გალში სავაჭრო ობიექტის და ერთი - ერთი აფთიაქის შემოწმების შედეგად, დე ფაქტო რესპუბლიკის „სახელმწიფო საბაჟო კომიტეტის“ თანამშრომლებმა, გამოავლინეს პროდუქცია, რომელიც „აფხაზეთში საბაჟო წესების დარღვევით" შევიდა წერს „გალმედია“.

ამავე ცნობით, სავაჭრო ობიექტიდან 257 ერთეული ორთოპედიული ნაწარმი, ხოლო სააფთიაქო პუნქტიდან 263 სამედიცინო პრეპარატი ამოიღეს, მათგან 34-ს ქართული მარკირება ჰქონდა.

გამოცემის თანახმად, "ფაქტთან დაკავშირებით, თავმოყრილი მასალა გადაიგზავნა რაიონულ სასამართლოში კანონის შესაბამისი გადაწყვეტილების მისაღებად“.