპუბლიკის ისტორიაზე იმუშავეს.

სკოლის დირექტორი, ლარისა ქირია გვიყვება, რომ სკოლაში ისტორიის მასწავლებლის ვაკანსია მოულოდნელად გამოჩნდა. ლევანის კვალიფიკაცია თავიდანვე მოეწონათ, თუმცა არავის ეგონა, რომ სკოლის ყველაზე ახალგაზრდა პედაგოგი ასე მალე მოახერხებდა ბავშვებისთვის ისტორია შეეყვარებინა.

დიდინეძის სკოლაში 84 მოსწავლე და 22 მასწავლებელია. პედაგოგებიდან კაცი მხოლოდ სამია. ლევანი მიიჩნევს, რომ სტერეოტიპი, თითქოს მასწავლებლობა უმეტესად ქალების პროფესიაა, არასწორია და მისთვის ეს ბარიერი არასდროს ყოფილა.

„ეს პროფესია ბავშვობიდან მომწონს. ისტორია სკოლაშიც მიყვარდა, ამიტომ გადავწყვიტე ჩამებარებინა“, - ლევანი ახლა შოთა მესხიას სახელობის უნივერსიტეტში კვალიფიკაციას იმაღლებს და სექტემბერში უფროსი მასწავლებლის სტატუსს ელოდება.


Print Email
FaceBook Twitter
რ ე კ ლ ა მ ა
ტერაბანკში ანაბრებზე აქცია დაიწყო. აქციის ფარგლებში ბანკი მომხმარებლებს ყველაზე მაღალ სარგებელსა და თანხის საიმედოდ შენახვას სთავაზობს.
ზუგდიდის მუნიციპალიტეტში "კორონავირისის საპრევენციო ღონისძიებების ფარგლებში" სადეზინფექციო სამუშაოები გრძელდება.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი, მარიამ ქვრივიშვილთან ერთად ზუგდიდში ტურიზმის სექტორის წარმომადგენლებს შეხვდა.
კორონავირუსი
რუხის კლინიკაში მოთავსებულ კოვიდადასტურებულ ორ პაციენტს, სავარაუდოდ, თბილისში გადაიყვანენ. საავადმყოფოს კლინიკური
კორონავირუსის შემთხვევების გამო ხობის სოფელ პირველი მაისის საჯარო სკოლაში სასწავლო პროცესი დროებით შეჩერდა.
ზუგდიდის ინფექციური საავადმყოფოს ლაბორატორიაში რეგიონის მასშტაბით გამოკვლეული ნიმუშებიდან 58-ზე დადებითი პასუხია.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
ამავე კატეგორიაში
დღის სიახლეები
19 / ოქტომბერი 2020
სოხუმმა კორონავირუსით ინფიცირების 107 ახალი შემთხვევა დაადასტურა. გასული დღე-ღამის განმავლობაში Covid - 19-ზე სულ 372 პირი
19 / ოქტომბერი 2020
ფოთი-ხობის გზაზე, სოფელ გურიფულთან თხილით სავსე მიკროავტობუსი გაიტაცეს. არსებული ინფორმაციით, შეიარაღებული თავდასხმა
19 / ოქტომბერი 2020
სოხუმში სამხრეთის სამხედრო ოლქის  მობილური, მრავალპროფილიანი ჰოსპიტალის სამხედრო მოსამსახურეები ჩავიდნენ. ინფორმაციას აფხაზეთის დე ფაქტო რესპუბლიკის ჯანდაცვის სამინისტრო ავრცელებს.
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 17 °C
img
ფოთი 19 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.