უკრაინაში მიმდინარე მოვლენები, უსაფრთხოების საკითხები და რუსეთის საგარეო უწყების პოზიცია საერთაშორისო თანამეგობრობის სანქციებზე, - ეს ის თემებია, რომლებზეც ზურაბ აბაშიძე და გრიგორი კარასინი მორიგ შეხვედრაზე ისაუბრებენ. საქართველოს პრემიერის სპეციალური წარმომადგენელი რუსეთთან ურთიერთობების საკითხებში რუს კოლეგას სოჭის ოლიმპიადის შემდეგ პირველად შეხვდება. მმართველ გუნდში მოახლოებულ შეხვედრას მნიშვნელოვანს უწოდებენ, ხოლო ოპოზიციისათვის კარასინი-აბაშიძის ფორმატი მიუღებელია. გრიგორი კარასინთან მოლაპარაკებების მორიგი რაუნდი ხვალისთვისაა ჩანიშნული.