წალენჯიხაში სტიქიის შედეგებს ებრძვიან. ძლიერი ქარი იყო როგორც ქალაქში, ასევე სოფლებში, მათ შორის ეწერში, ობუჯიში და ნაკიფუში. ამის შესახებ რადიო "ათინათს" წალენჯიხის მერის მოადგილემ თამარ ბელქანიამ უთხრა.

მისი ინფორმაციით, დაზიანებულია საცხოვრებელი სახლების სახურავები.

"რთული მდგომარეობაა წალენჯიხაში, მათ შორის ქალაქში, ობუჯში და ეწერში. რამდენიმე ადგილზე მრავალწლიანი ხეები ფესვიანად მოგლეჯილია და, თითქმის, ყოველ მე-3, მე-4 სახლს, რომელსაც არ ჰქონდა ახალი სახურავი, ძლიერმა ქარმა ყველა მათგანს გადახადა. რაც შეეხება ელექტროენერგიას, ამ ეტაპზე მიეწოდება მუნიციპალიტეტს, გუშინ კი პარალიზებული იყო მთელი მუნიციპალიტეტი", - თქვა ბელქანიამ.

როგორც ის ამბობს, ზარალს შესაბამისი სამსახურები ეცნობიან და მას სპეციალური კომისია დაითვლის.

შეგახსენებთ, სამეგრელოში გუშინ ძლიერმა ქარმა პროებლემები შექმნა. ქალაქებსა და სოფლებში მოგლეჯილია ათეულობით მრავალწლიანი ხე, რამაც გზების ჩახერგვა გამოიწვია, ასევე, დაზიანებულია ელექტრო გადამცემი ბოძები და სადენები. ზუგდიდში მე- საჯარო სკოლის ეზოში ხე წაიქცა, ხოლო მე-5 სკოლის ეზოში სტადიონის კონსტრუქცია დაზიანდა. სხვადასხვა მუნიციპალიტეტის პრესსამსახურების ცნობით, შესაბამისი სამსახურები ადგილზე უწყვეტ რეჟიმში მუშაობენ.


ფოტო: თამარ ბელქანიას ფეისბუქ გვერდი

ამავე თემაზე:

ზუგდიდში სტიქიის სალიკვიდაციო ღონისძიებები მიმდინარეობს

ძლიერი ქარის გამო ზუგდიდის მერია მოსახლეობას აფრთხილებს

სამეგრელოში აღდგენით სამუშაოებს ხელს უშლის ქარიშხალი - ,,ენერგო-პრო ჯორჯია“

ზუგდიდში ძლიერი ქარისგან წაქცეულმა ხემ მე-5 სკოლის სტადიონი დააზიანა (ფოტო)

ზუგდიდში ძლიერმა ქარმა სკოლის ეზოში ხე მოგლიჯა (ფოტო)