ცნობილი მუსკალური ფესტივალის, კაზანტიპის, დამფუძნებელმა ნიკიტა მარშუნოკმა პროექტის დახურვის შესახებ განაცხადა.
“მოდით, შევთანხმდეთ, რომ ბოლო დროს ფესტივალი უკვე ის აღარ იყო, რაც ადრე. კაზანტიპი უფრო და უფრო სახიფათო ხდებოდა საზოგადოებისათვის… შეიძლება საზოგადოებრივი გაზეთები ცდებოდნენ ? მართლმადიდებელი ეკლესიის ყოვლისმხედველი თვალი კი, ჩვენში სატანის მიმდევრებს ხედავს. კამასუტრის სპეციალისტებმა კი ჩვენში არნახული გარყვნილების საფრთხე დაინახეს. საზოგადოება ჩვენს ქმედებაში უკვე გლობალურ ტერორისტულ აქტივიზმს ხედავს”, – კაზანტიპის დამფუძნებელი წერს სოციალურ ქსელში.
მისი თქმით, უკვე 23 წელია, რაც ყველაზე სამართლიანი ჩინოვნიკები ებრძვიან ამ ფესტივალს.
მარშუნოკის განცხადებით, ეს პროექტი აბსოლუტური, უნივერსალური ბოროტებაა, რომლის ჩახშობაც მხოლოდ მას, თავად შეუძლია.
“დღეს, ამ პროექტის სიკვდილისათვის კარგი დღეა”, – წერს დამფუძნებელი.
2014 წელს, ბოლო კაზანტიპი შავიზღვისპირეთში, საქართველოში, ანაკლიაში ჩატარდა. ორგანიზატორებმა განაცხადეს, რომ ზარალი ნახეს, რადგან ფასები მაღალი იყო, ხოლო ტურისტების რაოდენობა – არასაკმარისი.
მასალის გამოყენების პირობები