ახალი ამბები
ბადრი ესებუამ სასამართლო პროცესზე დასწრებაზე უარი განაცხადა
"საქართველოს ბანკზე" თავდასხმაში ბრალდებულ ბადრი ესებუას დღეს სასამართლო პროცესზე დასწრება არ სურს. შესაბამისი განცხადებით ბადრაგის სამსახურმა სასამართლოს მიმართა. განცხადებაში ნათქვამია, რომ ესებუას მიზეზები არ განუმარტავს.

სხდომაზე დაცვის მხარემ სასამართლოს მიმართა, რომ პროცესი გადაედო, რადგან უფლებადამცველებს ესებუას მიერ სხდომაზე გამოუცხადებლობის მიზეზი არ იციან და სურთ გაიგონ, რატომ არ სურს ბრალდებულს სხდომაზე დასწრება.

შუამდგომლობას დაეთანხმა ბრალდების მხარეც.

მოსამართლე ეკატერინე ბებიამ კი განმარტა, რომ ვინაიდან ესებუას თავად არ სურს პროცესში მონაწილეობა, სხდომის გადადების საფუძველი არ არსებობს.

დღევანდელ პროცესზე ბრალდების მხარის მოწმეების გამოკითხვა და მტკიცებულებების გამოკვლევა გრძელდება.

2020 წლის 21 ოქტომბერს, დაახლოებით, 14:15 წთ-ზე შეიარაღებული და სამხედრო ფორმაში გამოწყობილი მამაკაცი ზუგდიდში, გამსახურდიას ქუჩაზე მდებარე ბანკის ფილიალში შეიჭრა და მძევლები აიყვანა. ის ნახევარ მილიონს დოლარს ითხოვდა. სპეცოპერაცია მძევლების გასათავისუფლებლად, თითქმის, 7 საათის განმავლობაში მიმდინარეობდა. მასთან მოლაპარაკებებს სამეგრელო-ზემო სვანეთის სამხარეო პოლიციის უფროსი ავთანდილ გალდავა აწარმოებდა. საბოლოოდ, თავდამსხმელმა გალდავასთან და სამ მძევალთან ერთად შენობა დატოვა და პოლიციის პიკაპის ტიპის ავტომანქანით გაურკვეველი მიმართულებით წავიდა. მოგვიანებით, როგორც მძევლები ჰყვებიან, მამაკაცმა ისინი ჩხოროწყუს სოფელ კირცხის ტყეში დატოვა და თავად ფულთან ერთად გაუჩინარდა.

გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.


ამავე თემაზე:

იარაღის შეძენა-შენახვა-ტარებისისთვის ბადრი ესებუას განაჩენი, სავარაუდოდ, მომავალ კვირაში გამოცხადდება

მოწმე ბადრი ესებუაზე: „ჩემს თვალში ცხოველი ზის აქ“

ბადრი ესებუა ავთო გალდავას - მინდა მოგილოცოთ ჩემი დაკავება

"გვითხრა, რომ თანხის ნაწილი დახარჯა, ნაწილი კი დაკარგა" - დეტექტივი ბადრი ესებუას შესახებ
Print Email
FaceBook Twitter
დაფინანსებული
პირველად საქართველოში, კავკასიისა და შავი ზღვის რეგიონში, შეიქმნა პროსტატის დაავადებათა მკურნალობისა და აღდგენითი თერაპიის ცენტრები, რომლებიც ფუნქციონირებს ზუგდიდში, თბილისში, ბათუმში, ქუთაისსა და თელავში.
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
ამავე კატეგორიაში
დღის სიახლეები
01 / მარტი 2024
აფხაზეთის თვითგამოცხადებული რესპუბლიკის ხელისუფლება მოქალაქეებს დასაქმებას სთავაზობს სოხუმის აეროპორტში, რომლის ამოქმედება რუსი ინვესტორის დახმარებით იგეგმება.
01 / მარტი 2024
საქართველოში უმაღლეს საგანმანათლებლო დაწესებულებებს, უკვე არსებულ პროგრამებთან ერთად, ბიზნესის ადმინისტრირების მიმართულებით ბაკალავრიატის 3 წლიანი (არანაკლებ 180-კრედიტიანი) პროგრამა ექნებათ.
01 / მარტი 2024
თეთნულზდზე 1-7 მარტს ფრირაიდის მსოფლიო ტური ჩატარდება.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 14 °C
img
სოხუმი 11 °C
img
ფოთი 11 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.