ზუგდიდში, ქართულ-პოლონური არასამთავრობო ორგანიზაციის „ხიდი პოლონეთთან“ ინიციატივით, შოთა მესხიას სახელობის სასწავლო უნივერსიტეტში პოლონური ფილმების კვირეული გაიმართება. მესხიაუნიში  15-დან 19 ოქტომბრის ჩათვლით ნაჩვენები იქნება ანჯეი ვაიდას, რომან პოლანსკის და კშიშტოფ კშიშლოვსკის მსოფლიო კლასიკად აღიარებული ფილმები. „ხიდი პოლონეთთან“ წარმომადგენლის გოჩა ლაგვილავას განცხადებით, კვირეულის გამართვამდე ორგანიზაციამ პოლონეთში გამოკითხვა ჩაატარა - რომელ პოლონურ ფილმებს ურჩევთ ქართველ სტუდენტებს. კვირეულისთვის ფილმები სწორედ ამ გამოკითხვის შედეგად შეირჩა. „ორგანიზაცია პროპაგანდას უწევს პოლონურ კულტურას საქართველოში და პირიქით, ქართულს პოლონეთში. თავად სტუდენტების სურვილიც იყო ჩაგვეტარებინა კინო კვირეული, ამიტომაც გადავწყვიტეთ მათ ვაჩვენოთ საგანგებოდ შერჩეული, პოლონური კინო-კლასიკის შედევრები“, - განუცხადა „ლაივპრესს“ გოჩა ლაგვილავამ.