დღეს, 19 თებერვალს, ზუგდიდში, სოციალურ სივრცე „მეგობარში“ თანასწორობის კუთხე „დაე, იკითხოს თავისუფლებამ“ გაიხსნა. ის გაეროს მოსახლეობის ფონდის (UNFPA) საქართველოს ოფისის მიერ, შვედეთის მთავრობის მხარდაჭერით, გაეროს ერთობლივი პროგრამის „გენდერული თანასწორობისთვის” ფარგლებში დაფუძნდა.

ღონისძიების პრესრელიზის მიხედვით, სივრცეს გამომცემლობა „ინტელექტის“ წიგნები შეემატა თანასწორობის, ქალებისა და გოგონების გაძლიერების, ტოლერანტობისა და ადამიანის უფლებების შესახებ.

ამ წუთებში, „მეგობარში“ მწერალი ნესტან ნენე კვინიკაძე აუდიტორიას გენდერული თანასწორობის მნიშვნელობაზე, ქალებისა და გოგონების გაძლიერებასა და მათ უფლებებზე ესაუბრება.

შეხვედრა დისკუსიის რეჟიმში მიმდინარეობს, რომლის მოდერატორები „ინტელექტის“ საერთაშორისო ურთიერთობების მენეჯერი გვანცა ჯობავა და სამოქალაქო აქტივისტი ცაბუნია ვართაგავა არიან.