ზუგდიდის მუნიციპალიტეტის საზოგადოებრივი ჯანდაცვის ცენტრმა დღეს, გამგეობის სააქტო დარბაზში სტომატოლოგიური კაბინეტების მონიტორინგის შედეგები წარმოადგინა. შეხვედრას იმ სტომატოლოგიური კაბინეტის ექიმები ესწრებოდნენ, რომლებსაც მონიტორინგი ჩაუტარდათ. სტომატოლოგებთან ერთად ანაგარიშის პრეზენტაცია ადგილობრივი თვითმმმართველობის წარმომადგენლებმაც მოისმინეს. როგორც შეხვედრაზე საზოგადოებრივი მონიტორინგის ცენტრის ხელმძღვანელმა ნანა ოდიშარიამ განაცხადა, მონიტორინგი 52 სტომატოლოგიურ კაბინეტს 10 თვის მანძილზე უტარდებოდა. ამსთან, ოდიშარია აცხადებს, რომ ბოლო 5 წლის განმავლობაში ვირუსულმა ინფექციებმა ზუგდიდში საგრძნობლად იმატა. მათ შორის 4-ჯერ გაიზარდა C ჰეპატიტით დაინფიცირების შემთხვევა. ოდიშარიას განმარტებით, პირველი მონიტორინგის შედეგად აღმოჩნდა, რომ სადეზინფექციო ხსნარს სტომატოლოგური კაბინეტების ნახევარი არ იყენებდა. ბოლო მონიტორინგმა კი, მისივე თქმით, უკეთესი შედეგები აჩვენა და სადიზენფიქციო ხსნარს უკვე სტომატოლოგების 90% იყენებს იყენებ. თუმცა ოდიშარიამ იქვე დასძინა, რომ სადეზინფექციო ხსნარს სწორად გამოყენება, ნაწილობრივ, კვლავ პრობლემად რჩება. რაც შეეხება სტერილიზაციას, ოდიშარიას თქმით ამ კუთხითაც შემაშფოთებელი მაჩვენებელი დაფიქსირდა. მისივე თქმით, სამედიცინო ინსტრუმენტებს, ცხელ სტერილიზაციას სტომატოლოგირი კაბინეტების მხოლოდ 21% უკეთებდა. ხოლო, ავტოკლავირების აპარატს სტომატოლოგების მხოლოდ 9% იყენებს. საზოგადოებრივი ჯანდაცვის ცენტრის კვლევის შედეგად, მონიტორინგის პირველ ეტაპზე სტომატოლოგიური კაბინეტების 30% ონკანი არ გააჩნდა, ხოლო ამჟამამდ ყველა მათგანს აქვს გამდინარე წყალი. ამავე კვლევის თანახმად, სტომატოლოგების 40% არ იკეთებდა ხელთათმანებს და ხელებს არ ბანდა 71%. ხოლო ბოლო მონიტორინგის შედეგად აღმოჩნდა, რომ ხელთათმანებს უკვე სტომატოლოგების 90% იყენებს და ხელებს უკვე, თითქმის, ყველა სტომატოლოგი იბანს. როგორც შეხვერაზე საზოგადოებრივი ჯანდაცვის ცენტრის ხელმძღვანელმა ნანა ოდიშარიამ აღნიშნა, თუ სტომატოლოგიური კააბინეტები მომავალში არ დაიცავენ ყველა საწირო პროცედურას, მოქალაქეების უსფრთხოებიდან გამომდინარე, შესაძლებელია მათი ვინაობა გაჟღერდეს. რაც შეეხება დღეს წარმოდგენილ შედეგებს, ის ზოგადი იყო და კონკრეტული სტომატოლოგიური კაბინეტების მონაცემები არ იყო გასაჯაროებული. ცნობისთვის, ზუგდიდის მუნიციპალიტეტის საზოგადოებრივი ჯანდაცვის ცენტრმა სტომატოლოგიური კაბინეტების მონიტორინგისა და ზედამხედველობის უფლება მიმდინარე წელს საკრებულოს განკარგულებით მიიღო.