სტატია
ზუგდიდელი მასწავლებელი კურსდამთავრებულებზე: ზოგიერთის სახელის ხსენება მზარავს
პირველი საჯარო სკოლის ერთ-ერთმა პედაგოგმა სოციალურ ქსელში 2020 წლის კურსდამთავრებულებს სიძულვილის ენის შემცველი პოსტი მიუძღვნა. მასწავლებელი წლევანდელი გამოშვების მოსწავლეებს ემშვიდობება და როგორც ამბობს, უხარია, რომ ახალ სასწავლო წელს მათ გარეშე შეხვდება. მას ფავორიტი მოსწავლეებიც ჰყავს, ზოგიერთის სახელი და გვარის ხსენება კი ზარავს. 

"ჩემთვის 26-ე გამოშვება. უცნაური დღევანდელი მდგომარეობის გამო და არა მხოლოდ. არ ირეკება ბოლო ზარი, არ ვწერთ კეთილ სურვილებს მოხატულ პერანგებზე, რაც ყოველთვის გულისამაჩუყებელი იყო და ცრემლებს მგვრიდა. დღეს ეს განცდა არ მაქვს. პირიქით, ვფიქრობ და მიხარია, რომ მომავალ სასწავლო წელს მათ გარეშე შევხვდები! (რა თქმა უნდა დიდ უმრავლესობას ერ ეხება), ზოგიერთი მათგანის სახელი და გვარის ხსენებაც მზარავს. თუმცა მყავს ფავორიტებიც. თუ 18 წლის არ ვარგიხარ, ვერც 78-ის ივარგებ. თქვენ უკვე ხართ 18 წლის, ხართ კარგი ადამიანები, კაცური კაცები. თქვენ იცით, რომ პირველ რიგში ეს არის მთავარი. თქვენ შეგიძლიათ თავაწეულებმა იაროთ ცხოვრებაში, სიკეთე და ბედნიერება მოუტანოთ თქვენს ირგვლივ მყოფ ადამიანებს. იარეთ, იარეთ, იარეთ, ამინ!", - წერს მასწავლებელი. 

პოსტმა სოციალური ქსელის მომხმარებლებსა და კურსდამთავრებულებში აღშფოთება გამოიწვია, თუმცა მოსწავლეებს ამ საკითხზე მედიასთან საუბარი არ სურთ.

არასამთავრობო ორგანიზაცია "ნეოგენის" წარმომადგენელი ცირა კაკუბავა მასწავლებლების მხრიდან მოსწავლეების შერჩევითობის ფაქტორს უსვამს ხაზს და მიიჩნევს, რომ აღნიშნულთან დაკავშირებით აუცილებელია საჯარო შეხვედრის ორგანიზება, სადაც რესურს ცენტრის ხელმძღვანელს, სკოლის დირექტორებს, მასწავლებლებს, მოსწავლეებსა და სამოქალაქო სექტორის წარმომადგენლებს პრობლემასა და მისი გადაჭრის გზებზე ღია საუბარი შეეძლებათ. კაკუბავას ინიციატივას მოქალაქეები და მშობლები ემხრობიან და თემაზე დისკუსიის გამართვას დადებითად მიიჩნევენ.

ამ დროისთვის პედაგოგის პოსტი ფეისბუქის გვერდზე არ იძებნება. უფრო მეტიც, როგორც #1 საჯარო სკოლის დირექტორმა გვითხრა, თანამშრომელს სტატუსი მან ააღებინა. ნინო გოგინავა კატეგორიულად ემიჯნება მოსწავლეების მიმართ დამოკიდებულების ასეთ გამოხატვას და ამბობს, რომ მასწავლებლის საქციელი არანაირ ეთიკურ ჩარჩოში არ ჯდება.

"ჩვენი მხრიდან მყისიერი რეაგირება მოჰყვა და მასწავლებელმა პოსტი აიღო, მაგრამ ამას არ აქვს ამ შემთხვევაში არანაირი მნიშვნელობა. სიტყვა უკვე გაცხადებული იყო, რაც ვფიქრობ, რომ არანაირ ჩარჩოში არ ჯდება, უდაოდ დარღვეულია ყველა ეთიკა, ამას ვაღიარებ. უბრალოდ ძალიან გაკვირვებული და განცვიფრებული ვარ, რომ ასე წარიმართა მოვლენები. ბოლო ზარის დღეს, არ ვიცი რა გითხრათ...", - თქვა გოგინავამ.

​რადიო "ათინათის" კითხვაზეთუ რას შეიძლებოდა გამოეწვია მასწავლებლის მხრიდან მსგავსი შინაარსის სტატუსის გამოქვეყნება, გოგინავა ამბობს, რომ ამას საფუძველი ჰქონდა, თუმცა კიდევ ერთხელ აღნიშნავს, რომ მასწავლებელს პოსტი არ უნდა დაეწერა.

"საფუძველი ჰქონდა, რა თქმა უნდა ჰქონდა, მაგრამ ეს დარეგულირდა მაშინ. გათვალისწინებულ იქნა მოსწავლეების ინტერესი, ყველას მოუსმინეს და გაიზიარეს მოსწავლეების მოსაზრება, მშვიდობიანი მსვლელობა მიეცა ყველაფერს. კი, პასუხისმგებელი არის დირექტორი იმაზე, რაც ხდება სკოლაში, მის გარეთ, მაგრამ სოც ქსელში მასწავლებელი თუ ამას იზამდა, ამას დაწერდა, ვერანაირად ვერ წარმოვიდგენდი. ყველაფერი გადაჩრდილა ამ კოშმარულმა, არანაირ ჩარჩოში რომ არ ჯდება ისეთმა პოსტმა", - ამბობს გოგინავა. 

დირექტორის განმარტებით, ზუგდიდის პირველი საჯარო სკოლის მასწავლებლის სოციალურ ქსელში გამოქვეყნებულ პოსტს, სამეურვეო საბჭო და დისციპლინური კომიტეტი განიხილავენ და შესაბამის გადაწყვეტილებას მიიღებენ. 

მასალაზე მუშაობისას რადიო „ათინათმა“ პედაგოგთან დაკავშირება რამდენჯერმე სცადა, თუმცა მის ნომერზე ზარებს მამაკაცმა უპასუხა. მიუხედავად ჩვენი განმარტებისა, თუ რა საკითხზე ვუკავშირდებოდით, მან გვიპასუხა, რომ რამდენჯერაც არ უნდა დაგვერეკა, დღეიდან აღნიშნულ ნომერზე მხოლოდ ის გვიპასუხებდა.

იმ შემთხვევაში, თუ პირველი სკოლის მასწავლებელი განმარტებების ან განცხადების გაკეთებას მოისურვებს, „ათინათი“ მზად არის მას კიდევ ერთხელ დაუკავშირდეს.
Print Email
FaceBook Twitter
რ ე კ ლ ა მ ა
საქართველოს ადგილობრივ თვითმმართველობათა ეროვნულმა ასოციაციამ, ევროკავშირის პროექტის - „ეფექტიანობის და განვითარების ქსელი (N4ED)“ ფარგლებში,
ონლაინშოპინგის მოყვარულებისთვის ტერაბანკმა და vendoo.ge-მ ერთობლივი აქცია დაიწყეს. აქციის ფარგლებში, ნებისმიერი მომხმარებელი, რომელიც სასურველ ნივთს vendoo.ge-ზე ტერაბანკის სწრაფი და მარტივი ონლაინგანვადებით შეიძენს, 20%-იანი, მაქსიმუმ 100 -ლარიანი ფასდაკლებით ისარგებლებს.
ზუგდიდის მუნიციპალიტეტის მერმა გიორგი შენგელიამ, წარმატებულ პედაგოგებს ლელა ბულიასა და მაყვალა სოსელიას მადლობის სიგელი და სიმბოლური საჩუქრები გადასცა.
კორონავირუსი
ბოლო 24 საათში ქვეყნის მასშტაბით ჩატარდა 27 384 კვლევა ტესტით, მათ შორის 15 341 კვლევა ანტიგენის ტესტით და 12 043 PCR ტესტით. სულ გამოვლინდა ინფიცირების 1 547 ახალი შემთხვევა,
სამეგრელოს კოვიდმიმღებ კლინიკებში ბოლო მონაცემებით 272 ადამიანი მკურნალობს. მძიმეა 21 პაციენტის ჯანმრთელობის მდგომარეობა,
გასული დღე ღამის განმავლობაში რეგიონის მასშტაბით კორონავირუსით კიდევ 2 ადამიანი გარდაიცვალა. სამხარეო ადმინისტრაციის ინფორმაციით,
საზოგადოება
დღეს მართლმადიდებელი სამყარო უფლის აღდგომის
საქართველოში აშშ-ს ელჩმა კელი დეგნანმა, ზუგდიდში სტუმრობისას, რადიო "ათინათს" ინტერვიუ მისცა. მან ისაუბრა სამეგრელო-ზემო სვანეთში თავისი ამჟამინდელი ვიზიტის მიზნებზე, იმაზე, თუ რა მიმართულებებით გააგრძელებს ამერიკის მთავრობა რეგიონის მხარდაჭერას.
წალენჯიხის #3 საჯარო სკოლის მოსწავლეებმა "დედა ენის" დღესთან დაკავშირებით ნახატები გამოფინეს.
ამავე კატეგორიაში
დღის სიახლეები
08 / მაისი 2021
ბოლო 24 საათში ქვეყნის მასშტაბით ჩატარდა 27 384 კვლევა ტესტით, მათ შორის 15 341 კვლევა ანტიგენის ტესტით და 12 043 PCR ტესტით. სულ გამოვლინდა ინფიცირების 1 547 ახალი შემთხვევა,
08 / მაისი 2021
სამეგრელოს კოვიდმიმღებ კლინიკებში ბოლო მონაცემებით 272 ადამიანი მკურნალობს. მძიმეა 21 პაციენტის ჯანმრთელობის მდგომარეობა,
08 / მაისი 2021
გასული დღე ღამის განმავლობაში რეგიონის მასშტაბით კორონავირუსით კიდევ 2 ადამიანი გარდაიცვალა. სამხარეო ადმინისტრაციის ინფორმაციით,
გემრიელი ისტორიები
მთავარი საინფორმაციო გამოშვება
არქივი
«« მაისი 2021 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 17 °C
img
სოხუმი 16 °C
img
ფოთი 16 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.