ვლაქერნობის დღესასწაულთან დაკავშირებული წვეულების მოწყობაზე ზუგდიდის გამგეობამ 15 ათასი ლარი გამოიყო. სატენდერო დოკუმენტაციის თანახმად, წვეულება 350 ადამიანზეა გათვლილი. მენიუ კი ასე გამოიყურება: კუჭმაჭი კეცზე, ყველი(სულუგუნი, შებოლილი), მჭადი, შემწვარი გოჭი, ბოსტნეულის სალათი ბეკონით, შემწვარი წიწილი, ჭვიშტარი, საცივი, ხაჭაპური, გებჟალია, ზეთის ხილი, ხილის ასორტი და სხვ. ამავე დოკუმენტაციის თანახმად, ტენდერში მონაწილეობა მხოლოდ ერთმა პრედენდენტმა - რესტორანმა „სამეფომ“ მიიღო მონაწილეობა. სატენდერო წინადადებების მიღება 3 ივლისს დასრულდა. „ძალიან ბევრი მომლოცველი ჩამოდის ამ დღეს ზუგდიდში. მათ შორის საპატიო სტუმრები, როგორც ქვეყნის მასშტაბით ასევე-საზღვარგარეთიდან. ბუნებრივია,სტუმრებს სჭირდებათ დახვედრა. ეს უკვე ტრადიციაა და ყოველწლიურად იმართება ტრაპეზი ამ დღესთან დაკავშირებით“,- უთხრა რადიო „ათინათს“ ზუგდიდის გამგებლის მოადგილის მოვალეობის შემსრულებელმა მერაბ ქვარაიამ. ზუგდიდში ვლაქერნობის დღესასწაული ყოველი წლის 15 ივლისს აღინიშნება.