ოკუპირებული გალის რაიონებში შიდა გზებისა და ხიდების რეკონტრუქცია დაიწყო
შიდა გზებისა და ხიდების სარეკონსტრუქციო სამუშაოების შესახებ ინფორმაციას მედიასთან საუბარში გალის რაიონის მოსახლეობა ადასტურებს.
გალის რაიონის სოფელ ჩხორთოლის მკვიდრი, ვალტერ კიკორია რადიო „ათინათთან“ საუბარში ყვება, რომ სოფლებში ცენტრალური გზების რეკონსტრუქცია უკვე თვეზე მეტია მიმდინარეობს და დასძენს, რომ გალის რაიონის, რამდენიმე სოფელში გზებისა და ხიდების აღდგენითი სამუშაოები უკვე დასრულებულია.
ჭუბურხინჯის რაიონის მკვიდრი, ჯემალ წულაია კი რადიო „ათინათთან“ საუბარში აღნიშანვს, რომ დაბალი ზონის სოფლებში ამ დრომდე არაფერი შეცვლილა და არც გზების რეკონსტრუქცია დაწყებულა. თუმცა მისივე თქმით ჭუბურხინჯის ცენტრალური გზა და ხიდის რესტავრაცია თვეზე მეტია გაკეთდა.
რადიო „ათინათის“ კითხვაზე იციან თუ არა რომელი ორგანიზაცია ახორციელებს ზემოხსენებულ სამუშაოებს? ამის შესახებ ინფორაციას ოკუპირებული რაიონის მკვიდრები არ ფლობენ.
აფხაზეთის ლეგიტიმურ ხელისუფლებაში, მედიასთან ოფიციალურ კომენტარს არ აკეთებენ თუ როდის დაიწყება, ენგურის ხიდზე სარეკონსტრუქციო სამუშაოები. თუმცა მედიასთან პირად საუბრებში აღნიშნავენ, რომ მათი უწყება, ამ დრომდე არ ფლობს ამის შესახებ ინფორმაციას და მით უფრო, მათთვის აღნიშნული პროექტის შესახებ არავის უცნობებია.
შეგახსენებთ, რომ 6 თებერვალს აფხაზეთის ე.წ. პრეზიდენტი, ალექსანდრე ანქვაბი გაერო-ს განვითარების პროგრამის მუდმივ კოორდინატორს საქართველოში, ჯეიმი მაკგოლდრიკს შეხვდა. აფხაზური მედიის ინფორმაციით, შეხვედრაზე მდინარე ენგურზე საავტომობილო ხიდის რეკონსტრუქცია განიხილეს. ვრცლად
მასალის გამოყენების პირობები