სტატისტიკის ეროვნული სამსახურის მონაცემებით, საქართველოში, 2024 წლის დეკემბერში წინა თვესთან შედარებით ინფლაციის დონემ 0.7%, ხოლო წლიური ინფლაციის მაჩვენებელმა 1.9% შეადგინა.

კერძოდ, სურსათისა და უალკოჰოლო სასმელების ჯგუფში ფასები 1.3%ით გაიზარდა. ქვეჯგუფების მიხედვით ფასების მატება შემდეგნაირად გადანაწილდა:

ბოსტნეული და ბაღჩეული - 5.3%

ზეთი და ცხიმი - 3.0%

რძე, ყველი და კვერცხი - 2.4%

ყავა, ჩაი და კაკაო - 1%

ხორცი და ხორცის პროდუქტები - 0.6%

თევზეული - 0.5%

ამასთან, ფასები შემცირდა:

ხილი და ყურძენი - 1.7%-ით

მინერალური და წყაროს წყალი, უალკოჰოლო სასმელები და ნატურალური
წვენები - 0.5%

რაც შეეხება ალკოჰოლურ სასმელებს და თამბაქოს, საქსტატის ცნობით, მათმა ღირებულებამ 5.9%-ით მოიმატა, ეს კი წლიურ ინფლაციაზე 0.48 პროცენტული პუნქტით აისახა.