საქართველოში 6-7 მარტს ყინვა იქნება.  გარემოს ეროვნული სააგენტოს მონიტორინგისა და პროგნოზირების ცენტრის წარმომადგენელი, სვეტლანა ნიორაძე აცხადებს, რომ ხვალიდან საქართველოს მთელ ტერიტორიაზე ძლიერ აცივდება. როგორც დასავლეთ საქართველოს, ასევე აღმოსავლეთ საქართველოს ზოგიერთ რაიონში მოსალოდნელია თოვა. ამინდის ცვლილება შავი ზღვის ჩრდილო-დასავლეთიდან ცივი ჰაერის მასების შემოჭრით არის განპირობებული. 6 მარტს დასავლეთ საქართველოს ზოგიერთ რაიონებში ღამით მოსალოდნელია -2;-3 გრადუსი, 7 მარტს კი -6 გრადუსამდე. აღმოსავლეთ საქართველოში 6 მარტს ღამით იქნება -5; 7 მარტს კი -7 გრადუსი. ძლიერი ყინვები უფრო შიდა ქართლში იქნება. თბილისში აღნიშნულ დღეებში შესაბამისად მოსალოდნელია -3 და -4 გრადუსი. 8 მარტიდან კი შედარებით დათბება.