სტატია
ყინულის სახლის ტერიტორიის გაყიდვა - ზუგდიდის განვითარების შესაძლებლობა თუ საზოგადოების აზრის უგულებელყოფა (ვიდეო)

ზუგდიდის საკრებულოს უმრავლესობამ ოპოზიციის მხარდაჭერის გარეშე მიიღო გადაწყვეტილება, რომლის შედეგადაც სკეიტ პარკში, ტერიტორიის გარკვეული ნაწილი, სადაც ახლა ყინულის სასახლე დგას, საპრივატიზაციო ნუსხაში

შევიდა. შესაბამის ნებართვას საკრებულოს მერია თხოვდა. გადაწყვეტილების მიღებამდე სხდომაზე დამსწრე ზუგდიდელების ნაწილმა ფაქტი გააპროტესტა. მათ ამისთვის სხვადასხვა არგუმენტი ჰქონდათ. 

ალეკო ელისაშვილის სამოქალაქო მოძრაობის წევრმა როსტომ ზარანდიამ ჯერ სხდომაზე და მისი პროტესტის ნიშნად დატოვების შემდეგ ჟურნალისტებთან თქვა, რომ დარწმუნებული იყო საკრებულოს საკითხის მერიისთვის დადებითად გადაწყვეტაში. ის თანამოაზრეებთან ერთად ტერიტორიის გასხვისებამდე საჯარო განხილვის გამართვას ითხოვდა. 

„გვინდოდა, რომ საჯარო ყოფილიყო განხილვები და არა მხოლოდ საჯარო მოხელეების მონაწილეობით, მერე მივხვდით, რომ აზრი არ აქვს, რადგან „გეჭოფ წიე ხეს“ პრინციპით მისცემენ ხმას, დაარტყამენ ჩაქუჩს და მორჩა. კოლექტიურ „მურმან ნაჭყებიას“ ტაში დააკვრევინეს და მორჩა. ყინულის სახლს დავიცავ ფიზიკურად, როგორც ვაკის პარკი დაიცვეს თბილისელებმა სასტუმრო „ბუდაპეშტის“ აშენებისგან“, - თქვა ზარანდიამ. 

იმაში, რომ მათ არ მოუსმენდნენ, დარწმუნებული იყო ზუგდიდელი მარიკა თოდუაც. მისი შეფასებით, დღეს სხდომაზე უცხო არაფერი მომხდარა. რაც შეეხება სასტუმროს მშენებლობისთვის აღნიშნული ტერიტორიის გაყიდვას, თოდუას საკუთარი არგუმენტები აქვს. 

„დღეს არაფერი უცხო არ მომხდარა. მიჩვეულები ვართ, რომ არ გვისმენენ, არგუმენტებად არ მიიღებდნენ ჩვენს ნათქვამს. ჩემთვის ინვესტიციის შემოსვლა საინტერესოა, მაგრამ საკრებულოს ამდაგვარი დამოკიდებულება, რომ ინვესტორს ბევრი რამ დაევალებოდა, ყველაფერი განულებულია, მხოლოდ ტერიტორიის გაყიდვაზეა საუბარი. გარდა ამისა, როგორ შეიძლება გაასხვისო ეს ტერიტორია, როცა არ არსებობს დასკვნა ეროვნული მნიშვნელობის ძეგლის უსაფრთხოების დაცულობის შესახებ და არ ვიცით, რა ზიანი მიადგება მშენებლობით მას“, - აღნიშნა თოდუამ. 

მიწის გასხვისებაში კორუფციის ნიშნებს ხედავს ფრაქცია „ერთიანი ნაციონალური მოძრაობა“. ოპოზიციური ფრაქციის თავმჯდომარის, ანა წითლიძის თქმით, ზუგდიდის ახალმა მერმა საკუთარი ამომრჩეველი ამ გადაწყვეტილებით მოატყუა. მან სხდომა კენჭისყრამდე დატოვა.

„კიდევ ერთხელ მოატყუა ზუგდიდელები შენგელიამ, როცა პირდებოდა, რომ მათ დაუკითხავად არ მიიღებდა გადაწყვეტილებას. არანაირი აზრი ამ სხდომას არ ჰქონდა. მონური ერთსულოვნება ჩანს და გამოვხატეთ პოზიცია მოქალაქეებთან ერთად, სადაც კიდევ ერთხელ გამოჩნდა, რომ შენგელიამ მოატყუა ზუგდიდელები, როცა ამბობდა, არ გაიყიდებოდა მათი თანხმობის გარეშე. ეს შესაძლოა იყოს სავარაუდო კორუფციული გარიგება, რადგან კომპანია, რომელსაც აქ ტერიტორიის შეძენა სურს, „ქართული ოცნების“ შემომწირველია“, - დასძინა წითლიძემ. 

ბრალდებებს საკრებულოს თავმჯდომარემ და უმრავლესობის წევრებმა უპასუხეს. სხდომას დაესწრო მერის მოვალეობის შემსრულებელი მაიზერ ნანავაც, რომელმაც აღნიშნა, რომ ყინულის სახლის ტერიტორიაზე ბრენდული სასტუმროს მშენებლობა ზუგდიდის ევროპული მომავლისთვის მნიშვნელოვანია. 

ამავე აზრზეა მამუკა წოწერიაც. მისი განცხადებით, მათ საზოგადოების უმრავლესობის აზრი იციან, რაც ამ პროექტის მხარდაჭერას გულისხმობს. რაც შეეხება საჯარო განხილვებს, საკრებულოს თავმჯდომარემ განმარტა, რომ არაერთი საჯარო განხილვა მოეწყო, მათ შორის, მედიის საშუალებითაც. 

„ჩვენ დავუშვით პირველი პრეცენდენტი საჯარო განხილვისა მუნიციპალური ქონების გაყიდვასთან დაკავშირებით. არაერთი საჯარო განხილვა მოეწყო, აქედან გამომდინარე, გვქონდა საფუძველი, შეხვედრებიდან გამომდინარე, უმეტესობის მხარდაჭერით ასეთი გადაწყვეტილება მიგვეღო. ჩვენი შინაგანი რწმენით ვთვლით, რომ ეს იქნება უმნიშვნელოვანესი ფაქტორი, დადიანების კომპლექსთან და განახლებულ ინფრასტრუქტურასთან ერთად ჩვენი მუნიციპალიტეტის განვითარებისთვის. ამით ჩვენ შესაბამისობაში ვართ მოსახლეობის განწყობილებასთან. რაც შეება პირობებს, კომპანია m2-თან შეხვედრების შედეგად იყო განწყობა, რომ თუ გადაეცემოდა სიმბოლურ ფასად მათ ეს ტერიტორია იღებდნენ ვალდებულებებს ყინულის სახლისა და პროფესიული კოლეჯის აღდგენის შესახებ, თუმცა, ვფიქრობთ, რომ წავედით უკეთესი სცენარით, როგორც სასტუმროს განაშენიანების ადგილის თვალსაზრისით, ასევე, ტერიტორიის საბაზრო ფასების შეფასების კუთხითაც“, - თქვა წოწერიამ. 

ჯერჯერობით, უცნობია, როდის გაიტანს მერია აუქციონზე ტერიტორიას, რომლის საწყისი ფასი 7 მილიონ 233 ათას ლარზე მეტია. ამ ეტაპზე მხოლოდ ისაა ცნობილი, რომ ამ დრომდე აღნიშნულ ადგილას სასტუმროს გაშენება კომპანია m2-ს სურდა, რომელიც პროექტის შედეგად 25 მილიონი ლარის ინვესტიციის განხორციელებას, ყინულის სახლის საკუთარი ხარჯებით გადატანასა და პროფესიული კოლეჯის აღდგენას გეგმავდა.  ახალი საინვესტიციო პირობებით კი ყინულის სახლს მერია საკუთარი ხარჯებით თავად გადაიიტანს ბენდელიანის ქუჩაზე, ყოფილი „კომკავშირის პარკის“ ტერიტორიაზე.



ფოტო: ვალერა ჟვანია

 

Print Email
FaceBook Twitter
რ ე კ ლ ა მ ა
რაზე ისაუბრეს პროექტის - "მოწყვლადი ჯგუფების ხმა საარჩევნო დისკურსში" ფარგლებში ზუგდიდის მაჟორიტარი დეპუტატობის კანდიდატებთან გამართულ დებატებზე?
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
კორონავირუსი
აბაშის "ევექსის" ჰოსპიტალის ბაზაზე კოვიდმიმღები კლინიკა გაიხსნება. ინფორმაციას აბაშის მერია ავრცელებს. ამავე ცნობით, საავადმყოფო, რომელიც 28 საწოლზეა გათვლილი,
რუხის საავადმყოფოში ჟანგბადის წარმომქმნელი ორი აგრეგატი დამონტაჟდა. ამის შესახებ ჟურნალისტებს საავადმყოფოს კლინიკურმა მენეჯერმა ნინო აკობიამ უთხრა.მისივე ინფორმაციით სამედიცინო დაწესებულებას აღნიშნული
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 3 216 ახალი დადასტურებული შემთხვევა, გამოჯანმრთელდა 3 937 პირი,
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
ამავე კატეგორიაში
დღის სიახლეები
30 / ნოემბერი 2020
თბილისის საქალაქო სასამართლომ ზუგდიდელი გუკა ბაძაღუა უდანაშაულოდ ცნო. გამოძიება მას მძიმე დანაშაულის შეუტყობინებლობას ედავებოდა.
30 / ნოემბერი 2020
აბაშის "ევექსის" ჰოსპიტალის ბაზაზე კოვიდმიმღები კლინიკა გაიხსნება. ინფორმაციას აბაშის მერია ავრცელებს. ამავე ცნობით, საავადმყოფო, რომელიც 28 საწოლზეა გათვლილი,
30 / ნოემბერი 2020
ხობის სოფელ პირველი მაისის საჯარო სკოლის მოსწავლეებმა და პედაგოგებმა ყოფილი დირექტორის თანამდებობიდან გათავისუფლება გააპროტესტეს.
მთავარი საინფორმაციო გამოშვება
ჩვენი თვითმმართველობა
არქივი
«« დეკემბერი 2020 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 8 °C
img
სოხუმი 5 °C
img
ფოთი 8 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.