რამზან კადიროვი თვლის, რომ დოკუ უმაროვის მუქარას ყურადღება არ უნდა მიაქციონ, რადგან ეს მხოლოდ სიტყვებია და მეტი არაფერი. ჩეჩენი სეპარატისტის დოკუ უმაროვის მუქარის პასუხად, რომელმაც თავის მოკავშირეებს 2014 წლის სოჭის ოლიმპიადის ჩაშლისკენ მოუწოდა, ჩეჩნეთის ლიდერმა რამზან კადიროვმა განაცხადა, რომ "შაითანი უმაროვი", ოლიმპიადის დაწყებამდე განადგურდება. "ჩვენ მას ყოველ დღე ვეძებთ, თუმცა ის ჯერ არსად ჩანს", - განუცხადა ჟურნლისტებს კადიროვმა. მან ასევე დასძინა, რომ დოკუ უმაროვი, მხოლოდ ინსტრუმენტია რუსეთის „დასავლური, ევროპელი„ მტრების ხელში, რომელთაც არ აწყობთ სოჭში ოლიმპიადის ჩატარება. კადიროვმა ასევე განაცხადა, რომ რომ დოკუ უმაროვი პირველ რიგში მუსულმანების, შემდეგ კი კაცობრიობის მტერია. უმაროვის ვიდეო–მიმართვა ოთხშაბათს, ჩეჩენი ბოევიკების ერთ–ერთ საიტზე განთავსდა. ვიდეო ჩანაწერის ორიგინალურობა ჯერ არ არის დადასტურებული.