"ნოვაია გაზეტას" კორესპონდენტი არკადი ბაბჩენკო, რომელიც 2008 წლის შეიარაღებულ კონფლიქტს აშუქებდა, ჰააგის სასამართლოში ჩვენების მიცემას აპირებს. ამის შესახებ მან საკუთარ ფეისბუკ გვერდზე დაწერა.

ბაბჩენკო ჰააგის სასამართლოს საქართველოში 2008 წლის აგვისტოს ომის დროს ჩადენილი დანაშაულების გამოიძიების შესახებ გადაწყვეტილებას გამოეხმაურა.

"როგორც ითქვა, შენ გიტანენ და მზად არიან შენს დანაშაულზე თვალი დახუჭონ მანამ, სანამ გითმენენ და მზად არიან ამისთვის. თუმცა, როდესაც ზღვარი გადაილახება - ყველა ფრონტზე შემოგიტევენ. საერთაშორისო ბიუროკრატიას საკმაოდ მოქნილი ხერმხემალი აქვს და კატასტროფულად ნელია, თუმცა შედეგად - თუ გაუტიეს, მართლა გაუტევენ",- წერს ჟურნალისტი.

ამავე "პოსტში" ის 2008 წლის აგვისტოს ომის მოვლენებს იხსენებს და საკუთარ გადაწყვეტილებაზე საუბრობს.

"ვერ ვიტყვი, რომ იმ ომში ყველაფერი ვნახე, თუმცა, ბევრი რამის ნახვა მოვასწარი. ვნახე,როგორ იწვოდა თამარაშენი, რასაც ამხანაგ კოკოითი ასე აღწერს :"ჩვენ იქ ყველაფერი მიწასთან გავასწორეთ". ისიც ვნახე, როგორ იწვოდა სხვა ქართული სოფლები, როდესაც შვეულმფრენით გორიდან ჯავაში მივემართებოდი. ჰორიზონტიდან ჰორიზონტამდე.
ფოტოაპარატზეც კი აღვბეჭდე მაშინ.
რა ლამაზად იწვიან სოფლები? აი ასე.
და, მაინც. ჩვენ ტყუილუბრალოდ არ ვმუშაობთ, ხომ ასეა?
მე ჩვენებას მივცემ.
ეს დროც დადგა.
სხვა დროც მოვა.
იქაც იღებდნენ.
ბევრს", - აღნიშნულია ბაბჩენკოს წერილში.

სისხლის სამართლის საერთაშორისო სასამართლომ პროკურორ ფატუ ბენსუდას საქართველოს საქმესთან დაკავშირებით გამოძიების დაწყების ნება დართო. აღნიშნული ინფორმაცია ჰააგის სასამართლოს ოფიციალურ ვებგვერდზე ვრცელდება. საქმე ეხება 2008 წლის 1- ლი ივლისიდან 10 ოქტომბრამდე ე.წ. სამხრეთ ოსეთში განვითარებულ მოვლენებს, რომელიც სასამართლო კოლეგიის დასკვნით, ჰააგის სასამართლოს იურისდიქციაშია.