ახალი ამბები
ბალდაში ოქროჯანაშვილის მღვიმის განვითარების პროექტის განხორციელება 2024 წლიდან დაიწყება - სააგენტო
დაცული ტერიტორიების სააგენტო, ჩეხეთის განვითარების სააგენტოს მხარდაჭერით, მუშაობას იწყებს მარტვილის მუნიციპალიტეტში, სოფელ ბალდაში არსებული არსენ ოქროჯანაშვილის მღვიმის განვითარების პროექტზე. ამის შესახებ რადიო "ათინათთან" დაცული ტერიტორიების სააგენტოს თავმჯდომარის მოადგილემ თამარ ხახიაშვილმა ისაუბრა. ოქროჯანაშვილის მღვიმესთან დაკავშირებით, დაცული ტერიტორიების სააგენტოში, მხარეებს შორის შეხვედრა 15 მარტს გაიმართა.

თამარ ხახიაშვილის ინფორმაციით, პროექტის პირველი ეტაპი, რომლის განხორციელებაც 2024 წლიდან დაიწყება, მღვიმის სრულ შესწავლას ითვალისწინებს. მეორე ეტაპი კი მიმდებარე ტერიტორიაზე შესაბამისი ინფრასტრუქტურის მოწყობას და მღვიმის დიზაინის დაგეგმვას ითვალისწინებს.

"გამომდინარე იქიდან, რომ მღვიმე საკმაოდ მიუდგომელია, მისი ძირეული შესწავლა არ განხორციელებულა. ჩვენ, ჯერჯერობით, არ გვაქვს ინფორმაცია, თუ რამდენად უსაფრთხოა მღვიმეში შესვლა. პირველ ეტაპზე უნდა დადგინდეს მისი ჰიდროლოგიური და გეოლოგიური მონაცემები. ჩეხ პარტნიორებთან ერთად 2024 წლიდან დავიწყებთ აქტიურ კვლევებს, მათ შორის სეისმოლოგიურს. შესაბამისი კვლევების განხორციელების შემდეგ, მეორე ეტაპზე დაგეგმარება და დიზაინის მოწყობაა გათვალისწინებული. სპეციალური აღჭურვილობის გარეშე არ არის მღვიმეში შესვლა რეკომენდებული, თუმცა საზოგადოების ინტერესი უკვე არსებობს და ვფიქრობ, რომ ოქროჯანაშვილის მღვიმეს აქვს კარგი ტურისტული პოტენციალი. მისი განვითარების შემდეგ, ვფიქრობთ, რომ მარტვილის კანიონის და პრომეთეს მღვიმის შემდეგ ის გახდება მნიშვნელოვანი ტურისტული ატრაქცია,"- უთხრა რადიო "ათინათს" დაცული ტერიტორიების სააგენტოს თავმჯდომარის მოადგილემ თამარ ხახიაშვილმა.

დაცული ტერიტორიების სააგენტოსა და ჩეხეთის მთავრობას შორის მოლაპარაკებები აღნიშნულ პროექტთან დაკავშირებით 2019 წელს დაიწყო. არსენ ოქროჯანაშვილის მღვიმის განვითარებისა და მისი პოტენციალის შესწავლის მიზნით, პარტნიორმა ქვეყანამ 500 000 ევროს ოდენობით გრანტი გამოყო. თუმცა პროექტის განხორციელება პანდემიის გამო დროებით შეჩერდა. მიმდინარე წელს კი პროექტზე მუშაობა დაცული ტერიტორიების სააგენტომ აქტიურად განაახლა.
Print Email
FaceBook Twitter
დაფინანსებული
პირველად საქართველოში, კავკასიისა და შავი ზღვის რეგიონში, შეიქმნა პროსტატის დაავადებათა მკურნალობისა და აღდგენითი თერაპიის ცენტრები, რომლებიც ფუნქციონირებს ზუგდიდში, თბილისში, ბათუმში, ქუთაისსა და თელავში.
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
ამავე კატეგორიაში
დღის სიახლეები
01 / მარტი 2024
დღეიდან, 1-ლი მარტიდან, საქართველოს დაცულ ტერიტორიებზე შესასვლელი ბილეთის ფასები შეიცვალა.
01 / მარტი 2024
აფხაზეთის თვითგამოცხადებული რესპუბლიკის ხელისუფლება მოქალაქეებს დასაქმებას სთავაზობს სოხუმის აეროპორტში, რომლის ამოქმედება რუსი ინვესტორის დახმარებით იგეგმება.
01 / მარტი 2024
საქართველოში უმაღლეს საგანმანათლებლო დაწესებულებებს, უკვე არსებულ პროგრამებთან ერთად, ბიზნესის ადმინისტრირების მიმართულებით ბაკალავრიატის 3 წლიანი (არანაკლებ 180-კრედიტიანი) პროგრამა ექნებათ.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 13 °C
img
სოხუმი 14 °C
img
ფოთი 13 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.