არჩევნები
ზვიად სიჭინავა ზუგდიდის მუნიციპალიტეტში სოციალურად დაუცველი ოჯახების მონახულებას აგრძელებს
ზუგდიდის მერობის დამოუკიდებელი კანდიდატი, დომენტი სიჭინავა ზუგდიდის მუნიციპალიტეტში სოციალურად შეჭირვებული და დაუცველი ოჯახების მონახულებას აგრძელებს. მერობის კანდიდატი დღეს რამდენიმე ოჯახს ეწვია და მათი საცხოვრებელი პირობები დაათვალიერა.

სოფელ ცაიშში,ზვიად სიჭინავა თამაზ მაქაცარიას ოჯახს ესტუმრა, რომელთაც უკიდურესად მძიმე საცხოვრებელი პირობები აქვთ. თამაზ მაქაცარიას თქმით, ის მარტოხელაა. საცხოვრებელი სახლი დაზიანებულია, გაფუჭებულია სახურავი, კარ-ფანჯარა და იატაკი. ამასთან ერთად, თამაზ მაქაცარიას სახელმწიფომ სოციალური დახმარებაც შეუწყვიტა.

სოციალური დახმარების სახით 50 ლარს იღებს სახელმწიფოსგან აფხაზეთიდან დევნილი ეთერ ფიფია, რომელიც წლებია ნაქირავები სახლის ერთ ოთახში ცხოვრობს, რომლის გადასახადიც 100 ლარს შეადგენს. ეთერ ფიფიას, გარდა სოციალური დახმარებისა, სხვა შემოსავალი არ გააჩნია.



უკიდურესად მძიმე მარგიანების ოჯახის მდგომარეობაც, რომლებიც ზუგდიდში, ჩიტაძის ქუჩაზე ცხოვრობენ. მარგიანების სახლი სიძველისგან ინგრევა, სახურავიდა წყალი ჩამოდის, რის გამოც იატაკი და კარ-ფანჯრები დაზიანებულია. ოჯახში მცხოვრები ასაკიანი ცოლ-ქმარი მძიმედ არიან ავად, პენსიის თანხა კი მათ სამკურნალოდ და მედიკამენტებისთვის არ მყოფნის. მარგიანებისთვის უცნობია, თუ რატომ შეუჩერა სახელმწიფომ მათ სოციალური დახმარება.

რაფავების ოჯახს სახელმწიფომ სოციალური დახმარება მხოლოდ იმიტომ მოუხსნა, რომ გაუმართავი მრიცხველის გამო დაკისრებული 300 ლარიანი დავალიანება გადაიხადეს და ელექტროენერგიის გარეშე არ დარჩნენ. რაფავების საცხოვრებელი პირობებიც ძალიან მძიმეა, პატარა სახლი ინგრევა, ოჯახს კი გარდა სოციალური დახმარებისა, სხვა საარსებო საშუალება არ გააჩნდა.



ბოლო სოციალურად დაუცველი ოჯახი, რომელიც ზუგდიდის მერობის კანდიდატმა დღეს მოინახულა, მამუკა შალამბერიძის მრავალშვილიანი ოჯახია, რომლებსაც საკუთარი საცხოვრებელი სახლიც არ გააჩნიათ და ნათესავთან ცხოვრობენ.

ოჯახში, რომელსაც სოციალური დახმარება ასევე მოხსნილი აქვს, 5 ბავშვი ცხოვრობს. შალამბერიძეების ყველაზე უმცროს წევრს, 6 წლის მოზარდს, ჯანმრთელობის მძიმე პრობლემები აქვს, მან ორჯერ გადაიტანა ინსულტი და ოჯახს მედიკამენტების საყიდელი სახსრები არ გააჩნიათ.

მამუკა შალამბერიძის თქმით, ის და მისი მეუღლე უმუშევრები არიან და ოჯახის რჩენა და გამოკვება დიდი გაჭირვებით უწევთ.

მერად არჩევის შემთხვევაში, ზვიად სიჭინავა სოციალურად დაუცველი პირებისთვის სოციალური პაკეტის გაუმჯობესებასა და სოციალური დახმარების ფონდის შექმნას გეგმავს.

®

Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
ამავე კატეგორიაში
დღის სიახლეები
23 / ივნისი 2024
ზუგდიდის მერია 2024 წლის საპარლამენტო არჩევნებში ხმის მიცემის პროცესის უზრუნველსაყოფად, მუნიციპალიტეტის მასშტაბით,
22 / ივნისი 2024
სოხუმი არ განიხილავს ტურისტული საქმიანობის შესახებ მოქმედ "კანონმდებლობაში" ცვლილების შეტანის საკითხს, - ამის შესახებ აფხაზეთის თვითგამოცხადებული რესპუბლიკის ე.წ პრემიერ-მინისტრმა ალექსანდრე ანქვაბმა "გიდების პროფესიული საზოგადოების" წარმომადგენლებთან შეხვედრაზე განაცხადა.
21 / ივნისი 2024
ძლიერი წვიმის შედეგად  წალენჯიხის რამდენიმე უბანში დაიტბორა საკარმიდამო მიწის ნაკვეთები და ჩამოირეცხა შიდა საუბნო გზები.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 29 °C
img
სოხუმი 28 °C
img
ფოთი 27 °C
img
მესტია 20 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.