ახალი ამბები
აფხაზეთში წვიმამ ხანძრები ჩააქრო - დე ფაქტო რესპუბლიკის საგანგებო
წვიმა წამოვიდა და ხანძრები საბოლოოდ ჩაქრა , - ამის შესახებ აფხაზეთის დე ფაქტო რესპუბლიკის საგანგებო სიტუაციების სამინისტროს პრესსახურის უფროსმა რომან ლაბიამ "აიაირას" განუცხადა.

ამავე ინფორმაციით, მანამდე "მინისტრმა" ლევ კვიცინიამ ვერტმფრენით გააკონტროლა ხანძრის კერები სოხუმიდან ფსოუმდე და აღნიშნა, რომ სიტუაცია ხანძრებთან დაკავშირებით მოსახლეობას საფრთხე არ უქმნის.

ლაბიას ინფორმაციით, 10 იანვარს ხანძრის ახალი კერები გაჩნდა ოჩამჩირის რაიონშიც, თუმცა, ამ დროისთვის ისინიც ჩამქრალია. მისივე ცნობით, ცეცხლის გავრცელების ფართობი, ჯერჯერობით არ არის დადგენილი.

საქართველოს ხელისუფლებამ არაერთხელ შეთავაზა აფხაზურ მხარეს და მოსახლეობას სტიქიასთან ბრძოლაში დახმარება, ამის შესახებ განცხადება შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმაც გააკეთა. სოხუმში განაცხადეს, რომ მათ ხანძრების ქრობაში თბილისის დახმარება არ სჭირდებათ. ამის შესახებ ინტერნეტ გამოცემა "სოვას" აფხაზეთის დე ფაქტო რესპუბლიკის უსაფრთხოების საბჭოს მდივანმა სერგეი შამბამ უთხრა.

"ამის საჭიროება არ დგას. ჩვენი სამსახურები თავს ართმევენ", - აღნიშნა პოლიტიკოსმა.

გაგრის მიდამოებში ხანძრის კერები ერთი 4 იანვარს გაჩნდა. 6 იანვარს ცეცხლმა ფსოუ - ინგურის ტრასის მიმართულებით გადაინაცვლა და ქვის ცვენა გამოიწვია. შემდეგ, სიტუაცია გართულდა, ცეცხლი დასახლებულ ტერიტორიას მიუახლოვდა. აფხაზეთის დე ფაქტო რესპუბლიკის საგანგებო სიტუაციების სამსახურის მონაცემებით, გაგრის რაიონში ხანძარი დაახლოებით 250 ჰექტარზე იყო გავრცელებული. საფრთხე ემუქრებოდა 40 საცხოვრებელ სახლს, ორ სანატორიუმსა და 2 სასტუმროს. ბგანბას ინფორმაციით, ხანძრის კერა 10 იანვარს მამზიშხაზეც გაჩნდა.

მანამდე ცეცხლის კერები გალის, გაგრის, გუდაუთისა და ოჩამჩირის რაიონებში დაფიქსირდა. მათგან, ყველაზე ძლიერი გალის რაიონში იყო, სადაც, გავრცელებული ინფორმაციით, ხანძარი 9 სოფლის ტერიტორიაზე გავრცელდა და დაიწვა სამი სახლი.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 17 °C
img
ფოთი 17 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.