ახალი ამბები
TI: სენაკში ტენდერებს მერის ბიძა და ბიძაშვილი იგებენ
სენაკის მერიის მიერ 2022 წლის მარტში გამოცხადებულ 5 ტენდერში, რომელთა ჯამური ღირებულება 2,614,550 ლარია, სენაკის მერის, ვახტანგ გადელიას ბიძის, დემურ გადელიას კომპანიამ, სს “არქეოპოლისმა” და ბიძაშვილის, იოსებ გადელიას კომპანიამ, შპს “ინდიკომ” უკონკურენტოდ გაიმარჯვეს. ამის შესახებ ინფორმაციას „საერთაშორისო გამჭვირვალობა - საქართველო“ ავრცელებს.

ორგანიზაციის მიერ გამოქვეყნებულ კვლევაში ვკითხულობთ, რომ ვახტანგ გადელია ადრე თავადაც მუშაობდა “არქეოპოლისში”.

ორგანიზაციაში მიიჩნევენ, რომ სატენდერო დოკუმენტაციისა და პირობების შესწავლა, ასევე აღნიშნულ შესყიდვათა პროცესი აჩენს ეჭვებს კონკრეტულ მიმწოდებლებზე პირობების მორგებასთან დაკავშირებით.

„სს “არქეოპოლისმა” სამ ტენდერში გაიმარჯვა და ქალაქ სენაკის ორ ქუჩაზე და ხუთი სოფლის სხვადასხვა დასახლებაში გზის საფარი უნდა აღადგინოს, შპს “ინდიკო” კი ორი ტენდერის გამარჯვებულია, მას სენაკში, სამხედრო დასახლებაში არსებული კორპუსების ეზოების კეთილმოწყობის, შიდა გზების რეაბილიტაციისა და მოედნის მოწყობის სამუშაოები აქვს შესასრულებელი. აღნიშნულ მომსახურებათა შესყიდვა სენაკის მერიამ თავდაპირველად 2022 წლის იანვარში სცადა, თუმცა მხოლოდ ორი ტენდერის მეშვეობით“, - აცხადებენ TI-ში

როგორც ცნობილი ხდება, მერიამ ვერცერთ კომპანიასთნა ხელშეკრულებები ვერ გააფორმა, რადგან ამისთვის საკრებულოს თანხმობა იყო საჭირო. სენაკის მუნიციპალიტეტის საკრებულოს კი სრულყოფილი ფუნქციონირება ამ დრომდე არ დაუწყია.

„შეწყვეტილ ტენდერებში როგორც სს “არქეოპოლისს”, ასევე შპს “ინდიკოს” კონკურენტი არ ჰყოლიათ, რაც სავარაუდოდ სატენდერო პირობებით განსაზღვრულმა მაღალმა ფინანსურმა მოთხოვნებმა განაპირობა - ერთ შემთხვევაში  შესყიდვაში მონაწილე პირს 2019 წლის პირველი იანვრიდან უნდა ჰქონოდა ანალოგიური სამუშაოების შესრულების გამოცდილება, რომელთა ჯამური ღირებულება არანაკლებ 7,877,300 ლარი უნდა ყოფილიყო. მეორე ტენდერის  შემთხვევაში კი, შესრულებული სამუშაოების ღირებულება არ უნდა ყოფილიყო 12,367,700 ლარზე ნაკლები“, - აღნიშნულია TI-ის მიერ გამოქვეყნებულ კვლევაში.


ამავე ინფორმაციით, სენაკის მერიამ ამჯერად 25 და 29 მარტს ორი შეწყვეტილი ტენდერის ნაცვლად ექვსი ახალი ტენდერი გამოაცხადა. ტენდერი, რომელშიც სს “არქეოპოლისი” გამოვლინდა გამარჯვებულად, ამჯერად 3 შესყიდვად დაიყო, ასევე 3 შესყიდვად დაიყო შპს “ინდიკოს” მიერ მოგებული ტენდერიც. ორგანიზაციაში ამბობენ, რომ ამ გზით მერიამ შეამცირა მომსახურებათა ღირებულება, რითაც თავიდან აირიდა ხელშეკრულების გაფორმებაზე საკრებულოს თანხმობის საჭიროება.

„სს “არქეოპოლისმა”, მონაწილეობა მიიღო და უკონკურენტოდ გაიმარჯვა იმ შესყიდვებში, რომლებშიც წინა ჯერზეც გამოვლინდა გამარჯვებულად, მის მიერ შეთავაზებული თანხის ჯამი კი თითქმის წინა, შეწყვეტილი ტენდერის იდენტურია - სხვაობა მხოლოდ 48 ლარს შეადგენს. რაც შეეხება შპს “ინდიკოს”, მან სამიდან ორ ტენდერში, უკონკურენტოდ გაიმარჯვა, მესამე შესყიდვის გამარჯვებულად (ასვე უკონკურენტოდ) კი პარტია “ქართული ოცნების” შემწირველი კომპანია შპს “მშენებელი” გამოვლინდა.

როგორც წინა ორ შემთხვევაში, ასევე ახალ ტენდერებზე სენაკის მერიამ ფინანსური გამოცდილების საკმაოდ მაღალი მოთხოვნები წამოაყენა, რამაც, ჩვენი შეფასებით, მნიშვნელოვნად შეზღუდა ბაზარზე მოქმედი სხვა ალტერნატიული მიმწოდებლები და კონკურენცია, რადგანაც ამ მოთხოვნებს სენაკსა და რეგიონში მოქმედი კომპანიების უმეტესობა ვერ აკმაყოფილებს.

სს “არქეოპოლისთან” დაკავშირებულია სენაკის მერიის ადმინისტრაციული სამსახურის უფროსი, ნანა ზარანდიაც - იგი 2019 წლის 8 თებერვლიდან 2020 წლის 12 ივნისამდე “არქეოპოლისის” დირექტორი იყო. ნანა ზარანდია ამავე დროს სენაკის მერიის სატენდერო კომისიის თავმჯდომარის მოადგილეცაა, როგორც წინა, შეწყვეტილი ორი შესყიდვის, ასევე ახალი ექვსივე შესყიდვის დოკუმენტებში ხელს აწერს, რომ არ აქვს ინტერესთა კონფლიქტი არც სს “არქეოპოლისთან” და არც შპს “ინდიკოსთან”.

ვახტანგ გადელიამ ხუთივე შესყიდვაზე აღნიშნა, რომ გააჩნია ინტერესთა კონფლიქტი როგორც შპს “ინდიკოსთან”, ასევე სს “არქეოპოლისთან” და ხელშეკრულებათა გაფორმებაზე უფლებამოსილება მერის პირველი მოადგილისთვის აქვს დელეგირებული. მიუხედავად ამისა, ზემოთ მოყვანილი გარემოებები აჩენს ეჭვებს პროცესის გამჭვირვალობასთან დაკავშირებით“, - აღნიშნავენ არასამთავრობო ორგანიზაციაში.

“საერთაშორისო გამჭვირვალობა-საქართველო” მოუწოდებს სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს სენაკის მერიის ტენდერებში სს “არქეოპოლისისა” და შპს “ინდიკოს” მონაწილეობის პროცესი და დაადგინოს, შეიცავს თუ არა კორუფციის შესაძლო ნიშნებს.

Print Email
FaceBook Twitter
რ ე კ ლ ა მ ა
ზუგდიდის და მესტიის მუნიციპალიტეტები კონკურსის "სუფთა რეგიონი 2021"-ის გამარჯვებულები არიან.
ქალთა ფონდი "სოხუმის" ორგანიზებით, საერთაშორისო ორგანიზაცია "პური მსოფლიოსათვის" (Brot für die Welt) მხარდაჭერით,
კოლხეთის ეროვნული პარკი, რომელიც ქალაქ ფოთს, სამეგრელოსა და გურიის სხვადასხვა მუნიციპალიტეტის დასახლებულ პუნქტებს ესაზღვრება, საერთაშორისო მნიშვნელობის დაცული ტერიტორიაა და გამოირჩევა უნიკალური ეკოსისტემების, ჰაბიტატებისა და სახეობების სიმრავლით.
კორონავირუსი
დე ფაქტო რესპუბლიკის ოპერატიული შტაბის ინფორმაციით, 2 მაისიდან 9 მაისის ჩათვლით აფხაზეთში კორონავირუსით ინფიცირების 15 ახალი შემთხვევა გამოვლინდა.
კორონავირუსის პანდემიის გავრცელებიდან დღემდე რეგიონის მასშტაბით ინფიცირების 111 998 შემთხვევა გამოვლინდა, დაავადებას ჯამში 920 ადამიანი ემსხვერპლა.
დე ფაქტო რესპუბლიკის ოპერატიული შტაბის ინფორმაციით, 26 აპრილიდან 2 მაისის ჩათვლით აფხაზეთში კორონავირუსით ინფიცირების მხოლოდ 3 შემთხვევა გამოვლინდა.
საზოგადოება

დღეიდან, პირბადეების გამოყენება სავალდებულო იქნება მხოლოდ სამედიცინო დაწესებულებებსა და საზოგადოებრივ ტრანსპორტში, – ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.

29 აპრილს დღის ბოლოდან 3 მაისამდე აღმოსავლეთ საქართველოში, ხოლო 1-2 მაისს დასავლეთ საქართველოში მოსალოდნელია დროგამოშვებით ხანმოკლე წვიმა და ელჭექი, ზოგან ძლიერი.
სკოლებში პირველ კლასში რეგისტრაციისა და სკოლაში ჩასარიცხად აუცილებელი დოკუმენტების წარდგენის ვადები შეიცვალა.
დღის სიახლეები
16 / მაისი 2022
ზუგდიდის ცენტრში ნიკა გვარამიას მხარდასაჭერად აქცია გაიმართა, რომელსაც ჟურნალისტებთან და არასამთავრობო ორგანიზაციების წარმომადგენლებთან ერთად რიგითი მოქალაქეებიც შეუერთდნენ.
16 / მაისი 2022
საქართველოს რკინიგზამ სამგზავრო მატარებლების მოძრაობის გრაფიკში ცვლილებები კიდევ ერთხელ შეიტანა.
16 / მაისი 2022
სოხუმში სურთ გაეროს კლიმატის ცვლილების ჩარჩო კონვენციას და პარიზის შეთანხმებას შეუერთდნენ. ამის შესახებ აფხაზეთის დე ფაქტო რესპუბლიკის საგარეო საქმეთა მინისტრმა ინალ არძინბამ 15 მაისს - კლიმატის საერთაშორისო დღეს
დილის ჩართვა
მთავარი საინფორმაციო გამოშვება
არქივი
«« მაისი 2022 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
ამინდი
ზუგდიდი 12 °C
img
სოხუმი 13 °C
img
ფოთი 16 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.