სახელმწიფო მინისტრის აპარატისა და წითელი ჯვრის საერთაშორისო კომიტეტის თანამშრომლობით, ქართველი და აფხაზი მონაწილეებისგან შემდგარი საკოორდინაციო მექანიზმის ფარგლებში, აფხაზეთის ომის დროს უგზო-უკვლოდ დაკარგული ექვსი პირის იდენტიფიცირება და ოჯახებისთვის დაბრუნება მოხერხდა. მათგან ხუთი სამხედრო და ერთი მშვიდობიანი მოქალაქეა. ამის შესახებ ინფორმაციას „შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი ავრცელებს.

ზუგდიდის სოფელ დარჩელში პოლიციის თანამშრომელი ახალგაზრდა კაცს დაეჯახა. დაშავებულის მდგომარეობა მძიმეა. მას ზუგდიდის რეფერალურ ჰოსპიტალში თავის ტვინის ნეიროქირურგიული ოპერაცია ჩაუტარდა და ამჟამად რეანიმაციულ განყოფილებაშია მოთავსებული. ამის შესახებ რადიო „ათინათს“ დაშავებულის ნათესავმა მაია კალანდიამ უთხრა.

შინაგან საქმეთა სამინისტროს ცენტრალური კრიმინალური პოლიციის, სამეგრელო-ზემო სვანეთისა და სხვა რეგიონების დეპარტამენტების თანამშრომლებმა ბოლო პერიოდში ჩატარებული საგამოძიებო მოქმედებების შედეგად, ნარკოდანაშაულის ბრალდებით 23 პირი დააკავეს. მათ შორის 14 ნარკორეალიზატორია. ამის შესახებ ინფორმაციას სამინისტრო საკუთარ ვებ გვერდზე აქვეყნებს.

სოციალური სამართლიანობის ცენტრი (SJC) ქართული ოცნების მიერ 24 თებერვალს დაინიციირებული მაუწყებლობის შესახებ საქართველოს კანონში ცვლილებებს აფასებს და აცხადებს, რომ არსებითად ეწინააღმდეგება ადამიანის უფლებათა საერთაშორისო სამართლით და საქართველოს კონსტიტუციით განმტკიცებულ ფუნდამენტურ უფლებებს.