საქართველოს დიდი ბრიტანეთის საგარეო საქმეთა მინისტრი ფილიპ ჰემონდი ეწვია. მინისტრს აეროპორტში საქართველოს ელჩი ბრიტანეთში თამარ ბერუჩაშვილი და ბრიტანეთის ელჩი საქართველოში ალექსანდრა ჰოლ ჰოლი დახვდნენ.
ვიზიტის ფარგლებში ბრიტანეთის საგარეო საქმეთა მინისტრი საქართველოს პრემიერ-მინისტრის გარდა მთავრობის წევრებთან, საგარეო საქმეთა სამინისტროში და საქართველოს პარლამენტის თავმჯდომარესთან გამართავს შეხვედრებს. ფილიპ ჰემონდი გვირგვინით შეამკობს გმირთა მემორიალსაც.

მინისტრი სიტყვით გამოვა "სამხრეთ კავკასიის ახალგაზრდა პოლიტიკოსთა ფორუმზე", დაესწრება მარინა ციციშვილისთვის ბრიტანეთის სამეფო ორდენის გადაცემის ცერემონიას და ეწვევა კომპანია BP-ის სამხრეთ კავკასიის გაზსადენის გაფართოების პროექტის მშენებლობას.