როგორც ცოტა ხნის წინ გახდა ცნობილი, ქეთი მელუა, ბევრ სხვა ცნობილ მომღერალთან ერთად, ფინანსურ სკანდალში გაეხვა. მას ბრალს სდებდნენ გადასახადების თავიდან აცილებასა და უგულებელყოფაში. თუმცა, როგორც ირკვევა, ქართველმა შემსრულებელმა არ იცოდა არსებული პრობლემის შესახებ და, მრჩეველების აზრის გათვალისწინებით, ხელი მოაწერა დოკუმენტზე, რომელიც ამ სკანდალის მიზეზი გახდა. 29 წლის ქეთი 1600 სხვა ადამიანთან ერთად დაადანაშაულეს. საბედნიეროდ, როგორც კი ამის შესახებ შეიტყო, მომღერალმა დაუყოვნებლივ დაფარა ყველა გადასახადი და განაცხადა, რომ შეცდომა უყურადღებობის, გამოუცდელობის და კონკრეტული კანონების უცოდინრობის გამო დაუშვა. მელუამ აღიარა, რომ ძალიან რცხვენია იმ ინფორმაციის, რომელიც მის შესახებ ასეთი ფორმით გავრცელდა და მოუწოდებს ყველა შემსრულებელს, მრჩეველები ფრთხილად და დაკვირვებით შეარჩიონ, რომ შემდეგ თავადაც არ აღმოჩნდნენ მსგავს მდგომარეობაში. სხვა ბრალდებულებს კომენტარი არ გაუკეთებიათ და არც რაიმე გამოუსწორებიათ. ქეთი პირველი აღმოჩნდა, რომელმაც, სიტუაციაში გარკვევისთანავე, ყველა საჭირო პროცედურა შეასრულა და სუფთად “გამოძვრა” არსებული გაუგებრობიდან. როგორც მელუა ამბობს, ეს ყველაფერი მუსიკალურ კარიერაზე ვერ და არ იმოქმედებს.